Свет
Нов Зеланд размислува за спас на туризмот со воведување на работна недела од 4 дена
Нов Зеланд кон крајот на април почна со долгиот процес за релаксација на мерките на карантин поради пандемијата.
На граѓаните им беше дозволено да одат на работа, да нарачуваат храна и пијалок на отворено, како и да се собираат во мали групи.
Сега, за да го поттикне туризмот, премиерката Џасинда Ардерн предложи работни да бидат само четири дена во неделата.
Таа на „Фејсбук“ ја образложи идејата за скратување на работната недела и нагласи дека со тоа сака да помигне за зајакнување на домашниот туризам, а би можело и да им помогне луѓето да пронајдат баланс во професионалниот живот.
„Многу луѓе ми сугерираа дека треба да имаме четвородневна работна недела. На крајот, тоа навистина одговара во односот меѓу работодавачите и работниците. Но, како што реков, толку многу научивме во текот на пандемијата и таа флексибилност на луѓето кои работат од дома, продуктивноста која може да се искористи од тоа, вели Ардерн.
Таа објасни дека 60 проценти од туризмот доаѓа од домашните патувања, па дополнителниот слободен ден, кои работодавачите можат да го дадат на своите работници да патуваат и да ја истражат сопствената земја може да се покаже како клучен момент во подигање на националната економија.
„Навистина би ги поттикнала луѓето да размислуваат за тоа. Ако сте работодавач размислете дали тоа нешто би користело на вашата работна заедница, бидејќи навистина би помогнало на туризмот ширум земјата“, изјави таа.
Компанијата „Перпетуал Гардиан“ од Нов Зеланд која се занимава со недвижности, пред две години спровела истражување како таквото работење би се одразило на економијата, пишува Си-ен-ен.
Две недели траел тестот по кој компанијата дошла до заклучок дека сите нејзини вработени биле попродуктивни и дека напредувале во прашањето на стресот во професионалниот живот. Ова истражување било толку успешно што ја натерало компанијата да размислува за тоа засекогаш да ја остави работната недела да трае четири дена.
„Тоа беше само теорија, нешто што го пробав затоа што сакам да создадам подобра работна околина за мојот тим. Реакцијата на луѓето на тој експеримент беше подобра отколку што некогаш сонував“, рече Ендру Барнс, основач на компанијата.
Дури и големите компании се обиделе да постапат слично. „Мајкрософт“ во 2019 година во својата јапонска подружница поради тестирање им понудил на работниците можност да ја испробаат работната недела од четири дена во текот на август. Продуктивноста на вработените пораснала дури за 40 проценти во тој период.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.