Свет
Нов извештај на британското разузнавање: Руските сили се повлекоа од аеродромот Хостомел
Руските сили наводно се повлекле од аеродромот Хостомел во близина на Киев, соопшти британското Министерство за одбрана во новиот разузнавачки извештај за ситуацијата во Украина.
Хостомел е во фокусот на Русија од почетокот на војната, а од првиот ден таму се водат тешки борби, бидејќи заземањето на тој аеродром значеше полесен пристап за Русија до главниот град Киев.
„ Украинските сили продолжуваат да напредуваат против руските сили кои се повлекуваат во близина на Киев“, се вели во извештајот на Министерството.
Украинските сили, исто така, повторно зазедоа неколку села долж источната воена оска, се вели во соопштението.
Се додава дека Украинците, по тешките борби, обезбедиле клучна рута во источен Харков по ослободувањето на Тростјанец на почетокот од оваа недела.
Во тек се обиди на украинските сили да напредуваат од Ирпин кон Буча и Хостомел по северозападната оска, се вели на крајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: „Пред нас се сложени денови“
Израелскиот премиер Бенјамин Нетанјаху во изјава за израелската јавност се осврна на неодамнешните настани на северната граница со Либан.
Според написите на локалните медиуми, по проценката на ситуацијата во воениот штаб во Тел Авив, Нетанјаху изјавил:
– За оние кои сè уште не разбираат, сакам да ја разјаснам политиката на Израел – не чекаме закана, туку ја спречуваме. Секаде, на кој било фронт, во секое време. Ги елиминираме нивните високи личности, ги елиминираме терористите, ги елиминираме проектилите – и не запираме, рече Нетанјаху.
– Кој ќе се обиде да ни наштети, ние го удираме уште посилно. Ветив дека ќе го промениме безбедносниот баланс, односот на силите на север – и тоа го правиме. Ние уништуваме илјадници проектили и ракети насочени кон Израел, кон градови и граѓани. Пред нас се сложени денови. Барам две работи од вас, граѓани на Израел: прво, следете ги упатствата на командата на домашната стража, бидејќи тоа спасува животи, и второ, застанете заедно со решителност, одговорност и, се разбира, трпение, рече Нетанјаху, пренесуваат медиумите во регионот.
Регион
Патник добил порака за поставена бомба во авион: на аеродромот во Сараево активирана кризна ситуација
Околу 17 часот и 50 минути на Меѓународниот аеродром во Сараево е повторно започната процедурата за тревога и известување откако еден од патниците на летот Меминген – Сараево добил порака со заканувачка содржина, пренесува „Radiosarajevo.ba“.
Патникот добил дојава за поставена бомба во авионот.
Пораката пристигнала додека авионот бил над Хрватска, а авионот слетал на аеродромската писта во Сараево, по што бил спроведен кризен акциски план.
Информацијата ја потврдила и Белма Чурековиќ, портпарол на сараевскиот аеродром за порталот „Radiosarajevo.ba“.
Во авионот имало 190 луѓе.
Локалните медиуми потсетуваат дека денеска, во 15 часот и 36 минути, на Меѓународниот аеродром во Сараево била пристигната електронска пошта со заканувачки содржини дека на аеродромот се поставени експлозивни направи.
Според написите, била направена контрадиверзантска проверка на целиот меѓународен аеродром во Сараево и се покажало дека дојавата за поставени експлозивни направи е лажна.
Свет
(Видео) Улици како реки: големи поплави, невреме и град во францускиот град Кан
Обилните врнежи предизвикаа поплави во францускиот град Кан, а на социјалните мрежи кружат видеа од овој град.
„Во нашето подрачје има силно невреме, повремено пропратено со град. Ги повикуваме сите граѓани да бидат внимателни и да преземат мерки на претпазливост доколку патуваат“, се наведува во соопштението на Градската управа на социјалната мрежа Икс.
In France, the streets of Cannes turned into rivers this morning following torrential rain 🌊👀pic.twitter.com/iQ7cZ4B9Qw
— Volcaholic 🌋 (@volcaholic1) September 23, 2024
Во соопштението се наведува дека сообраќајот е блокиран поради поплави.
In France, the streets of Cannes turned into rivers this morning following torrential rain 🌊👀pic.twitter.com/spe4KfdHL3
— Volcaholic 🌋 (@volcaholic1) September 23, 2024
„Пријавени се штети во некои подруми и продавници. Во моментов нема пријавени случаи на човечки жртви“, се наведува во соопштението, пренесува Н1.