Свет
Нов сомнителен пакет во САД, овој пат адресиран до милијардерот кој бараше импичмент на претседателот
Сомнителен пакет беше испратен до калифорнискиот милијардер и демократ Том Штајер, кој е познат по повикот за импичмент на амриканскиот претседателoт Доналд Трамп, објави Си-ен-ен.
Американските власти претходно денеска го уапсија осомничениот за испраќање пакети со експлозивни направи. Тој беше идентификуван како Цезар Сајок, кој има 56 години, објави „Ројтерс“.
Досега сомнителни пакети беа испратени и до Барак Обама, Хилари Клинтон, телевизијата Си-ен-ен, како и до голем број демократи. Медиумите велат дека пакетите се испраќаат до критичарите или противниците на американскиот претседател.
Претходно коментирајќи го апсењето на лицето за сомнителните пакети со експлозивни направи, американскиот претседател, Доналд Трамп, изјави дека не смееме да се дозволи политичкото насилство да пушти корени во САД.
Белата куќа соопшти дека ова се ужасни инциденти и дека сторителите ќе одговораат пред судот. Претседателот на САД, од своја страна, рече дека во САД нема место за политичко насилство, а првата дама, Меланија Трамп, инцидентите ги нарече кукавички напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.