Свет
Норвешка испрати специјализиран брод за да го прегледа подморскиот гасовод
![](https://makfax.com.mk/wp-content/uploads/2016/11/norveska-nafta.jpg)
Норвешка испрати специјализиран брод да го прегледа подморскиот гасовод до Германија поради безбедносни причини по сомневањата за саботажа.
Најголемиот снабдувач на гас во Европа – Норвешка, минатата недела го стави својот енергетски сектор во состојба на готовност, распоредувајќи ја својата морнарица и воздухопловните сили за патролирање на крајбрежните објекти и распоредувајќи војници во копнените капацитети за преработка на гас по експлозиите на Северен тек на 26 септември.
„Havila Subsea“, бродот за снабдување со нафта опремен со далечински подводни возила, беше распореден на 5 октомври за да го прегледа гасоводот Europipe II што тече од гасната постројка Каарстое во Норвешка до Дорнум во Германија, покажаа податоците за следење на бродот Refinitive.
Еквинор, која врши инспекции на гасоводот, во изјава испратена по е-пошта до „Ројтерс“, наведува дека „нивоата на безбедност за инсталациите и инфраструктурата на NCS (норвешкиот континентален гребен) се зголемени“ и дека се преземени мерки на претпазливост во однос на мрежата на гасоводот.
Извор од индустријата изјавил за „Ројтерс“ дека Норвешка ја проверува клучната инфраструктура за нафта и гас, вклучително и цевководи, за можни обиди за експлозиви или саботажа.
Германија, најголемата европска економија, во голема мера се потпираше на испораките на руски гас од Русија се додека снабдувањето не беше прекинато по руската инвазија на Украина.
Europipe II е долга 658 километри и има капацитет од 71 милион кубни метри гас дневно, што е околу една петтина од вкупниот извоз на гасоводот на Норвешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
(Видео) Украинците објавија невидени снимки од преземањето на Змискиот остров
![](https://makfax.com.mk/wp-content/uploads/2024/07/zmiski-ostrov-prezemanje.jpg)
Досега невидени снимки објавени вчера од Украинската служба за безбедност (СБУ) покажува како киевските сили пред две години зазеле клучен пункт во Црното Море. Украинските сили, заедно со агентите на СБУ, „спроведоа уникатна и исклучително важна операција“ на Змискиот остров во јуни 2022 година, се вели во објавата на СБУ во Телеграм.
Московските воени авиони го гаѓаа Змискиот остров во првите часови од инвазијата, која започна на 24 февруари 2022 година. Украинските војници стационирани на островот добија култен статус кога одговорија со пцости на барањето да се предадат.
Судирите меѓу руските и украинските војници за Змискиот остров повторно се најдоа на насловните страници во јуни истата година. Украинците ја презедоа контролата на островот, додека Русите најавија дека ќе се повлечат од островот.
Звільнення о. Зміїний: унікальні кадри воїнів СБУ
У червні 2022 року спецпризначенці ЦСО «А» СБУ разом із бойовими побратимами з ГУР МОУ та ЗСУ провели унікальну та надзвичайно важливу операцію.
Пам’ятаємо Героїв України, які віддали свої життя у цій битві.
1/3 pic.twitter.com/qtDOT8nNLg
— СБ України (@ServiceSsu) June 30, 2024
„Руските вооружени сили ги завршија задачите на Змискиот остров и се повлекоа“, изјави тогаш портпаролот на руското Министерство за одбрана.
Видеото на СБУ покажува како украинските војници се приближуваат до Змискиот остров и пукаат во цели. Камерите покажуваат и војници како слетуваат на островот и се пробиваат низ срушените згради додека пукаат со оружје, пишува Њузвик.
Операцијата „се состои од неколку фази“, соопшти СБУ. Тие додадоа дека повторното заземање на Змискиот остров „било од стратешко значење, бидејќи оттогаш почнало постепеното движење на непријателот од Црното Море“.
Кирило Буданов, шеф на украинската воена разузнавачка агенција (ГУР), претходно го опиша Змискиот остров како стратешки клучен од цивилни, комерцијални и воени причини. „Кој го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина“, рече Буданов во средината на мај 2022 година.
Островот се наоѓа во близина на Романија во северозападниот дел на Црното Море. За време на војната, Украина ја ослабе руската Црноморска флота, која делумно оперира од руската база Севастопол, на западниот раб на анектираниот полуостров Крим.
Извештаите сугерираат дека Кремљ планира нова воена база во пристаништето Очамчире во Абхазија, отцепен регион на Грузија. Ова би ги ставило руските бродови уште подалеку од украинскиот брег. Западното разузнавање процени дека Русија веќе ја ограничила својата активност во северозападниот дел на Црното Море, преместувајќи ги своите бродови уште на исток во својата база во Новоросијск.
Регион
Избран е нов патријарх на Бугарската православна црква
![](https://makfax.com.mk/wp-content/uploads/2023/08/sofija-bugarija-3.jpg)
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се пензионира.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Европа
Маж со нож нападнал полициска патрола во Германија, убиен е
![](https://makfax.com.mk/wp-content/uploads/2024/03/germanska-policija-1.jpg)
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.