Кривичниот суд во Париз во четвртокот објави дека на 13 мај ќе ја изрече пресудата за актерот Жерар Депардје за сексуално вознемирување две жени за време на снимањето филм во 2021 година.

Француското Обвинителство во четвртокот побара 18-месечна условна казна и глоба од 20.000 евра за Депардје, објави весникот „Ле Паризиен“ и другите медиуми.

Седумдесет и шестгодишниот Депардје, истакната личност во француската кинематографија, е обвинет за сексуално вознемирување две жени за време на снимањето филм од 2021 година. Ова е првпат актерот, кој се соочува со многубројни обвинувања за сексуално вознемирување во текот на годините, да биде изведен пред суд.

Депардје призна дека ја фатил една од жените за бутот, но негира дека тоа е напад. Неговиот адвокат рече дека наводите против клиентот се лажни и дека истражителите биле пристрасни.

По двата разорни земјотреса што го погодија Мјанмар, распукаа патиштата.

Првиот земјотрес со јачина од 7,7 степени според Рихтеровата скала е регистриран на 17 километри западно од Мандалеј, на длабочина од 10 километри.

По 12 минути, регистриран е втор земјотрес со јачина од 6,4 степени според Рихтеровата скала. Беше на длабочина од 12 километри, 28 километри јужно од Мандалеј.

Британскиот крал Чарлс Трети вчера беше кратко примен во болница поради привремени несакани ефекти по планираниот третман на ракот, соопшти Бакингемската палата.

Според официјалната изјава, кралот бил отпуштен по краток престој под медицински надзор и се вратил во својата резиденција.

„Неговото Височество се врати во Кларенс Хаус и како мерка на претпазливост утрешниот распоред на ангажмани ќе биде променет“, се вели во соопштението.

На кралот Чарлс ракот му беше дијагностициран минатата година, а деталите за видот на болеста не се објавени.