Свет
Нуклеарните преговори меѓу Иран и САД траеја три часа, се уште нема договор

САД и Иран завршија уште една рунда преговори за иранската нуклеарна програма без напредок.
Разговорите во Рим, со посредство на заливската држава Оман, завршија по околу три часа, објави министерот за надворешни работи на Оман, Бадр ал-Бусаиди, на социјалната мрежа Икс.
„Петтата рунда разговори меѓу Иран и САД заврши денес во Рим со одреден, но не и конечен напредок“, напиша ал-Бусаиди. „Се надеваме дека ќе ги разјасниме преостанатите прашања во наредните денови за да можеме да се движиме кон заедничката цел за постигнување одржлив и чесен договор“, додаде тој.
САД неодамна побараа од иранската влада целосно да го запре збогатувањето на ураниум, што Вашингтон го смета за неопходна мерка за да се спречи Техеран да развива нуклеарно оружје.
Техеран го отфрла ова, но е подготвен повторно да ја ограничи својата нуклеарна програма и да дозволи построги контроли. Тој продолжува да тврди дека нуклеарната програма е целосно наменета за цивилна употреба.
Експертите ја гледаат оваа централна точка на спорот како одлучувачко прашање за тоа дали преговорите ќе пропаднат или ќе успеат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Свет
Украина го префрла производството на оружје во земјите од НАТО

Украинската одбранбена индустрија започнува со работа во Данска, обезбедувајќи им на производителите на оружје со седиште во Киев заштита од руски ракети и пренесувајќи го своето воено искуство во Европа.
Данското Министерство за индустрија и финансии претходно овој месец објави дека украинската одбранбена компанија „Фаер Поинт“ преместува дел од своите производствени процеси во таа земја, оценувајќи го тоа како важен чекор за безбедноста на Украина, што во исто време „создава нови можности за соработка со данските и европските компании“.
Тоа е првиот чекор во новата иницијатива наречена „Гради за Украина“, за која Данска издвои повеќе од 50 милиони долари за да им помогне на украинските одбранбени компании да започнат бизнис, објавува „Бизнис инсајдер“.
Проектот им овозможува на украинските компании да произведуваат на поконвенционален начин, наместо да го кријат или нарушуваат процесот на производство за да избегнат да станат мети на руски ракети и беспилотни летала.
За Данска и нејзините сојузници, соработката носи директно искуство на украинските компании во производството на оружје за големата војна. Тоа знаење е непроценливо.
Засега, барем јавно, проектот вклучува само една украинска компанија. Компанијата „Фаер Поинт“, која исто така произведува дронови и ракети, планира да произведува ракетно гориво во Данска за одбранбените потреби на Украина. Останатите украински компании кои произведуваат хаубици, ракети, дронови и друго оружје сè уште го прават тоа во земјата.
Свет
Над 2 милиони луѓе останаа во мрак во Мексико

Во југоисточниот дел на Мексико околу 2,3 милиони луѓе синоќа останаа без електрична енергија поради дефект на врските меѓу неколку мрежи.
Прекинот во електроснабдувањето траеше четири часа и предизвика хаос пред сè во сообраќајот, посебно во туристичкиот град Канкун. Во делови од градот речиси два часа беа во прекин телефонските услуги.
Најпогодени од прекинот на електрична енергија беа мексиканските сојузни држави Јукатан, Кампече и Кинтана Ро.