Свет
Обвинителката даде рок: Трамп треба да се пријави во затвор во Џорџија до крајот на неделата
![](https://makfax.com.mk/wp-content/uploads/2023/08/трамп-д.jpg)
Поранешниот американски претседател Доналд Трамп ќе се предаде во затворот во округот Фултон во Џорџија до крајот на неделата, објави телевизијата Ен-би-си, повикувајќи се на три неименувани официјални лица.
Тие изјавија дека предавањето нема да се случи пред четврток и дека плановите се финализираат, но дека се уште ништо не е официјално.
Окружната обвинителка Фани Вилис им даде рок на Трамп и на неговите наводни соработници до следниот петок да се предадат.
Покренато е обвинение против поранешниот претседател и соработници во врска со заговорот поврзан со наводниот обид за поништување на резултатите од претседателските избори во 2020 година, во кои Трамп загуби од Џо Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Членките на НАТО договорија 40 милијарди евра воена помош за Украина
![](https://makfax.com.mk/wp-content/uploads/2024/07/zelenski1.jpg)
Сојузниците на НАТО се согласија да финансираат воена помош за Украина со 40 милијарди евра следната година, изјавија двајца западни дипломати за Ројтерс во средата, една недела пред самитот на алијансата во Вашингтон.
Генералниот секретар на НАТО, Јенс Столтенберг, побара од сојузниците да се согласат на повеќегодишна посветеност да продолжат да му помагаат на Киев на исто ниво како од почетокот на руската инвазија во 2022 година, во износ од речиси 40 милијарди евра годишно. Земјите членки, сепак, не го поддржаа првичното барање на Столтенберг, но договорот вклучува одредба дека придонесите на сојузниците ќе бидат разгледани на идните самити на НАТО, според дипломатот.
Сојузниците одлучија да подготват два извештаја во текот на следната година за да одредат која земја што испраќа во Украина, рече дипломатот, за да се исполнат барањата за поголема транспарентност во распределбата на товарот меѓу сојузниците.
Земјите членки „ќе имаат цел да го исполнат ова ветување преку пропорционални придонеси“, се вели во договорот. Финансиската обврска е дел од поширокиот пакет за Украина за кој лидерите на НАТО ќе се договорат на состанокот во Вашингтон од 9 до 11 јули.
Регион
Издадено предупредување за силно невреме во Грција
![](https://makfax.com.mk/wp-content/uploads/2023/09/poplava-grcija.jpg)
По продолжениот топлотен бран, Грција во следните два дена ќе се соочи со силно невреме, кое ќе биде придружено со силен дожд, грмежи и град, соопшти Националната метеоролошка служба.
Националната метеоролошка служба издаде итно предупредување за промена на временските услови во Грција
Исто така, беше посочено дека најинтензивно невреме се очекува в четврток и дека невреме ќе има во претежно планинските предели во централниот и северниот регион.
Температурата само малку ќе опадне и ќе се движи околу 30 степени. Западно-северозападен ветер со исклучителен интензитет се очекува на Јонското Море.
В четврток невремето ќе стигне до северниот дел на Егејското Море и кон копното на Грција. Подрачјата што ќе бидат зафатени се: Тракија, Халкидик, Тесалија, Споради, Стерија, Пенелопез и Евија.
🎯 ΣΥΝΤΟΜΗ ΕΝΗΜΕΡΩΣΗ
✅Πέραν του εκτάκτου δελτίου το οποίο θα επικαιροποιηθεί το μεσημέρι, θέλουμε να επισημάνουμε τα εξής:
α) Δεν εμφανίζονται ιδιαίτερα μεγάλα ύψη υετού.
β) Η συχνότητα ηλεκτρικών εκκενώσων θα είναι υψηλή κυρίως σε Αττική και Βοιωτία.
✅Ακολουθείτε… pic.twitter.com/oBfmTemXlv— Theodoros Kolydas (@KolydasT) July 3, 2024
На наведените места се очекува драстичен пад на температурите.
Предупредување за невреме е издадено и во Атика и Беотија.
Генералниот секретаријат за цивилна заштита им препорачува на граѓаните да бидат внимателни и да ги преземат сите заштитни мерки. Посебно предупредување има за областите во кои се очекуваат обилни врнежи, бури и силен ветер.
Од петок се очекува разведрување и враќање на реалните летни температури, кои се очекуваат за викендот.
Свет
Јапонија издаде нови банкноти со 3Д-холограм за да спречи фалсификување
![](https://makfax.com.mk/wp-content/uploads/2024/07/банк-јап.jpg)
Јапонија, денеска, по две децении, издаде нови банкноти, изработени со помош на 3Д-холограм технологија за да се спречи фалсификување. Премиерот Фумио Кишида банкнотите од 10.000, 5.000 и 1.000 јени ги нарече историски.
Се надевам дека на луѓето ќе им се допаднат новите банкноти, кои ќе ѝ помогнат на јапонската економија, изјави Кишида за новинарите.
Старите банкноти ќе останат во употреба бидејќи ќе се користат во повеќето банкомати, наведува АП.
Кашида рече дека ликовите на новите банкноти му оддаваат почит на јапонскиот капитализам, еднаквоста на жените и научните достигнувања.
На банкнотата од 10.000 јени, која вреди околу 62 долара, стои ликот на таткото на јапонскиот капитализам, Еиичи Шибусава, клучна фигура во изградбата на модерната јапонска економија и основач на неколку стотици компании.
Феминистката Умеко Цуда е на банкнотата од 5.000 јени, а на банкнотата од 1.000 јени е бактериологот Шибасабуро Китасато, познат по неговото истражување за тетанус и чума.
Најавено е дека до крајот на март ќе бидат испечатени речиси 7,5 милијарди нови банкноти.