Европа
Објавена првата голема временска прогноза за летото: што нѐ очекува
Пристигнаа првите долгорочни прогнози за летото 2025 година, а според анализите на метеоролошката служба Severe Weather Europe, Европа е во многу динамичен период. Летото може да почне со малку повеќе врнежи, но средината и крајот на сезоната носат посуви услови и поголем ризик од топлотни бранови.
Кога станува збор за сезонски и долгорочни прогнози, секогаш треба да се има предвид дека тоа се трендови, а не прецизни сценарија. Постојат многу глобални фактори, кои може да влијаат на временските обрасци. Сепак, овие први прогнози даваат поглед на тоа како би можело да изгледа летото.
Пред да се фокусираме на самата летна сезона, Severe Weather Europe анализира што нѐ очекува во текот на пролетта, поточно во април, мај и во јуни.
Тримесечната прогноза за аномалија на воздушниот притисок покажува дека над западна и северозападна Европа се развива област со низок притисок, што отвора простор за прилив на потопол и повлажен воздух од југ, особено од Медитеранот. Во исто време поле со висок притисок се формира над источна и североисточна Европа.
Во таков распоред поголемиот дел од континентот е под влијание на потопла воздушна маса. Западот има нешто поблаги температурни аномалии поради близината на циклонот, а поизразени топлотни вредности се очекуваат на исток и североисток.
Кога станува збор за врнежите, поголемиот дел од Европа ја очекува натпросечни врнежи, особено на запад и северозапад, а југоисточна Европа ќе биде посува, под влијание на антициклон. Севкупно, пролетта ќе заврши во жива атмосфера, пишува SWE, а постабилни временски услови се очекуваат кон средината и крајот на летото.
Severe Weather Europe носи ран поглед на моделот ECMWF за јуни – модел што се покажа како еден од посигурните во сезонските прогнози.
Според првите карти, подрачје со низок притисок ќе опстојува над северниот дел на Атлантикот и северозападна Европа, а истовремено се очекува зајакнување на антициклонот кон исток и Скандинавија.
Овој распоред е поволен за западни и југозападни струи кон централна Европа, што значи потопол воздух и зголемена влажност – услови што често носат нестабилност и поизразени временски услови.
Температурите ќе бидат натпросечни во поголем дел од Европа, а највисоки ќе бидат во централна, југоисточна и во северна Европа.
Во однос на врнежите, пообилни врнежи од дожд се очекуваат во западните и централните предели и во северозападните предели, а југот и југоистокот ќе останат посуви.
Јули е типично најтоплиот месец во годината, а според моделите анализирани од Severe Weather Europe, ова може да биде особено изразено оваа година. Прогнозите покажуваат стабилен и силен антициклон, кој се населува над централна и северна Европа – ова е т.н. систем за блокирање, кој носи долгорочна стабилност, топлина и суша.
Топлотниот вишок е најизразен во централна и југоисточна Европа, а температури поблиску до просекот се очекуваат на крајниот север и на југозапад.
Врнежите ќе бидат оскудни во поголемиот дел од централна и северна Европа, а малку повеќе дожд ќе врне на крајниот север, на пример, над делови од Обединетото Кралство и во Скандинавија.
Сè укажува дека јули може да донесе поизразени сушни услови и зголемен ризик од топлотни бранови, особено во централна Европа.
Август, како последен месец на метеолошкото лето, честопати носи продолжување на горештините, а моделите на Severe Weather Europe укажуваат дека тоа ќе биде случај и оваа година. Високиот притисок ќе остане доминантен над централна и северна Европа, а топлотните бранови ќе продолжат. Областа со низок притисок на исток донекаде ги ограничува екстремните температури во овој дел од континентот.
Најголем топлотен вишок се очекува во централните и во северните делови на Европа.
Врнежите ќе бидат ретки во поголемиот дел од континентот, а на крајниот север и на исток можни се малку повеќе врнежи.
Severe Weather Europe донесува и анализа на канадскиот модел CANSIPS. Тој исто така предвидува доминантен висок притисок над северозападна и централна Европа. Ваквата позиција најчесто значи помал притисок над југот на континентот и на Медитеранот.
Температурите ќе бидат натпросечни во поголем дел од Европа, а малку постудени само на крајниот исток, каде што преовладува северна струја. Врнежите ќе бидат потпросечни, особено во централна и северна Европа, а на југ и на Медитеранот може да се очекуваат пообилни врнежи поради влијанието на низок притисок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“
Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин
Европа
(Видео) Руски дрон се упати кон новинарска екипа, украински војник го собори со пушка
Во украинскиот град Константинивка руски ФПВ-дрон се обиде да нападне новинарска екипа, но бргу беше запрен од портпаролот на 24. бригада, објави украинската војска.
Инцидентот се случил додека новинар на холандскиот весник „Хет Недерландс Дагблад“ ги снимал урнатините на црквата „Успение на Пресвета Богородица“, оштетена во претходните руски напади.
Додека екипата ја документирала штетата, руски дрон одеднаш се упатил кон нив. Портпаролот на 24. бригада, Олег Петрасјук, ја забележал заканата и пукал од својата пушка. По неколку истрели, тој успеал да го собори дронот.
Целиот инцидент е снимен и на видео, кое го прикажува моментот кога Петрасјук го забележува и го соборува дронот до оштетената црква.
фото: принтскрин
Европа
Зеленски даде наредба: Украина почнува да извезува оружје
Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство почнувајќи од ноември.
„Украинскиот министер за одбрана Денис Шмихал мора до крајот на годината да обезбеди целосно завршување на задачите за производство и испорака на беспилотни летала – FPV дронови, дронови-пресретнувачи и дронови за мисии за длабински удари – . Програмата за контролиран извоз на нашето оружје треба да започне следниот месец“, рече Зеленски.
На 21 јуни, Зеленски објави дека Киев наскоро ќе започне со извоз на одбранбени технологии и отворање линии за производство на оружје во земјите партнери како дел од пошироките напори за интернационализација на производството на оружје во земјата, бидејќи капацитетот за производство на беспилотни летала во Украина ги надминува нејзините средства за финансирање.
Одбранбениот сектор на Украина, а особено нејзината индустрија за беспилотни летала, брзо растеше од почетокот на руската инвазија во 2022 година. Се појавија повеќе од 200 компании за беспилотни летала, од кои многу произведуваат евтини, прилагодливи системи кои го преобликуваа модерното војување.
Во последните месеци, Зеленски покажа подготвеност да го либерализира процесот на извоз на домашно оружје, кој во моментов е строго ограничен и бара тешко добиени дозволи од Државната служба за извоз. Во мај, украинските производители на одбрана испратија отворено писмо до Зеленски, барајќи од него да ги укине ограничувањата за извоз на домашна воена опрема, особено беспилотни летала.
Според предложениот систем, Украина ќе извезува вишок воена опрема, а профитот ќе го троши на итно потребно оружје, како што се беспилотни летала-пресретнувачи. Украина има намера да потпише договори за извоз во Соединетите Држави, Европа, Блискиот Исток и Африка, претходно изјави Зеленски.
фото: принтскрин
Евроинтеграцијата е дијалог, а не диктат: Сиљановска-Давкова се обрати на Парискиот мировен форум
Претседателката Гордана Сиљановска-Давкова во рамки на учеството на осмиот Париски мировен форум, се обрати на сесијата посветена на младите и...
(Видео) Митева: Јакимовски да објасни како е можно за една година со семејството да стане сопственик на две градежни парцели во најелитниот дел на Карпош, Жданец
„Како е возможно, за период од една календарска година, градоначалникот Јакимовски да се најде во ситуација каде со неговото семејство...
Оставка на Сабахадин Рустеми од „Комунална хигиена“ за да не влијае на истрагата
В.д. директорот на ЈП „Комунална хигиена“ – Скопје, Сабахадин Рустеми, поднесе оставка од функцијата поради морални причини, соопшти неговиот адвокат...
Царината заплени речиси три илјади парчиња стока: облека со потпис на заштитени трговски марки, алкохол, електронски цигари, автоделови
На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...
Орце Ѓорѓиевски по дебатата со Мециновиќ: Скопјани сакаат дела и резултати
Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...
Мециновиќ по дебатата: Ова е генерациска борба на непривилегираните
Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...
Обвинение за смрт на работник: камион паднал во Вардар возејќи на импровизирана патека, возачот останал заробен и починал
Основното јавно обвинителство Кавадарци поднесе Обвинителен акт против еден осомничен од Неготино за тешки дела против општата сигурност од член...
Кривична против поранешен директор, заменик-директор и вработени во Агенцијата за храна и ветеринарство за проневера во службата
СВР Скопје до ОЈО Скопје поднесе кривична пријава против З.А., поранешен директор на Агенцијата за храна и ветеринарство поради сомнение...
Орбан е пред голема дилема: Трамп или руска нафта
Унгарскиот премиер Виктор Орбан се наоѓа во незавидна позиција – притиснат помеѓу неговата зависност од руската нафта и притисокот од...
Зеленски даде наредба: Украина почнува да извезува оружје
Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство...
(Видео) Властите на Јамајка предупредуваат: Внимавајте се од крокодили
Јамајканските власти ги предупредија жителите за уште една опасност предизвикана од разорното уништување од ураганот Мелиса – крокодили кои можеби...
Северна Кореја лансира крстосувачки ракети: летаа два часа
Северна Кореја тестираше крстосувачки ракети море-земја западно од Корејскиот Полуостров, објави државната новинска агенција KCNA, токму во време кога американскиот...
(Видео) Страшниот ураган ја опустоши Јамајка: сега се движи кон Куба станувајќи сè посилен
Екстремнно моќниот ураган Мелиса се движи кон Куба откако ја опустоши Јамајка. Тоа е најсилната бура со која некогаш се...
Еден од министрите, секој ден плаче и праќа пораки по дипломатските претставништва да ми реагираат да престанам до избори да говорам за криминалов, вели Арсовска
Градоначалничката на Скопје, Данела Арсовска, преку објава на социјалните мрежи го повикува Ислам Абази од Основното јавно обвинителство за организиран...
(Видео) Илјадници пластични шишиња во Вардар, од Министерството за животна средина велат виновни се слабите комунални услуги
Министерството за животна средина и просторно планирање соопшти дека појавата на пластичен и друг амбалажен отпад во реката Вардар и...
Обвинителството побара притвор за директорот и за управителот на „Комунална хигиена“
Скопското обвинителство побара притвор за в.д. директорот на ЈП „Комунална хигиена“ – Скопје, Сабахудин Рустеми, и за еден управител за...
Голем е интересот за вакцинацијата против сезонскиот грип, од Здравство велат пријавени се повеќе од 70.000 граѓани
Министерството за здравство информира дека интересот за вакцинација против сезонскиот грип континуирано расте. Досега се пријавени над 70 илјади граѓани,...
Мицкоски: Енергетиката е поставена високо на државната агенда – не како техничко прашање, туку како национален приоритет
Енергетиката е поставена високо на државната агенда, не како техничко прашање, туку како национален приоритети државна стратегија, рече премиерот, Христијан...
Во Кавадарци со тесла го убил својот помлад брат на неговиот роденден поради расправија за имот
Обвинителството ги откри мотивите за грозоморното убиство што се случи летово во Кавадарци. Утврдено е дека 43-годишникот го убил својот...
(Видео) Јамајка се подготвува за најлошиот ураган во историјата
Три лица веќе загинаа на Јамајка, додека островот се подготвува за најсилната бура во светот оваа година, а можеби и...
