Свет
Објавен скандалозен телефонски разговор: Сопруга на руски војник му вели дека смее да силува Украинки, но да користи заштита

Рускиот сервис на Радио Слободна Европа (RSE) и Schemes (истражувачки проект на украинскиот сервис RSE) спроведоа истрага за телефонски разговор во кој руска државјанка му кажала на својот сопруг, војник, дека му е дозволено да силува Украинки.
Истрагата покажа дека Роман Бајковскиј (27) и неговата сопруга Олга Бајковскаја разговарале за силување на Украинка за време на разговорите кои ги пресретнале украинските служби на 12 април.
„Да силувам и ништо да не ти кажам?
Вака звучел нивниот телефонски разговор:
Бајковскаја: Значи, силувај Украинки. И не ми кажувај ништо. Дали разбираш? (се смее).
Бајковски: Да силувам и ништо да не ти кажам?
Бајковскаја: Да, важно е да не знам за тоа (се смее).
Бајковски: Значи смеам?
Бајковскаја: Да, можеш, но користи заштита.
РСЕ и Scheme ги добиле телефонските броеви на сопружниците од извори во украинските безбедносни служби и ги пронашле профилите на Бајковскиј и неговата сопруга на социјалните мрежи, јавува Радио Слободна Европа. Фотографиите од социјалните мрежи покажуваат дека Роман Бајковскиј е припадник на руските вооружени сили.
РСЕ стапи во контакт со Бајковскиј, кој го потврди неговиот идентитет и рече дека се наоѓа во Крим, но негираше дека учествувал во споменатиот разговор.
Олга Бајковскаја рече дека нејзиниот сопруг е ранет и сега е во болница. Ниту еден не сакаше да одговори на другите прашања.
Но, и покрај тоа што Бајковскиј и неговата сопруга негираа дека разговарале на телефон за силување на Украинки, истрагата на RSE и Scheme откри дека нивните гласови се совпаѓаат со оние што ги снимиле украинските безбедносни служби.
Дури и да станува збор за шега или хумористичен разговор, снимката од телефонскиот повик се појави во услови на зголемен број тврдења на Украинки дека биле силувани од руски војници за време на инвазијата, заклучува Радио Слободна Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Палестинското прашање и понатаму останува нерешено

Рускиот министер за надворешни работи Сергеј Лавров изјави дека мировниот план за Газа на Доналд Трамп не го решава целосно израелско-палестинскиот конфликт, пренесе RT.
Тој нагласи дека Русија го оценува планот како „најдобро што моментално е на преговарачката маса“, но додаде дека „палестинското прашање со тоа не е решено“.
Лавров порача дека конечно решение би било можно само со создавање на палестинска држава во границите од 1967 година, во согласност со резолуциите на ОН, и повтори дека Москва останува посветена на решението со две држави.
Свет
Трамп: Не сум сигурен дека ќе влезам во рајот, но на многумина им го разубавив животот

Американскиот претседател Доналд Трамп изјави дека не е сигурен дека ќе може да влезе во рајот, но додаде дека на многумина им го направил животот подобар.
Изјавата ја даде во претседателскиот авион Air Force One. За време на летот, еден од новинарите што го придружуваа 79-годишниот претседател го праша за неговите претходни коментари кои ги дал во контекст на преговорите за мировниот договор во војната меѓу Русија и Украина.
Трамп уште во август, во емисијата „Fox and Friends“, изјави: „Ако можам да спасам 7.000 луѓе неделно, мислам дека тоа е прилично добро – сакам да се обидам да влезам во рајот, ако е можно. Слушам дека не ми оди добро. Навистина сум на дното на листата. Но ако успеам да влезам во рајот, ова ќе биде една од причините“
На прашањето дали неговите шанси се подобриле по договорот меѓу Израел и Хамас, Трамп сега одговори: „Малку се шегувам. Мислам дека ништо нема да ме одведе во рајот. Можеби не сум предодреден за тоа. Можеби сум во рајот токму сега, додека летаме со Air Force One,“ рече Трамп.
Тој повторно ја обвини администрацијата на Џо Бајден за неспособност и додаде дека војната во Украина никогаш немаше да се случи доколку изборите во 2020 година не биле наместени.
Свет
Египетскиот претседател до Израелците: Претворете го овој историски момент во нов почеток

Египетскиот претседател Абдел Фатах ал-Сиси ги повика Израелците моментот на потпишување на мировниот договор за Газа да го претворат во нов почеток за поправеден и помирен живот во регионот.
„Погледнете кон подобра иднина за нашите деца,“ рече Сиси по потпишувањето на договорот во Шарм ел-Шеик.
На самитот присуствуваа Доналд Трамп и бројни меѓународни претставници. Обраќајќи му се на Трамп, Сиси додаде: „Господине претседателе, нека војната во Газа биде последната војна на Блискиот Исток.“