Европа
Се договара средба помеѓу Путин и Зеленски
Денес е 22-от ден од руската инвазија на Украина
Клучни настани
- Украинскиот министер за надворешни работи Дмитри Кулеба изјави дека преговара со Турција за можна организација на средба меѓу претседателите на Украина и Русија, Володомир Зеленски и Владимир Путин
- Зеленски денеска се обрати пред германскиот парламент
- Министрите за надворешни работи на Г7 денеска разговараат за Украина
- Проектил погодил станбена зграда во Киев
- „Билд“ пишува дека Лавров полетал за Кина, но за кратко се вратил во Москва. Русија негира
Од минута во минута:
18:50 Руски началник: Украинските биолаборатории ja уништуваат документацијатa за опасните вируси
Украинските биолаборатории продолжуваат да уништуваат биолошки материјал и документација за истражување на опасните вируси, изјави рускиот началник Игор Кирилов.
17:30 Украина бара Турција да биде гарант за евентуален договор со Русија
Украинскиот министер за надворешни работи Дмитро Кулеба побарал од Турција да биде еден од гарантите за можниот договор со Русија, изјавил неговиот колега Мевлут Чавушоглу по посетата на западна Украина, пренесуваат медиумите.
16:30 Зеленски номиниран за Нобеловата награда за мир
Претседателот на Украина, Володимир Зеленски, е номиниран за Нобеловата награда за мир. Ова го соопшти Врховната Рада, пренесуваат медиумите.
Украина бара од Јапонија висококвалитетни сателитски снимки за да и помогнат да се одбрани од руската армија, објави денеска јапонскиот весник „Никеи“.
16:10 Советникот на Зеленски: Усогласувањето на спорните точки со Москва ќе трае и до една недела
Михаил Подољак, советник на кабинетот на претседателот на Украина, ги објави условите за мировен договор меѓу Русија и Украина. Според него, тоа може да потрае од неколку дена до недела и половина, пренесуваат агенциите.
16:00 Шварценегер: Путин, те молам стави крај на војната
„Го сакам рускиот народ. И затоа морам да ви ја кажам вистината“, напиша актерот во описот на видеото.
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
15:35 Британија: Постојат убедливи докази дека Путин стои зад воени злосторства во Украина
Министерката за надворешни работи, Лиз Трас, за радио Би-би-си изјави: „Постојат многу, многу убедливи докази дека во Украина се извршени воени злосторства и дека зад нив стои Владимир Путин“.
15:31 Велика Британија испраќа ракети и војници во Полска
„Велика Британија ќе распореди противракетен одбранбен систем во Полска, како одговор на руската инвазија на Украина“, изјави министерот за одбрана Бен Валас.
За време на посетата на полската престолнина Варшава, Валас изјави дека Велика Британија ќе испрати противвоздушен ракетен систем со среден дострел и околу 100 војници во Полска.
15:24 Се разговара за средбата меѓу Путин и Зеленски
Украинскиот министер за надворешни работи Дмитри Кулеба изјави дека преговара со Турција за можна организација на средба меѓу претседателите на Украина и Русија, Володомир Зеленски и Владимир Путин, пренесува „Скај њуз“.
14:30 Бајден утре ќе разговара со кинескиот претседател за Украина
Американскиот претседател Џо Бајден утре телефонски ќе разговара со кинескиот колега Си Џинпинг за руската инвазија на Украина, соопшти Белата куќа.
14:05 Владата ќе одвои 120 милиони денари за сместување и помагање на бегалците од Украина
Владата на денешната 30-та седница го задолжи Министерството за финансии да обезбеди финансиски средства во износ од 120 милиони денари за организирање и обезбедување хотелско сместување и дополнителни услуги за граѓаните од Украина, кои како бегалци од воените жаришта би пристигнале во нашата земја.
13.45 Лиз Трас: Има доказ дека Путин е „воен злосторник“
Министерката за надворешни работи на Велика Британија Лиз Трас денеска изјави дека има „многу силни докази“ дека рускиот претседател Владимир Путин е „воен злосторник“.
13.40 Лукашенко: Ако Украина продолжи да провоцира, Минск ќе одговори
Претседателот на Белорусија Александар Лукашенко зборуваше за развојот на операцијата во Украина и рече дека се надева на наскоро мир
13.30 Песков: Во такви тешки времиња, многу луѓе го покажуваат своето вистинско лице
Откако рускиот претседател Владимир Путин упати остро предупредување до руските „предавници“ за кои рече дека Западот сака да ги искористи како „петта колона“ за да ја уништи земјата, се огласи портпаролот на Кремљ, Дмитриј Песков
13:25 Бајден ќе разговара со кинескиот претседател
Американскиот претседател Џо Бајден утре ќе разговара со кинескиот претседател Си Џинпинг за ситуацијата во Украина.
„Ова е дел од нашите напори да ги задржиме отворени линиите на комуникација меѓу САД и Кина“, изјави портпаролката на Белата куќа, Џен Псаки.
13:20 Москва ја отфрли одлуката на судот на ОН за итно прекинување на инвазијата на Украина
Кремљ денеска ја отфрли пресудата на Меѓународниот суд на правдата (МСП), највисокиот суд на ОН, со која се наложува на Русија веднаш да ги прекине воените операции во Украина.
13:10 Одговорот на Кина до НАТО: А кој ја бомбардираше нашата амбасада во Југославија?
„Кина никогаш нема да заборави кој ја бомбардираше кинеската амбасада во Југославија. Не и’ требаат предавања од оние кои го прекршиле меѓународното право“, се наведува на веб-страницата на кинеската мисија во Обединетите нации, пренесува „Спутник“.
13:00 Играчки на полско-украинската граница за децата кои бегаат од војната
Bridge at a #Ukrainian-Romanian border crossing.
Border guards left toys for Ukrainian children so that every child passing could take a toy with them. #Ukraine pic.twitter.com/NJbG3UnZrs
— Daria Sipigina (@DariaSipigina) March 17, 2022
12.25 Заврши полицискиот час во Киев кој беше воведен поради нападот на руските сили
Полицискиот час кој траеше 36 часа заврши денеска во Киев поради нападот на руските сили врз неколку цивилни објекти во главниот град на Украина
12.20 Марија Захарова: Лажни наводи на „Билд“ за патувањето на Лавров во Пекинг
Марија Захарова изјави дека се лага наводите на „Билд“ дека шефот на руската дипломатија Сергеј Лавров се вратил во Москва на половина пат до Пекинг
12.15 Песков: Русија и Украина не се блиску до потпишување на договорот
Портпаролот на Кремљ Дмитриј Песков изјави дека рускиот претседател Владимир Путин сè уште не планира патување во зоната на операција во Украина.
12:11 Русија: Владините сајтови се соочуваат со хакерски напади какви што се невидени досега
„Страниците на руските министерства, агенции и државни компании беа цел на хакери поради настаните во Украина, а веб-страниците на Кремљ, водечкиот превозник ‘Аерофлот’ и главниот заемодавач ‘Сбербанк’ се меѓу оние со прекини или привремени проблеми со пристапот во последните недели“, соопшти руското Министерство за дигитални технологии, наведувајќи дека работи на прилагодување на овие нови услови, на поголеми и посилни сајбер-напади.
„Како што се испостави, сопругата се обидела да го пренесе таткото на нејзините деца преку границата. Граничарите не го пропуштиле патникот затоа што на мажите на возраст меѓу 18 и 60 години не им е дозволено да заминат“, извести украинската гранична служба.
11:07 Зеленски ги искритикува германските пратеници: Помошта дојде предоцна за да се запре војната
Во својот говор тој ја употреби фразата „никогаш повеќе“, која се поврзува со Холокаустот и другите геноциди.
„Политичарите секоја година велат ‘никогаш повеќе’. Сега гледам дека овие зборови се безвредни. Во Европа се уништува народ. Зошто ‘никогаш повеќе’ не важи? Која е историската одговорност на Германија кон Украина денес?“, запраша Зеленски.
10.50 Украинците објавија дека во борбите во Доњецк загинала мајка на 12 деца
Украинското Министерство за надворешни работи на Твитер објави дека 48-годишната Олга Семидјанова била убиена во борбите со руските сили во областа Доњецк.
10.40 Медведев: Западот нема да успее да ја превоспита Русија
Медведев денеска ја објави првата порака на социјалната мрежа Телеграм, во која ја осудува русофобијата на Западот, обвинувајќи ја за дополнително влошување на односите
10:02 ТВ обраќање на Путин: Прозападните Руси се национални предавници
„Западот ќе се обиде да се потпре на т.н. петта колона, на националните предавници, на тие што овде кај нас заработуваат, а живеат таму. Не мислам само дека тие ‘живеат таму’ во буквална, географска смисла на зборот, туку според нивните размислувања, нивната ропска свест“, рече рускиот претседател.
Ѕидот се враќа среде Европа, со секоја фрлена бомба врз Украина, со секоја неодлучна одлука за мир – рече Зеленски
09.50 Кина застана на страната на Украина?
Кина никогаш нема да ја нападне Украина, изјави кинескиот амбасадор во Украина Фан Ксијанронг за време на средбата со гувернерот на регионот Лавов, Максим Козицки.
09.40 (Видео) Зеленски испрати порака до руската армија: Спуштете го оружјето
Украинскиот претседател Володимир Зеленски повторно зборуваше по повод инвазијата на Украина и со јавноста сподели актуелни информации од фронтови низ целата земја
09.30 Гутереш: Повеќе од 3 милиони Украинци ги напуштија своите домови
Генералниот секретар на ОН Антонио Гутереш на својот официјален профил на Твитер напиша дека повеќе од 3 милиони украински бегалци ја напуштиле својата татковина
09.20 Резников: Кремљ е колективниот Хитлер на 21 век
Украинскиот министер за одбрана Олексеј Резников изјави дека Кремљ по неуспехот на тактиката на „Блицкриг“ премина на тактиката на терор, масовни убиства на цивили, уништување и бруталност.
09.15 Украинците им оставиле богат плен на Русите – сето ова е заробено без борба
Единиците на вооружените сили на Украина продолжуваат да паничат додека армиите на Русија и Народна Република Донбас напредуваат.
09.10 Русите објавија видео – Бајден нареди бомбардирање на Белград
Портпаролката на руското МНР Марија Захаровa објави видео од состаноците на Комитетот за надворешни работи на Сенатот во 1998 година.
08.55 Министрите за надворешни работи на Г7 денеска разговараат за Украина
Министрите за надворешни работи на Групата седум (Г7) ќе одржат виртуелен состанок за да разговараат за ситуацијата во Украина, соопшти јапонското Министерство за надворешни работи
08.45 Зеленски денеска ќе се обрати пред германскиот парламент
Украинскиот претседател Володимир Зеленски денеска треба да им се обрати на германските пратеници, во последен обид да ги охрабри креаторите на политиката во западните демократии во врска со војната во Украина.
08.40 Захарова: Ние не сме вреќа за тепање – сами си создавате проблеми
Земјите кои снабдуваат оружје за Украина, вклучително и планот на Словачка, си создаваат проблеми, изјави портпаролката на руското Министерство за надворешни работи, Марија Захарова.
08.35 Руските сили во окупираниот град употребија солзавец врз демонстрантите
Руските сили употребија солзавец врз украинските демонстранти во градот Скадовск, окупиран од Русија.
08.30 Орбан: Следната недела очекуваме поголем бегалски бран од Украина
Премиерот Виктор Орбан во видео обраќање на Фејсбук истакна дека Унгарија очекува поголем бран бегалци од Украина
08.25 Британците објавија нова информација: Русите се запрени насекаде
Британското Министерство за одбрана во најновото соопштение известува дека руската офанзива во Украина е запрена на сите фронтови, пренесува Би-би-си.
08.20 Проектил погодил станбена зграда во Киев
Најмалку едно лице загина, а три се повредени откако остатоците од соборениот проектил погодиле станбена зграда во Киев, соопшти украинската служба за итни случаи.
08.15 Лавров полета за Кина, авионот се сврте на половина пат и се врати во Москва
Рускиот министер за надворешни работи Сергеј Лавров отпатува за Кина за да го посети својот важен сојузник
08.10 Хуманитарна катастрофа во Мариупол
Мариупол со денови е под опсада и жестоко бомбардирање. Се проценува дека повеќе од 30.000 луѓе веќе го напуштиле градот
08.00 Зеленски: Приоритетите на Украина во преговорите се апсолутно јасни
Претседателот на Украина Володимир Зеленски објави ново обраќање на својата Фејсбук страница
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русите ја нападнаа Украина со хиперсонични ракети „Циркон“
Синоќа, руските сили започнаа напад врз Украина користејќи четири хиперсонични крстосувачки ракети „Циркон“, една балистичка ракета „Искандер-М“, една антирадарска ракета „Х-31П“ и 62 беспилотни летала. Од вкупниот број дронови, околу 40 беа од типовите „Шахед“, „Гербера“ и „Италмас“, соопштија украинските воздухопловни сили, пренесува „Украинска правда“.
Според утринските извештаи, украинската воздушна одбрана уништила или попречила две хиперсонични крстосувачки ракети „Циркон“ и 52 дронови од различни типови до 9 часот наутро.
Напади на една ракета и девет дронови биле регистрирани на осум локации, додека остатоци од соборените летала паднале на две локации.
Информациите за преостанатите три ракети сè уште се проверуваат.
Во одбивањето на нападот учествуваа воздухопловни авиони, противвоздушни ракетни единици, единици за електронско војување, системи за беспилотни летала и мобилни противпожарни групи на украинските одбранбени сили. Нападот сè уште е во тек бидејќи неколку руски беспилотни летала остануваат во украинскиот воздушен простор.
Европа
Навални наводно бил убиен со отров 200 пати појак од морфиум: го има во јужноамериканските отровни жаби
Рускиот опозициски лидер Алексеј Навални беше убиен од смртоносен токсин пронајден во јужноамериканските отровни жаби, соопштија Велика Британија и неколку европски сојузници.
Траги од епибатидин се пронајдени во примероците од телото на Навални, за кои се верува дека ја предизвикале неговата смрт во сибирската казнена колонија пред две години, соопшти Министерството за надворешни работи на Велика Британија. Сојузниците велат дека само руската држава имала „средства, мотив и можност“ да го употреби смртоносниот отров. Кремљ ги отфрли тврдењата како „информативна кампања“, според новинската агенција Тасс, пренесува Би-Би-Си.
Што е епибатидин?
Епибатидинот е природен невротоксин изолиран од кожата на еквадорската отровна жаба, објаснува токсикологот Џил Џонсон. Таа за Би-Би-Си изјави дека е „200 пати посилен“ од морфинот. Епибатидинот може да се најде природно во отровните жаби во дивината на Јужна Америка, но може да се произведе и во лабораторија.
Отровот не е природно присутен во Русија, наведоа европските сојузници во нивната изјава. Иако епибатидинот е испитуван како лек против болки и за ублажување на болни воспалителни состојби на белите дробови, тој не се користи медицински поради неговата токсичност.
Ова моќно хемиско соединение делува на никотинските рецепторите во нервниот систем, според Џонсон. Таа објасни како ги претерано стимулира овие нервни рецептори, што во вистинската доза може да предизвика грчеви во мускулите, парализа, напади, забавен срцев ритам, респираторна инсуфициенција и на крајот смрт.
Аластер Хеј, професор по еколошка токсикологија на Универзитетот во Лидс, изјави за агенцијата PA дека неговите ефекти можат да доведат до прекин на дишењето и дека „секое отруено лице умира од задушување“. Наоѓањето на токсинот во нечија крв „сугерира намерна администрација“, додаде тој. Токсичноста на епибатидинот може дури и да се „зголеми со истовремена употреба на одредени други лекови, а тие комбинации се испитувани“, рече Хеј.
Што рече Русија?
Европските лаборатории потврдија дека Навални починал од непознат отров, објавија сојузниците во саботата. Москва претходно тврдеше дека Навални починал од природна смрт, иако неговата вдовица Јулија Навални постојано тврдеше дека нејзиниот сопруг бил „убиен“ со труење. Руската амбасада во Лондон ја негираше вмешаноста на Москва во смртта на Навални, опишувајќи го извештајот како „измислица од западните фабулисти“ и „некропропаганда“.
Портпаролката на Кремљ, Марија Захарова, беше цитирана од руската државна новинска агенција Тасс: „Сите овие разговори и изјави се информативна кампања насочена кон одвлекување на вниманието од итни проблеми на Западот“. Навални беше во затвор три години, а непосредно пред неговата смрт бил префрлен во арктичка казнена колонија. Според руските извештаи, 47-годишникот рекол дека се чувствувал лошо по кратка прошетка, а потоа се срушил и никогаш не се освестил.
Европа
(Видео) Чесите протестираат поради претседателот во повеќе од 400 градови и општини
Илјадници луѓе се собраа вчера во повеќе од 400 градови и општини низ Чешка во поддршка на либералниот претседател Петр Павел, во услови на спор со десничарската популистичка влада.
Протестите следеа по повикот на граѓанската иницијатива „Милион моменти за демократија“, која ги повика поддржувачите да го поддржат шефот на државата во неговиот судир со владејачката коалиција, објави новинската агенција CTK.
Организаторите изјавија дека до 90.000 луѓе веќе се собрале на митинг во Прага на 1 февруари со истата цел и најавија дека овој пат ќе се приклучат и помали градови и заедници низ целата земја.
Brno… pic.twitter.com/qmge0jLdr7
— David (@SDavee69) February 15, 2026
Најавени се нови масовни протести
Уште еден масовен протест е планиран за 21 март во паркот Летна во Прага под слоганот „Нема да дозволиме да ни ја украдат иднината!“.
Помеѓу 8.000 и 10.000 луѓе се собраа во вториот по големина град, Брно, според CTK, додека неколку стотици излегоа во помалите градови.
Слики објавени во чешките медиуми покажаа демонстранти во градови како држат портрети на Павел, објави Дпа.
People carry a large Czech national flag as they take part in a protest to support Czech President Petr Pavel, at Old Town Square in Prague, Czech Republic, 01 February 2026. Organizers estimate 80,000 to 90,000 people fill the square and parts of Wenceslas Square during a protest linked to a dispute over the decision not to appoint lawmaker Filip Turek as environment minister, involving Petr Macinka, leader of the Motorists party. EPA/MARTIN DIVISEK
На некои транспаренти имаше прецртани фотографии од членови на владата и слогани како „Јас сум на страната на претседателот“ и „Се срамам од сегашната влада“.
Спорот ескалираше откако Павел кон крајот на јануари изјави дека министерот за надворешни работи Петр Мацинка се обидел да го уценува.
Најкритични во Форино се куќите изградени на помалку од еден метар од коритото на Вардар, извести Црвениот крст
Волонтерските тимови на Црвениот крст се на терен во село Форино, каде по извршената проценка е утврдено дека најкритична точка...
(Видео) Филипче: Законот за високо образование е катастрофално лош, воведува владина контрола врз универзитетите
Сметаме дека предложените измени на Законот за високо образование се катастрофално лоши и наместо унапредување на квалитетот тие воведуваат владина...
Евакуирани 250 лица по поплавите во Кичево, од нив три се бебиња, а 58 деца на возраст од 2 до 10 години
Во општина Кичево, како резултат на поплавите, се евакуирани и згрижени вкупно 250 лица. Од нив, 61 се деца –...
Да не се потпаѓа на шпекулации, Македонија продолжува со дијалог, велат од Транспорт за проблемот со превозниците
Министерството за транспорт апелира да не се потпаѓа на шпекулации и секаков вид непроверени информации кои може да наштетат на...
25-годишник загина во сообраќајка на магистралниот пат Куманово–Крива Паланка
25-годишник загина во сообраќајна несреќа на магистралниот пат Куманово-Крива Паланка, на место викано „Смилчинци“, општина Старо Нагоричане. Како што информираат...
Законот за пушење следната недела пред Владата – фазната имплементација не значи одложување, појаснува Министерството за здравство
Министерството за здравство соопшти дека останува целосно посветено на донесување и имплементација на Законот за заштита од пушење, согласно законските...
Која беше Ленче Делова – актерката од „Чук-чук, Стојанче“ и „Во светот на бајките“ со која растеа генерации
За многумина, таа беше дел од најубавите спомени – насмевката и гласот што нè пречекуваа во „Чук-чук, Стојанче“ и нè...
(Видео) Чесите протестираат поради претседателот во повеќе од 400 градови и општини
Илјадници луѓе се собраа вчера во повеќе од 400 градови и општини низ Чешка во поддршка на либералниот претседател Петр...
Рубио пристигнува во Будимпешта, ќе разговара со Орбан, Сијарто: Ова е златно доба
Американскиот државен секретар Марко Рубио денес ќе се сретне со унгарскиот премиер Виктор Орбан во Будимпешта, а според американскиот Стејт...
Заедничко писмо од германските и британските воени команданти: Постои морална причина за вооружување
Шефот на британските вооружени сили, Ричард Најтон, и неговиот германски колега, Карстен Бројер, се залагаат за поголеми инвестиции во одбраната,...
(Видео) Украинците жестоко нападнаа руски регион: останаа без струја и греење
Украинските напади со беспилотни летала предизвикаа делумни прекини на електричната енергија и греењето во западниот руски регион Брјанск, соопштија локалните...
Масовниот убиец од Бонди Бич се појави на суд, адвокатот: Тој живее во тешки услови
Мажот осомничен за пукањето на прославата на еврејскиот празник Ханука на познатата плажа Бонди во Сиднеј во напад во кој...
30 домови во скопската општина Сарај се под вода по обилните дождови
Повеќе од 30 домови во скопската општина Сарај се поплавени, теренските екипи интензивно интервенираат Градоначалникот Мухамед Елмази објави дека во...
(Видео) Големи поплави во Кичево, ЦУК на терен
Според вонредните информации од Центарот за управување со кризи за состојбата до 17:00 часот со обилните врнежи, во Скопскиот Регион,...
Во Гостивар две деца и нивната мајка останаа заробени во домот поради поплавите
Поради непрестајните врнежи и излевањето на реките, западниот дел на Македонија се наоѓа во вонредна состојба. Во Кичево, стотици семејства...
Обилните врнежи предизвикаа поплави во повеќе региони, во Кичево евакуирани околу 180 лица
Центарот за управување со кризи информира за состојбата по обилните врнежи од дожд заклучно со 12:30 часот, при што се...
Можни излевања на реките, критична состојба во Полошко, Кичевско и Пелагонија
Управата за хидрометеоролошки работи напладне издаде предупредување за значително зголемување на водостојот на реките во западните делови од државата, по...
Измени на Законот за електронски комуникации за укинување на трошоците за роаминг
Со измени на Законот за електронски комуникации, што се поставени за расправа на Единствениот национален регистар на прописи (ЕНЕР) државава...
Американците понудиле безбедносни гаранции за Украина, Зеленски не е задоволен
САД му понудија на Киев 15-годишни безбедносни гаранции, но Украина сака повеќе и смета на период од најмалку 30 години,...
Петнаесет возачи се лишени од слобода во еден ден поради возење без возачка дозвола
Петнаесет возачи се лишени од слобода вчера поради возење без возачка дозвола, со активна забрана за управување возило и под...
