Европа
Зеленски е подготвен да разговара за Крим и Донбас, крадци во Киев врзани за столб
Тринаесети ден од руската инвазија на Украина.
Клучни настани:
Силни експлозии во пристанишниот град Одеса
Цивилните жртви се зголемуваат додека руските гранатирања продолжуваат
Зеленски: Останувам во Киев без криење и не се плашам од никого
Кулеба потврди: Во четврток ќе се сретнам со Лавров
Украина тврди: Убивме битен руски генерал
Од минута во минута:
22:00 Пентагон: Нов руски конвој напредува кон Киев
Соединетите Американски Држави објавија дека нов руски конвој се движи од североисток кон Киев, додека оној кој се приближува до главниот град на Украина од север стои веќе неколку дена.
21:45 Се зголемува стравот за нуклеарната централа: Работниците 13 дена се заробени во Чернобил
Повеќе од 100 работници веќе 13 дена се заробени во Чернобил, односно во нуклеарната централа, која е местото на најголемата нуклеарна катастрофа во светот. Првиот ден беше окупирана од руските сили и оттогаш работниците не можат да си заминат.
21:25 Потпретседателката на украинската влада: Ситуацијата во Мариупол е катастрофална
Украинските власти не успеаја да ги евакуираат цивилите од градот Мариупол во јужна Украина, изјави Ирина Верешчук, потпретседателка на украинската влада, опишувајќи ја хуманитарната ситуација во опколениот град како катастрофална.
20:50 Полска ги преместува aвионите во базата Рамштајн, авијацијата ја ставаат на располагање
Откако се појави веста дека Полска е подготвена да ги пренесе сите свои авиони МиГ-29 во Германија и да ги стави на располагање на САД, се огласи полското Министерство за надворешни работи.
19:40 САД: Русите целосно го опколија Мариупол
Мариупол во јужна Украина сега е изолиран од руската војска, иако руските сили сè уште го бомбардираат градот и не се наоѓаат во него, изјави висок претставник на американската одбрана, пишуваат агенциите.
19:10 Властите во Миколаев: Луѓе, соберете стари гуми, ќе ги запалиме, Русите да не го гледаат патот
Витали Ким, регионалниот гувернер на Миколаев, побара од жителите на градот да собираат гуми, кои ќе бидат запалени за да се спречи движењето на руските војници во градот, пишува Си-Ен-Ен.
Украинскиот претседател Володимир Зеленски преку видео врска им се обрати на британските пратеници во Долниот дом на парламентот. Обраќањето беше наречено историско.
17:15 Кличко: Киев се подготвува за одбрана на градот
„Киев продолжува да се засилува и да се подготвува за одбрана на градот. Верувајте им само на официјалните информации. Сега непријателот ќе сее многу лаги, предизвикувајќи паника. Не се откажувајте“, рече тој.
16:31 Борел: Русија лаже за војната и страдањата на Украинците
Шефот на европската дипломатија Жозеп Борел ја оправда одлуката за забрана на работата на руските државни медиуми во ЕУ бидејќи тие се составен дел од руската агресија против Украина и напорите за распаѓање на Унијата и поткопување на европската демократија, пишуваат медиумите во светот.
15:00 (Видео) Крадци го користат хаосот во Украина – за казна ги врзуваат за јавен столб
Хаосот на војната во Украина некои го користат за грабежи, но додека вооружените сили се зафатени со одбивање на руските напади, цивилите ги презедоа работите во свои раце.
Човек кој наводно бил фатен како го ограбува Киев за време на руските напади, за казна бил врзан за столб за јавно осветлување.
Looter in Ukraine publicly humiliated.
Thief is written on his butt. pic.twitter.com/6FaIMeggxM— Dallas (@59dallas) March 3, 2022
12.30 Нападнат хуманитарен коридор од Мариупол – Русија држи како заложници 300.000 цивили
Украинскиот министер за надворешни работи на Твитер напиша дека бил нападнат хуманитарен коридор од Мариупол до Запорожје
12:20 (Видео) Русите објавија видео од борбена употреба на јуришни хеликоптери
Руското Министерство за одбрана на Јутјуб објави видео од борбената употреба на јуришните хеликоптери Ка-52.
Поранешната министерка за надворешни работи на Австрија Карин Кнајсел, на чија свадба гостуваше рускиот претседател Владимир Путин, вели дека животот ѝ бил уништен поради блискоста со претседателот на Москва
11.55 ОН: Повеќе од два милиони луѓе ја напуштиле Украина досега
Повеќе од два милиони луѓе ја напуштија Украина од 24 февруари, објави високиот комесаријат на ОН за бегалци
11.45 Москва со реакција до ирскиот амбасадор поради инцидентот со камионот во Даблин
Ирскиот амбасадор е повикан во Министерството за надворешни работи на Русија во врска со инцидентот со нарушување на безбедноста на руската амбасада во Даблин, соопшти денеска руското Министерство за надворешни работи
11.30 ЕК подготвува нов пакет санкции против Русија и Белорусија
Европската комисија подготвува нов пакет санкции против Русија и Белорусија за нападот на Украина, изјавија денеска за „Ројтерс“ неименувани извори во Брисел
11.18 Британски министер: Ова ќе биде крајот на Путин
Рускиот претседател Владимир Путин е потрошена сила во светот, без разлика како ќе заврши војната во Украина, смета британскиот министер за одбрана Бен Валас, со претпоставка дека инвазијата ќе биде крај на Путин
11.10 Украинска армија: Убиени 12.000 руски војници
Од ден на ден пристигнуваат нови информации за загубите и жртвите во бруталната војна што Русија ја води во Украина
11.05 Предупредување на Зеленски до остатокот од Европа: Ние ќе бидеме први, вие ќе бидете втори
Украинскиот претседател Володимир Зеленски предупреди дека Русија нема да престане со сегашната акција и дека ќе продолжи да им се заканува на другите европски земји
11.00 Фон дер Лајен: На овој Меѓународен ден на жената моето срце е со сите Украинки
Претседателката на Европската комисија, Урсула фон дер Лајен, се огласи на Твитер на 8 Mарт, Меѓународниот ден на жената
10.55 Руско Министерство за одбрана: Нашата армија уништи 258 воени објекти во Украина
Руската армија вчера уништи 258 воени објекти во Украина“, соопшти денеска руското Министерство за одбран
10.50 (Видео) Автобусите заминуваат од Суми: Почна евакуацијата на цивилите
Започна тринаесеттиот ден од инвазијата на руската армија на Украина, а Русија го прекина огнот со примирје за да може да се евакуираат цивилите
10.40 Театарот во Лавов стана засолниште за украинските цивили
Театарот Лес Курбас во Лавов е претворен во привремен прифатен центар за Украинците кои побегнаа во овој историски град во западна Украина за да ги избегнат руските напади.
10:30 Нехамер: Австрија останува неутрална
Австрискиот канцелар Карл Нехамер ја прекина дискусијата за укинувањето на австриската неутралност со пораката „Австрија останува неутрална“.
„ Австрија беше неутрална, неутрална е и ќе остане неутрална“ подвлече Нехамер и рече дека за него со тоа завршила дискусијата.
10:10 Зеленски е подготвен да разговара за Крим и Донбас
Украинскиот претседател Володимир Зеленски дава шанса за решавање на конфликтот во Украина.
„ Можеме да разговараме за тоа и да најдеме компромис за тоа како луѓето ќе продолжат да живеат таму“, рече Зеленски на прашањето за можноста за признавање на Крим, Народните републики Доњецк и Луганск.
09.20 Бела куќа: Бајден се уште нема донесено одлука за забрана за увоз на руска нафта
Претседателот на Соединетите Американски Држави, Џо Бајден, се уште нема донесено конечна одлука за забраната за увоз на руска нафта, соопшти Белата куќа.
09.10 Украински медиуми: Руси пукале во автомобил, во него имало цивили кои загинале
Украински портал на англиски јазик пишува дека руски војници во близина на Киев убиваат доброволци кои им помагаат на прегладнетите животни
09.05 Путин: Нема да ги мобилизираме Русите да се борат во Украина
Рускиот претседател Владимир Путин изјави дека нема да испраќа регрути и резервисти да се борат во Украина и дека офанзивата ја воделе „професионалци“ кои извршуваат „зададени задачи
09.00 Во Украина започна привремен прекин на огнот за евакуација на цивили
Русија прогласи примирје во 10 часот по московско време за евакуација на цивилите од пет украински градови, вклучувајќи го и главниот град Киев
Чешкиот претседател Милош Земан изјави дека ќе му додели највисоки државни почести на украинскиот претседател Володимир Зеленски за неговата храброст во соочувањето со руската инвазија, пренесува Хина
08.50 Украина тврди: Убивме битен руски генерал
Главната разузнавачка управа на Министерството за одбрана на Украина соопшти дека во Харков е убиен генерал-мајор на руската армија.
Пентагон верува дека рускиот претседател Владимир Путин се обидува да регрутира странски борци за војната против Украина, изјави портпаролот Џон Кирби за Си-Ен-Ен
Окупаторите се деморализирани и се повеќе прибегнуваат кон грабежи и ги прекршуваат правилата на меѓународното хуманитарно право за воени конфликти – соопшти украинската армија.
08.25 (Видео)Зеленски: Останувам во Киев без криење и не се плашам од никого
Останувам во Киев. Кај Банкова. Нема криење. И не се плашам од никого. Колку што е потребно за да се победи оваа војна
08.15 Кулеба потврди: Во четврток ќе се сретнам со Лавров
Украинскиот министер за надворешни работи Дмитриј Кулеба потврди дека во четврток планира да се сретне со рускиот министер за надворешни работи Сергеј Лавров
08.10 Цивилните жртви се зголемуваат додека руските гранатирања продолжуваат
Бројот на цивилни жртви продолжува да расте бидејќи руските воени сили гранатираа различни градови во Украина во текот на ноќта и раните утрински часови, соопшти украинската Државна служба за вонредни состојби (СЕС)
08.00 Силни експлозии во пристанишниот град Одеса
Растат тензиите во Одеса, која е клучна стратешка руска цел
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русите ја нападнаа Одеса: луѓето ги блокираат патиштата, лути затоа што нема струја
Во руските напади во близина на украинското црноморско пристаниште Одеса беше убиена жена синоќа, а градски округ претрпе прекини во електричната енергија и другите комунални услуги, соопштија официјални лица.
Гувернерот на регионот Одеса, Олех Кипер, пишувајќи на Телеграм, рече дека руски дрон уби жена која преминувала мост во нејзиниот автомобил југозападно од Одеса. Нејзините три деца се повредени во инцидентот.
Russians struck a bridge in Odesa Oblast with a Shahed drone — just near the Moldovan border
A 40-year-old woman was killed, local media report.
The bridge on the Odesa–Reni highway crosses the Dniester River and is critically important for regional traffic.
After the strike,… pic.twitter.com/F17Orobjtr
— NEXTA (@nexta_tv) December 18, 2025
Кипер апелираше до жителите на регионот кои претрпеле продолжени прекини на електричната енергија да покажат трпение и да престанат да блокираат патишта во знак на протест, велејќи дека службите за итни случаи работат деноноќно за да го вратат снабдувањето со електрична енергија.
Во Одеса, шефот на градската воена администрација, Серхиј Лисак, рече дека рускиот напад ја погодил инфраструктурата и предизвикал прекини во електричната енергија, водата и греењето во „густо населен округ“.
Едно лице е повредено, а службите за итни случаи работат на враќање на нормалното снабдување. Украинските гранични власти соопштија дека руските напади го запреле сообраќајот по должината на рутата што ја поврзува Одеса со пристаништето Рени на реката Дунав.
Европа
ЕУ, конечно, постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди евра преку заедничко задолжување за финансирање на Киев во следните две години. Унгарија, Чешка и Словачка нема да учествуваат во аранжманот, објави „Еуроњуз“.
Откако разговорите заглавија поради барањето на Белгија за неограничени гаранции пред користење на замрзнатите руски средства, лидерите на ЕУ се свртеа кон издавање заеднички долг. Ова би ја обезбедило финансиската стабилност на Киев следната година и во 2027 година, додека товарот би паднал врз заедничкиот буџет на ЕУ.
Белгиските барања го срушија договорот
Пред самитот во Брисел во четврток, лидерите инсистираа дека нема План Б и ги удвоија напорите за издавање заем за репарација поддржан од замрзнати средства од Руската централна банка. Германскиот канцелар Фридрих Мерц го водеше напорот, но тој не успеа, бидејќи барањата на Белгија за неограничени гаранции го направија планот неодржлив за другите членки.
Неуспехот е удар за Мерц и претседателката на Комисијата, Урсула фон дер Лајен, која го претстави планот како најдобра опција. Дискусијата во четврток се вртеше околу ублажување на загриженоста на белгиската влада. Премиерот Барт де Вевер со недели беше цврст, велејќи дека нема да прифати лош договор што ќе ја изложи неговата земја на руска одмазда. Неговото барање за „неограничени гаранции“ за заштита на Белгија и финансиската институција Евроклеар се покажа како неприфатливо за другите. Еден дипломат изјави за Евроњуз дека многу земји не сакале да понудат такви гаранции, велејќи: „Лидерите навистина не знаеја што ќе гарантираат на крајот“.
Унгарија, Чешка и Словачка се исклучени од шемата
Уште пред самитот, Унгарија јасно стави до знаење дека нема да се согласи со заемот за репарации. Премиерот Виктор Орбан одбива финансиски да ја поддржи Украина и честопати ги критикуваше европските колеги за нивното справување со војната. Но, кога стана јасно дека Белгија и другите земји-членки не можат да се согласат, Орбан, заедно со словачкиот премиер Роберт Фицо и чешкиот премиер Андреј Бабиш, изготвија план за излез од застојот.
Во заклучоците од самитот, лидерите се согласија дека Унгарија, Словачка и Чешка ќе бидат ослободени од каква било одговорност поврзана со заемот преку механизмот за „засилена соработка“. „Секое мобилизирање на буџетските средства на ЕУ како гаранција за овој заем нема да влијае на финансиските обврски на Чешка, Унгарија и Словачка“, се вели во текстот, одобрен од сите 27 земји.
Орбан: Украинците никогаш нема да можат да го вратат заемот.
Потоа Орбан им рече на новинарите: „Изгледа како заем, но Украинците никогаш нема да можат да го вратат“, и додаде: „Всушност, тоа е трошење пари. И оние што стојат зад тој заем ќе ја преземат одговорноста и финансиските последици од него“.
Реакции по тешките преговори
По самитот, кој заврши во раните утрински часови, фон дер Лајен, придружувана од данската премиерка Мете Фредериксен, изјави дека примарната цел е постигната: финансирањето за Украина е обезбедено. „Конечниот заклучок, по денес, е дека нашата поддршка за Украина е загарантирана“, рече Фредериксен.
Сепак, принципот дека Русија мора да плати за штетата предизвикана на Украина не се оствари. Европските земји-членки ќе се задолжуваат на финансиските пазари и ќе плаќаат камата. Иако заемот за Украина ќе биде без камата, а Киев треба да го врати со пари од руските репарации, не е сигурно дали Русија некогаш ќе плати репарации, што значи дека заемот лесно би можел да се претвори во грант.
„Тие беа нервозни поради терминот ‘неограничени гаранции’“
Белгискиот премиер Де Вевер рече дека зборот „неограничени“ гаранции ги направил неговите колеги „нервозни“ и дека исходот ја потврдил позицијата на неговата земја. „Денес докажавме дека гласот на малите и средните земји-членки исто така се брои. Одлуките во Европа не се донесуваат едноставно од најголемите капитали или институции. Тие се колективни“, рече тој, суптилно алудирајќи на Германија.
Од друга страна, германскиот канцелар Мерц им рече на новинарите дека „Европа го покажа својот суверенитет“ со тоа што се согласи на заеднички долг. „Кога станува збор за руски средства, само малку ја променивме временската рамка“, додаде тој, тврдејќи: „Руските средства ќе се користат како колатерал за заемот“.
Европа
(Видео) Украинските дронови уништија „неуништливи“ руски С-400
Украинските оператори на беспилотни летала уништија два руски ракетни системи С-400 Триумф заедно со нивната муниција во рускиот регион Белгород, потврди украинскиот Генералштаб. Нападот, кој се случи на 14 декември, го изврши 15-та одделна артилериска извидничка бригада, а целата операција беше снимена, објави „Евромајдан прес“.
Ваквите напади се дел од пошироката украинска стратегија за ослабување на руската воздушна одбрана, како на руска територија, така и на окупираните територии. Системот С-400 Триумф, модернизиран наследник на советскиот С-300, е клучна компонента на слоевитата мрежа за воздушна одбрана на Русија. Русија повремено го користи и за напад на копнени цели, насочувајќи се кон украински градови. Затоа, уништувањето на овие системи се смета за голем губиток за руските сили.
Според извештајот на порталот Militarnyi, лансирните системи С-400 биле уништени додека биле во движење. Објавените снимки прикажуваат руски возила за противвоздушна одбрана како се движат по земјен пат, веројатно за време на промена на борбената позиција.
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Објавена нова снимка од нападот во Сиднеј: полицаец спречил масакр од 45 метри
Австралиските медиуми го идентификуваа полицаецот кој го спречи смртоносниот антисемитски напад на плажата Бонди како детективот Сезар Бараза. Новообјавените видеа...
(Видео) Осомничениот за масовното пукање на Универзитетот „Браун“ пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
Трамп ја прогласи марихуаната за помалку опасна дрога
Американскиот претседател Доналд Трамп потпиша извршна наредба со која марихуаната на федерално ниво се класифицира како помалку опасна дрога, во...
ЕУ, конечно, постигна договор за Украина: три членки одбија да учествуваат
Лидерите на ЕУ ги откажаа плановите за невиден заем за репарации за Украина и наместо тоа ќе соберат 90 милијарди...
