Свет
Зеленски во ОН објави снимка од мртви цивили, „Твитер“ го ограничува досегот на профилот на Путин
Продолжува војната во Украина.
Клучни моменти:
- Кремљ го критикува Џо Бајден, го предупредува Западот да не наседнува на „монструозни фалсификати“
- ЕУ подготвува нови санкции против Русија, објавени се детали
- Зеленски рече дека најверојатно нема да има средба меѓу него и Путин
- Зеленски рече дека повеќе од 300 цивили биле убиени во Буча откако биле мачени и дека за тоа ќе биде одговорна руската армија. Тој утре ќе се обрати во ОН
- NYT објави сателитски снимки, за кои велат дека докажуваат дека телата лежат на улица во Буча со недели.
- Велика Британија и САД најавија уште построги санкции против Русија по масакрот во Буча, а ЕУ вели дека „сите опции се на маса“
- Рускиот амбасадор во ОН одржа прес-конференција и тврди дека приложил доказ дека масакрот во Буча бил организиран од Украинците
- Италија, Данска и Шведска им се придружија на сојузниците од ЕУ кои протераа руски дипломати поради војната во Украина, протерувајќи повеќе од 120 луѓе во изминатите 48 часа
Oд минута во минута:
22:30 Лавров: Лагите за Буча служат за саботирање на преговорите
По инцидентот во Буча, Украина се обиде да ги запре преговорите со Русија, изјави денеска рускиот министер за надворешни работи, Сергеј Лавров.
„Токму во моментот кога, во согласност со договорите од Истанбул, руската страна одлучи како гест на добра волја да ја деескалира ситуацијата на теренот, пред сè во регионите Киев и Черниговската област и три дена откако нашата армија го напушти градот Буча, таму беше организирана провокација за која се зборуваме денеска“, изјави Лавров на новинарите.
21:25 „Твитер“ го ограничува досегот на Путин и на другите официјални профили на Русија
„Твитер“ објави дека ќе го ограничи досегот на повеќе од 300 официјални профили на руската влада, вклучувајќи го и профилот на рускиот претседател, Владимир Путин.
„Веќе нема да ги истакнуваме овие профили во новостите, известувањата или на кое било друго место на нашата страница“, објави „Твитер“.
Официјалните профили на руската влада се најдоа на удар на критики поради наводно ширење дезинформации за војната во Украина. Но, за разлика од твитер профилите на прорежимските руски медиуми, официјалните профили на руската влада досега не беа на мета на модераторите на оваа социјална мрежа.
21:05 (Видео) Џонсон се обрати директно до рускиот народ: Видете што се прави во ваше име
Британскиот премиер Борис Џонсон преку видео им се обрати на граѓаните на Русија. Видеото е објавено на социјалните мрежи и има руски превод.
На почетокот на обраќањето Џонсон на руски рече: „Рускиот народ ја заслужува вистината, заслужува да ги знае фактите“.
To the Russian people, look at what is being done in your name.
You deserve the truth. You deserve the facts. pic.twitter.com/sqDxvGnTnp
— Boris Johnson (@BorisJohnson) April 5, 2022
21:00 Британска министерка: Замрзнавме 350 милијарди долари од воената каса на Путин
„Досега нашите санкции ги парализираа оние што ја хранат и финансираат воената машина на Путин. Оваа недела ќе објавиме дека замрзнавме повеќе од 350 милијарди долари од воената каса на Путин“, рече британската министерска за надворешни работи, Лиз Трас, на заедничка прес-конференција со полскиот колега Збигњев Рау.
Тоа е повеќе од 60 отсто од девизните резерви на режимот од 604 милијарди долари, додаде таа.
20:30 Рускиот амбасадор во ОН: Мора да го отсечеме нацистичкиот тумор што ја јаде Украина
Рускиот амбасадор во ОН, Василиј Небензја, денеска на седница на Советот за безбедност ги повтори тврдењата на Русија за нацисти во Украина.
„Не дојдовме во Украина за да освојуваме територии. Мораме да го отстраниме малигниот нацистички тумор, кој ја јаде Украина и кој на крајот ќе почне да ја јаде и Русија. И ќе ја постигнеме таа цел“, рекол рускиот амбасадор, а пренесува Би-би-си.
19:40 САД за утре најавија нови остри санкции: Руската клептократија ќе се соочи со невидени штети
САД за утре најавуваат нов пакет на санкции против Русија во координација со земјите-членки на Г7 и Европската унија, изјавил претставник на администрацијата на Бајден за Си-ен-ен.
„Овие мерки ќе ги деградираат клучните инструменти на руската државна моќ и ќе наметнат акутна и брза економска штета на Русија. Тие ќе ја таргетираат руската клептократија која ја финансира и поддржува војната на Путин“, рекол претставникот.
19:15 Борел: ЕУ протерува 19 руски дипломати поради незаконски дејствија
Шефот на дипломатијата на ЕУ, Жозеп Борел, одлучи да прогласи за персона нон грата повеќе претставници на Постојаната мисија на Руската Федерација при ЕУ, поради, како што рече, ангажман во активности спротивни на нивниот дипломатски статус.
Брисел наведува дека станува збор за 19 вработени во Мисијата на Руската Федерација при ЕУ и дека генералниот секретар на Европската служба за надворешни работи денеска го повикал рускиот амбасадор во ЕУ да го информира за таа одлука.
19:05 Зеленски бара исфрлање на Русија од Советот за безбедност на ОН
Украинскиот претседател Володимир Зеленски денеска ги повика Обединетите нации да го реформираат својот систем, кој на Русија, како постојана членка на Советот за безбедност ѝ дава право на вето.
Тој го повика Советот за безбедност, како што рече, да ја исфрли Русија од својот состав како агресор и извор на војна за да не може да ги блокира одлуките за сопствената агресија.
19:00 Летонија и Естонија ги затворија руските конзулати: „Персоналот мора да ја напушти земјата“
Летонија и Естонија поединечно наредија затворање на два руски конзулата и наредија конзуларниот персонал да ја напушти земјата, соопштија денеска нивните министерства за надворешни работи.
Владата треба да регулира одредени залихи, вклучително и семиња и гориво, предупреди рускиот претседател Владимир Путин во телевизиско обраќање.
За тоа го обвини глобалниот недостиг на храна, а не западните санкции кон Русија.
„Јасно е дека оваа година, во услови на глобален недостиг на храна, ќе треба да бидеме повнимателни во снабдувањето со храна за странство, односно внимателно да ги следиме параметрите на таквиот извоз во земјите кои се јасно непријателски настроени кон нас“, изјави тој.
17:45 (Вознемирувачко видео) Зеленски во ОН објави снимка од руски воени злосторства во Украина
На почетокот украинскиот претседател рече дека се обраќа во ОН во име на жртвите на Русија.
„Убивале и силувале жени пред очите на нивните деца. Тоа го правеле руските војници“, рече Зеленски. „Светот допрва треба да види што направија во другите окупирани области на нашата земја“, додаде тој.
16:20 Блинкен: Буча прикажува намерна кампања на убиства, мачење, силување, злосторства
„Она што го видовме во Буча не е случаен чин на одметничка единица. Тоа е намерна кампања на убивање, мачење, силување, извршување злосторства. Извештаите се повеќе од веродостојни. Доказите се таму за светот да ги види. Тоа ја зајакнува нашата решеност и определбата на земјите ширум светот да се погрижат на еден или друг начин, еден или друг ден, да има одговорност за оние кои ги извршиле овие дела“, рече тој.
15:50 Столтенберг: Почнува клучна фаза од војната
Ова е опасност за сите нас. Започнува клучната фаза од војната, изјави генералниот секретар на НАТО Јенс Столтенберг кој зборуваше на прес-конференција во Брисел.
„Она што сега го гледаме е бруталност од размери што не сме го виделе во Европа од Втората светска војна“, рече тој, оценувајќи ја состојбата како исклучително сериозна.
15:43 Повеќе од 7 милиони луѓе се раселени во Украина, соопштија ОН
Бројот на внатрешно раселените лица во Украина се искачи на повеќе од 7,1 милион, според Меѓународната организација за миграција.
„Луѓето сè уште ги напуштаат своите домови поради војната, а хуманитарните потреби на теренот продолжуваат да растат“, рече генералниот директор на организацијата, Антонио Виторино.
15:39 ЕУ воведува нови санкции за Русија, тензии меѓу членките
Фон дер Лајен на Твитер објави список со санкции што ЕУ ќе ги воведе кон Русија
15:00 Франција почна истрага за воени злосторства во Украина против француски државјани
Француските антитерористички обвинители денеска почнаа три истраги за можни воени злосторства поврзани со дела против француски државјани извршени во Украина од руската инвазија.
Во соопштението се наведува дека тие истражуваат можни злосторства извршени во украинските градови Мариупол, Гостомел и Чернихив меѓу 24 февруари и 16 март, пишува Блумберг.
14:10 Кремљ го предупреди Западот: Размислувајте со своја глава, ова е монструозно
Кремљ соопшти дека вчерашните изјави на американскиот претседател Џо Бајден во кој се повикува Владимир Путин да му се суди за воени злосторства се „неприфатливи и недостојни за еден американски лидер“.
14:00 Борел: Ситуацијата во Буча не е геноцид
Министерот за надворешни работи на ЕУ, Жозеп Борел, денеска го коментираше настанот во украинскиот град Буча и рече дека нема да го нарече геноцид.
„Зборот геноцид би го употребил за многу пострашни работи“, изјави Борел во интервју за радиостаницата COPE, пренесува РИА Новости.
13:50 Повеќе од 120 руски дипломати протерани од ЕУ за два дена
Италија, Данска и Шведска им се придружија на сојузниците од ЕУ кои протераа руски дипломати поради војната во Украина, протерувајќи повеќе од 120 луѓе во изминатите 48 часа.
12:58 Данска и Италија протераа руски дипломати поради Буча, Москва се закани дека ќе возврати
Данска и Италија најавија протерување на голем број руски дипломати, по извештајот за масакрот во Буча во близина на Киев, објавен во текот на викендот. Данска соопшти дека ќе протера 15 руски дипломати, во согласност со чекорите преземени од другите земји од Европската Унија, по извештаите за пронајдени масовни гробници и убиства на цивили во украинскиот град Буча.
12:40 Медведев: Ќе изградиме отворена Евроазија – од Лисабон до Владивосток
Еден од најблиските сојузници на Владимир Путин, поранешниот руски претседател Дмитриј Медведев, на Телеграм објави која е крајната цел на Москва, пренесуваат медиумите.
Во изјавата за Телеграм, Медведев ги повтори отфрлените тврдења на Кремљ за „нацистички симпатизери во Украина“, велејќи дека дел од Украинците се молат за Третиот рајх во последните 30 години.
12:35 Шефицата на Европскиот парламент: Несомнено, Путин треба да биде обвинет за воени злосторства
Мецола не се сомнева дека во Буча имало воени злосторства и истакнува дека снимката од Буча не е лажна. Тој смета дека одговорните треба да одговараат за она што се случило таму.
12:14 Зеленски: Средба со Путин е малку веројатна
Украинскиот претседател Володимир Зеленски изјави дека е малку веројатна средба лице в лице меѓу него и Владимир Путин.
12:09 Британците објавија нов разузнавачки извештај, ова се трите клучни точки
Британското Министерство за одбрана на Твитер ги објави најновите дневни разузнавачки информации за ситуацијата во Украина. Во нив има три главни точки.
11:30 Германија ја заплени филијалата на руската компанија „Гаспром“
Германија ја презеде сопственоста на германската филијала на рускиот државен енергетски гигант „Гаспром“.
Берлинскиот енергетски регулатор привремено ќе ја контролира компанијата и покрај претходното инсистирање на Москва дека таквиот потег би бил незаконски, пишува „Раша тудеј“.
11:21 Абрамовиќ е во криза: Ги моли пријателите во Холивуд да му позајмат по милион долари
Рускиот олигарх Роман Абрамовиќ ги моли своите пријатели од Холивуд и американските моќници да му позајмат по милион долари.
Тој се најде во безизлезна ситуација откако беше цел на западни санкции, а целиот имот му беше замрзнат поради рускиот напад на Украина.
11:20 Кличко: На секое евро од Русија има украинска крв
Градоначалникот на главниот град на Украина, Киев, Виталиј Кличко, побара од европските политичари да ги прекинат сите комерцијални врски со Москва, велејќи дека плаќањата кон Русија се покриени со „крв“ и помагаат во финансирањето на нејзината армија.
10:20 На владина седница ќе се разговара за згрижувањето на бегалците од Украина
На денешната седница ќе се разгледува Информација за усвојување на план-протокол за прифаќање, згрижување и сместување, како и регулирање на статусот на лица кои од Украина ќе допатуваат во Република Северна Македонија како последица на воените дејствија.
9:51 Небензја: Снимката од телата во Буча е од 3 април, по заминувањето на руските сили од градот
Амбасадорот на Русија во Советот за безбедност на ОН, Василиј Небензја, рече дека приказната дека Русија е одговорна за масакрот во Буча е голема лага.
„Сакам да ви презентирам вистински докази за Буча. Додека градот беше под контрола на руската армија, ниту еден жител не беше жртва на насилство. За тоа време жителите се движеа слободно. Тие користеа мобилни телефони за да можат да објавуваат каква било слика или видео од некакво теоретско насилство што беше случај. Но, тоа не се случи“, рече Небензија.
9:39 „Њујорк тајмс“: Овие сателитски снимки докажуваат дека телата во Буча лежеле со недели улица
Мртвите тела на цивили во Буча лежеле на улиците со недели, и покрај руските тврдења дека убиствата се случиле откако војниците си заминале, пренесува „Њујорк тајмс“.
Кремљ беше обвинет за масакр, Киев исто така го обвини за геноцид, но Русија негираше дека нејзините војници убиле цивили и тврди дека сето тоа било лага и измама. Сега, анализата на сателитските снимки пред и потоа направени од „Њујорк тајмс“ покажа дека многу цивили биле убиени пред повеќе од три недели – додека руските сили го контролирале и градот и тој дел од регионот на Киев.
Satellite images show bodies lay in Bucha for weeks, despite Russian claims
https://t.co/cbd92GXfgk— The New York Times (@nytimes) April 4, 2022
Носејќи ракавици и маска за лице, Сергеј Матујк доживеа неописив хорор во последниот месец. Како што пишува „Скај њуз“, неговата работа е да ги закопува телата во украинскиот град Буча, каде што се појавија докази за можни воени злосторства од страна на руските сили.
„Тие се курви“, изјави тој за „Скај њуз“, стоејќи покрај големо бело комбе, чекајќи уште пет мажи да ги натоварат телата во задниот дел.
Sky’s @HaynesDeborah speaks to Serhij Matuyk, whose job is to retrieve and bury bodies in the Ukrainian town of Bucha where evidence has emerged of possible war crimes by Russian forces https://t.co/e4lT44l4yy
— Sky News (@SkyNews) April 5, 2022
8:52 (Видео) Зеленски: Во Буча биле мачени и убиени повеќе од 300 цивили, започната е истрага
Во синоќешниот говор претседателот на Украина, Володимир Зеленски, изјави дека повеќе од 300 цивили биле мачени до смрт во Буча и најави дека денеска ќе се обрати во ОН.
„Само што започнавме истрага за сè што направиле окупаторите. Во моментов има информации за повеќе од триста убиени и мачени само во Буча. Списокот на жртви веројатно ќе биде многу поголем кога ќе се провери целиот град. И ова е само еден град“, рече Зеленски, кој исто така рече дека бројот на жртви може да биде значително поголем во Бороѓанка и некои други ослободени градови.
8:43 Москва предупреди на пропорционален одговор на протерувањето на дипломатите
Русија пропорционално ќе одговори на протерувањето на нејзините дипломати од голем број западни земји, изјави поранешниот руски претседател и заменик-претседател на Советот за безбедност Дмитриј Медведев, пренесува „Ројтерс“.
Сите го знаат одговорот: тоа ќе биде симетрично и деструктивно за билатералните односи. Кого казнија? Пред сè себеси“, рече Медведве.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина објави ново видео од историскиот напад врз Русија: користена е вештачка интелигенција
Украина објави нови снимки од историскиот напад врз флотата бомбардери на Путин. Киев користеше вештачка интелигенција во извршувањето на еден од најсмелите напади врз Русија во историјата.
Украинските безбедносни служби објавија ново видео од воената операција „Пајажина“ што беше спроведена на 1 јуни врз нуклеарните бомбардери на Русија.
„За време на операцијата, беше користена модерна технологија за контрола на беспилотни летала, која комбинира автономни алгоритми за вештачка интелигенција и рачна интервенција на операторот“, соопшти Службата за безбедност на Украина, или СБУ, главната агенција за контраразузнавање во земјата.
„За време на летот, некои дронови го изгубија сигналот и се префрлија на извршување мисија користејќи вештачка интелигенција по однапред планирана рута. Откако се приближија и контактираа со посебно одредена цел, боевата глава беше автоматски активирана“, додаде СБУ.
Како доказ, СБУ објави снимки што покажуваат украински дронови како удираат мотори, антени, крила и други делови од различни руски стратешки и извидувачки авиони на четири воени аеродроми.
Русија често ги користи овие аеродроми за бомбардирање на украинските градови со балистички и крстосувачки ракети.
„Меѓу погодените авиони беа „А-50“, „Ту-95“, „Ту-22“, „Ту-160“, како и „Ан-12“ и „Ил-78“, соопшти СБУ, тврдејќи дека нивната тајна операција предизвикала финансиска штета од над 7 милијарди долари за Русија.
Операцијата со беспилотни летала „Пајажина“ го шокираше светот со својата жестокост, при што некои заинтересирани набљудувачи ја фалеа Украина за препишување на правилата на модерното војување, а други, како специјалниот претставник на САД за Украина, Кит Келог, изразија загриженост за тактиките, објаво Политико.
„Кога напаѓате дел од националниот систем за преживување на противникот, тоа значи дека вашето ниво на ризик се зголемува затоа што не знаете што ќе направи другиот… Тоа е многу храбар чин. И кога го правите тоа, многу е јасно дека нивоата на ризик ќе се зголемат. Тоа е она што се обидуваме да го избегнеме“, изјави Келог за „Фокс њуз“ во вторникот.
Свет
Се подготвува голем напад врз нуклеарни постројки: САД ја повлекува војската и ги евакуираат дипломатите
Израел, според информации од американски и европски претставници, очигледно се подготвува наскоро да започне напад врз Иран, објави утрово „Њујорк тајмс“.
Тоа е потег што може дополнително да го дестабилизира Блискиот Исток и да ги загрози напорите на администрацијата на американскиот претседател Доналд Трамп да преговара за договор што би спречил развој на иранско нуклеарно оружје.
Соединетите Американски Држави го намалуваат бројот на својот несуштински персонал во земјите од Блискиот Исток, откако проценките дека тензиите во регионот се зголемиле бидејќи преговорите на САД со Иран за нуклеарната програма на Иран се чини дека „западнале во ќорсокак“, соопшти Стејт департментот. Во соопштението се наведува дека на несуштинскиот персонал од амбасадите на САД во Ирак, Бахреин и Кувајт му е наредено да ги напушти тие земји, објави АП.
Трамп веќе го отфрли израелскиот план за напад, инсистирајќи дека сака да преговара со Техеран за договор што би ја ограничил способноста на Иран да произведува нуклеарно гориво. Пред две недели, тој рече дека го предупредил Нетанјаху да не започнува напад додека траат преговорите меѓу САД и Иран.
Во меѓувреме, Министерството за одбрана на САД објави доброволно заминување на членови на семејствата на воениот персонал од локации низ целата област на операции на Централната команда на САД.
Соединетите Американски Држави го намалуваат бројот на несуштински персонал на Блискиот Исток, по проценките дека тензиите во регионот се зголемиле бидејќи преговорите на САД со Иран за нуклеарната програма на Иран се чини дека „западнале во ќорсокак“, соопшти Стејт департментот утрово.
Во соопштението се наведува дека на несуштинскиот персонал од амбасадите на САД во Ирак, Бахреин и Кувајт му е наредено да ги напушти тие земји, објави АП.
На членовите на семејствата на персоналот исто така им е наредено да ги напуштат тие земји.
Претходно, Ројтерс објави, повикувајќи се на неименуван американски функционер, дека специјалниот претставник на САД за Блискиот Исток, Стив Виткоф, планира да се сретне со иранскиот министер за надворешни работи, Абас Аракчи, во Оман во недела за да разговара за одговорот на Иран на неодамнешниот предлог на САД во врска со нуклеарниот договор со Иран.
Иран во понеделникот објави дека наскоро ќе презентира контрапредлог за нуклеарен договор со САД како одговор на понудата на САД, за која рече дека Техеран ја смета за неприфатлива.
Трамп во понеделникот изјави дека разговорите меѓу САД и Иран ќе продолжат, нагласувајќи дека е помалку уверен дека Иран ќе се согласи да престане со збогатување на ураниум според договорот со Вашингтон.
Американските разузнавачки информации покажуваат дека Израел се подготвува за напад врз нуклеарните постројки на Иран, според Ројтерс.
Свет
Ким Џонг-ун: Путин е мој најблизок пријател, односите меѓу Русија и Северна Кореја се зајакнати
Севернокорејскиот лидер Ким Џонг-ун му го честиташе на рускиот претседател Владимир Путин Денот на Русија и рече дека односите меѓу двете земји станале уште посилни во борбата за заштита на руската територија и дека ќе продолжат да се развиваат.
„Денес, традиционалните пријателски односи меѓу Северна Кореја и Руската Федерација станаа уште посилни благодарение на военото пријателство меѓу војниците на двете земји, создадено по цена на крв во праведна, света битка за одбрана на суверенитетот и територијалниот интегритет на Русија“, се вели во честитката, пренесува РИА Новости.
Ким нагласи дека односите меѓу двете земји, кои, како што изјави, веќе се пример за нераскинлив сојуз, ќе продолжат да се развиваат.
„Нашата цврста и непоколеблива волја е неизбежно да ги продолжиме односите меѓу Северна Кореја и Русија, зајакнати со сите видови историски искушенија и предизвици, водејќи ги кон сеопфатен просперитет. ДНРК и јас секогаш ќе бидеме со вас и Руската Федерација“, рече севернокорејскиот лидер.
Во својата честитка, тој го нарече рускиот претседател свој „најблизок пријател“.
„Мој најблизок пријателе! Ти посакувам добро здравје од дното на моето срце, а на братскиот руски народ вечен успех, благосостојба и просперитет“, се вели во честитката.
„Денес, Русија, под ваше мудро и искусно водство, надминувајќи ги сите предизвици и закани во и надвор од земјата, самоуверено ја отвора својата иднина и од срце ги очекуваме успесите постигнати во нашата братска држава – Руската Федерација“, рече Ким, според Танјуг.
Трајко Славески со платa од 3.000 евра им порачува на граѓаните да работат по три работи, тоа е лицемерие на човек кој цел живот е во фотелји, велат од СДСМ
Новиот гувернер на Народната банка, Трајко Славески, според СДСМ, уште на почетокот го покажал својот вистински лик, надмен, без допир...
Филипче со денови молчи за бугарската фирма, Обвинителството да поведе постапка, бара ВМРО-ДПМНЕ
Филипче со денови молчи за бугарската фирма Пауер Ај 8, која е во негова 100% сопственост, а ја основал на...
Германскиот министер за одбрана: Правиме сè што можеме за да ѝ помогнеме на Украина да се одбрани
Германскиот министер за одбрана, Борис Писториус, пристигна во Киев за да разговара за воената поддршка за Украина во нејзината војна...
За три дена, 109 повредени од Кочани доставиле барања и предлози на телефонската линија на Владата
109 граѓани за три дена од пуштање на телефонската линија за повредените лица и нивните семејства, која е во директна...
Вучиќ е единствениот кој не ја потпиша декларацијата за поддршка на Украина
Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој...
Меџити во Украина: Силно ја осудуваме руската агресија и бараме итно запирање на војната
Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот...
Битолчанка сакала да ги убие своите баба и дедо, ги избодела со нож
Полицијата приведе жена од Битола која со нож ги избодела своите баба и дедо. „По овластување на јавен обвинител од...
Паушалите во сметките за струја ќе станат минато, Министерството за енергетика почна серија брифинзи за новиот закон
До 2031 година 80 отсто од граѓаните треба да имаат смарт броила, а првите веќе се очекува да бидат инсталирани...
Македонската дипломатија нема да биде ничија партиска сопственост, одговори МНР по прозивките од СДСМ
Македонската дипломатија не е, и нема да биде ничија партиска сопственост. По години на политичка злоупотреба, ја враќаме дипломатијата на...
Побаран доживотен затвор за убијците на Вања и Панче: Двете дела се убиства на свиреп начин за кои е предвидена најтешка казна
Обвинителките Ана Стојковиќ-Димитровска и Жаклина Крстевска во завршните зборови на денешното судење за убиствата на 14-годишната Вања Ѓорчевска и 74-годишниот...
(Видео) Обвинителството да отвори постапка за криминалниот круг Филипче – Заев – Зобек мининг, бара Петрушевски
Фрапирани сме од молкот во СДС и кај Венко Филипче, за неговата фирма во Бугарија, џипот купен од фирма која...
(Видео) Костова: Тотален дебакл на Мицкоски во економијата, инфлацијата го изеде семејниот буџет
Се случува тотален дебакл на економски план, економската политика на владата на Мицкоски и ВМРО-ДПМНЕ е целосно промашена. Последните податоци...
За прв пат после шест години, учениците во основните училишта ќе имаат учебници по сите странски јазици, вели Јаневска
„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството...
Арсовска: Аценце, те чекам на ТВ дуел
Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...
(Фото) ДЗС: Пронајдени артилериска граната од 75 mm и рачна бомба од Првата светска војна
Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...
Хронологија на масакрот: Австриецот нишанел во главите на децата, оставил видео-порака за мајката
Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...
Словачка се заканува дека ќе ги блокира новите санкции кон Русија
Словачка би можела да го блокира новиот пакет санкции на Европската Унија кон Русија доколку Европската комисија не понуди решение...
Трамп: Нѐ напаѓаат странски непријатели, сакаат да предизвикаат инвазија
Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...
Жителите на Грац запалија свеќи во центарот на градот за да оддадат почит на жртвите од нападот
Граѓаните на Грац се собраа на главниот плоштад во градот за да запалат свеќи и да им оддадат почит на...
(Видео) Масовен напад врз Харков, гори станбена зграда: има мртви и многу повредени
Во новите руски напади врз североисточниот украински град Харков во текот на ноќта во вторник загинаа две лица, а повеќе...
