Од минута во минута ја следиме руската инвазија во Украина.

Клучни настани:

• Европската Унија одобри ембарго на рускиот јаглен и воведува дополнителни санкции
• Гранатирана е железничка станица во Украина, има мртви и повредени
• Руското Министерство за одбрана сугерираше дека Украина ги нападнала сопствените цивили и ја негира одговорноста за ракетниот напад на железничка станица
• Русија соопшти дека уништила центар за обука на странски платеници во Украина, северно од Одеса
• Претседателката на Европската комисија, Урсула фон дер Лајен пристигна во Киев на средба со украинскиот претседател Володимир Зеленски
• Според Макрон војната би можела да заврши на 9 мај
• Македонија на листата на непријателски земји на Белорусија

Најновите вести:

21.45 Русија се обидува да регрутира повеќе од 60.000 војници за војната во Украина

Висок претставник на американското Министерство за одбрана денеска изјави дека САД имаат индиции оти Русија сака да регрутира повеќе од 60.000 војници.

21.00 Нова мапа на руската инвазија – северот е ослободен, фокусот е префрлен на исток

Руското Министерство за одбрана неодамна објави дека ќе ги пренасочи борбените активности во Украина на истокот од таа земја, а таа промена на фокусот е јасно видлива кога ќе ги погледнете новите мапи на движењето на руските сили.

20.10 Фон дер Лаен му предаде на Зеленски прашалник за членство во Европската Унија

Претседателката на Европската комисија, Урсула фон дер Лаен, на конференцијата во Киев му предаде прашалник на украинскиот претседател Володимир Зеленски, кој ќе ја однесе Украина чекор понапред во добивањето кандидатски статус за ЕУ.

20.00 Чешка испраќа тенкови, ракетни фрлачи и артилерија во Украина

Чешка испорача тенкови, повеќецевни ракетни фрлачи, хаубици и борбени возила во Украина како дел од пратката на воена опрема вредна до неколку стотици милиони долари досега, а таа помош ќе продолжи, според извор од чешкото Министерство за одбрана

18.35 Популарноста на Путин порасна по агресијата врз Украина – го поддржуваат над 80 отсто од Русите

Поддршката за рускиот претседател Владимир Путин се зголеми од 67,2 отсто пред да нареди инвазија на Украина на 24 февруари, на 81,6 отсто, покажуваат резултатите од анкетата на државната агенција VTsIOM во петокот

18.30 Украинците објавија дека го зазеле Суми, гувернерот предупредува на руски мини

Гувернерот на регионот Суми, Дмитро Живицки, објави на телеграм дека руските сили се повлекле од градот во североисточна Украина

18.20 Џонсон: На ​​Путин не може да му се верува

Британскиот премиер, Борис Џонсон, изјави дека разговорите со Путин не изгледаат ветувачки и дека тој не чувствува доверба

?"Pregovori s Putinom ne izgledaju mi ​​obećavajući i ne osjećam da mu se može vjerovati"

Britanski premijer Boris Johnson kaže da je "ciničan" i "duboko skeptičan" prema bilo kakvim Putinovim uvjeravanjima ⤵️ #BorisJohnson #UkraineRussianWar #VladimirPutin

? @SkyNews pic.twitter.com/LQ4B7Uzzif

— Dnevni avaz (@DnevniAvaz) April 8, 2022

18.00 Песков најави дека војната во Украина може да заврши во блиска иднина

Портпаролот на Кремљ, Дмитриј Песков, изјави дека војната, како што ја нарекуваат Русите, специјална воена операција, во Украина може да заврши во блиска иднина, пренесе руската агенција „Тас“

17.30 Потресни слики од Буча – почна ексхумацијата на жртвите на масовните гробници

Форензичарите почнаа со ексхумирање на масовна гробница во украинскиот град Буча, завиткувајќи ја во црна пластика и изложувајќи ги телата на цивилите, според официјални лица, убиени за време на руската операција

16.30 Зеленски: Потребен е коктел од санкции, кој би останал запаметен како „молотови коктели“

Украинскиот претседател Володимир Зеленски изјави во финскиот парламент дека е потребен коктел од санкции, кој ќе биде запаметен исто како ‘молотовите коктели’“, за да се запре руската агресија

16.20 Бројот на загинати на железничката станица во Украина се искачи на 40, меѓу кои 10 деца

Бројот на загинати во нападот на железничката станица се искачи на 40, изјави градоначалникот на Краматорск, Олександр Хончаренко

15:00 Европската Унија подготви нови санкции за Русија и Белорусија

Членките на Европската Унија се договорија за нови санкции против Русија, но и Белорусија. Се наведува дека овој пакет мерки има за цел да го зголеми економскиот притисок врз Кремљ и дека има за цел да го оневозможи руското финансирање на инвазијата на Украина.

13:20 Украина: Чуваме тела на 7.000 загинати руски војници, Русија не сака да ги земе

Украина чува околу 7.000 безживотни тела на руски војници во мртовечници и ладилници во железнички вагони, изјавил украински функционер за „Вашингтон пост“.

Олексиј Арестович, советник на шефот на претседателската администрација на Украина, вели дека владината бројка од 18.600 загинати Руси се заснова на украинските извештаи од бојното поле и на пресретната руска воена комуникација.

13:15 Градоначалникот: На станицата имаше 4.000 луѓе, главно постари, жени и деца

Градоначалникот на Краматорск за „Ројтерс“ изјави дека околу 4.000 луѓе, главно постари, жени и деца, биле на железничката станица кога била погодена од руски проектили.

13:14 Челниците на ЕУ со реакции за ракетниот напад: Ова е застрашувачко, потребни се повеќе санкции

Претседателот на Европскиот совет, Шарл Мишел, го осуди нападот на железничката станица во украинскиот град Краматорск.

„Застрашувачки е да се види како Русија напаѓа една од главните станици што ја користат цивилите кои се евакуираат од регионот каде Русија го засилува својот напад. Потребна е акција: повеќе санкции за Русија и повеќе оружје за Украина доаѓаат од ЕУ. Само што беше одобрен петтиот пакет санкции“, напиша тој.

Horrifying to see Russia strike one of the main stations used by civilians evacuating the region where Russia is stepping up its attack.

Action is needed: more sanctions on Russia and more weapons to #Ukraine are under way from the EU. 5th package of EU sanctions just approved.

— Charles Michel (@eucopresident) April 8, 2022

Со реакција се јави и високиот претставник на ЕУ за надворешна политика и безбедност, Жозеп Борел.

I strongly condemn this morning’s indiscriminate attack against a train station in #Kramatorsk by Russia, which killed dozens of people and left many more wounded. This is yet another attempt to close escape routes for those fleeing this unjustified war and cause human suffering

— Josep Borrell Fontelles (@JosepBorrellF) April 8, 2022

12:50 Зеленски: Ова е зло кое нема граници

Украинскиот претседател Володимир Зеленски го осуди нападот на железничката станица Краматорск, во кој загинаа најмалку 35 лица.

„Окупаторите ја погодија железничката станица Краматорск, каде што илјадници мирни Украинци чекаа да бидат евакуирани. Околу 30 луѓе загинаа, а околу 100 се повредени. Полицијата и спасувачите се веќе на терен. Ова е зло што нема граници. И ако не се казни, никогаш нема да престане“, напиша Зеленски на Инстаграм.

 

View this post on Instagram

 

A post shared by Володимир Зеленський (@zelenskiy_official)

12:45 Германскиот претседател бара Путин и Лавров да одговараат за злосторства пред Хашкиот трибунал

Германскиот претседател Франк-Валтер Штајнмаер ги повика рускиот претседател Владимир Путин и министерот за надворешни работи Сергеј Лавров да бидат изведени пред Меѓународниот суд на правдата во Хаг.

„Секој кој е одговорен за овие злосторства ќе мора да одговара. Ова ги вклучува војниците, офицерите, но и оние кои се политички одговорни“, рече Штајнмаер во интервју за саботното издание на неделникот „Шпигел“.

12:25 Русија: Не ја нападнавме станицата, Украинците ракетираа сопствени цивили

Руското Министерство за одбрана сугерираше дека Украина ги нападнала сопствените цивили и ја негира одговорноста за ракетниот напад на железничка станица во кој загинаа повеќе од 35 луѓе, објави државната новинска агенција РИА Новости.

Тие тврдат дека типот на проектил употребен во нападот го користи исклучиво украинската армија.

„Руската војска немала никакви цели во Краматорск“, соопшти Министерството.

12:20 Јапонија протера осум руски дипломати

Јапонија денеска протера осум руски дипломати.

Ова се случува откако членките на ЕУ, вклучително и Франција и Германија, објавија дека ќе протераат руски дипломати.

12:15 На проектил што ја погодил железничката станица пишува „За децата“

Новинарот на „Економист“, Оливер Керол на „Твитер“ напиша дека на проектил што ја таргетирал станицата во Краматорск пишува „за детей“, што во превод значи „за децата“.

12:10 Црна Гора усвои санкции против Русија

Вицепремиерот на Црна Гора, Дритан Абазовиќ, на својот профил на „Твитер“ напиша дека на седницата на Владата на Црна Гора штотуку е усвоен пакет рестриктивни мерки против Русија.

Абазовиќ им се заблагодари на сите министри, на Владата, на генералниот секретар на НАТО Јенс Столтенберг, на НАТО и на Делегацијата на Европската Унија во Црна Гора за соработката.

Upravo usvojen paket restriktivnih mjera prema Rusiji!

Hvala svim ministrima na saradnji!@VladaCG@jensstoltenberg@NATO @EUAmbME

— Dr Dritan Abazovic (@DritanAbazovic) April 8, 2022

11:50 ЕУ одобри 155 милијарди евра помош за компаниите погодени од војната во Украина

Европската комисија одобри 155 милијарди евра помош што Франција одлучи да ја пренасочи од програмата за пандемијата кон зајакнување на ликвидноста на компаниите погодени од војната во Украина и санкциите против Русија.

11:15 Според Макрон војната би можела да заврши на 9 мај

Францускиот претседател, Емануел Макрон изјави дека рускиот претседател, Владимир Путин ќе ги концентрира нападите во Украина на сепаратистичката зона Донбас, на истокот на таа земја, во обид да постигне победа за 9 мај, на годишнината од капитулацијата на нацистичка Германија во 1945 година.

„За Русија 9 мај е национален празник, важен воен датум и речиси е сигурно дека за претседателот Путин, 9 мај треба да биде ден на победа“, изјави Макрон за француското радио РТЛ.

11:10 (Видео) Руски портал направи реконструкција на масакрот во Буча, имаат ново видео

Независниот руски портал „Медуза“ направи реконструкција на масакрот во Буча. Од „Медуза“ дошле до снимката од дрон, за која велат дека е направена помеѓу 23 и 30 март, во време кога руските војници биле во Буча.

Овој портал тврди дека видеото е доказ оти злосторствата и убиствата се извршени во време кога руските војници биле во градот.

10:30 (Вознемирувачко видео) Со ракети погодена железничка станица за цивилна евакуација во Украина, загинаа најмалку 30 луѓе

Железничка станица што се користи за евакуација на цивили во источна Украина, наводно, била погодена од два руски проектилa, изјави шефот на украинската државна железничка компанија додавајќи дека има жртви.

„Ројтерс“ цитира и изјави од украинската државна железничка компанија според кои повеќе од 30 луѓе загинале, а над 100 се ранети.

10:20 Maкедонија на листата на непријателски земји на Белорусија

Владата на Белорусија ја одобри листата на непријателски земји, каде што се наоѓа и Македонија пренесува агенцијата Интерфакс.

Покрај земјите-членки на ЕУ, на листата се уште 12 земји – САД, Велика Британија, Австралија, Канада, Норвешка, Нов Зеланд, Албанија, Исланд, Северна Македонија, Лихтенштајн, Црна Гора и Швајцарија.

10:00 Бектеши: Нашата трговската размена со Русија е околу 1 отсто, важно е намалување на зависноста од рускиот гас

Кризата во Украина се одрази силно врз глобалната економија и животниот стандард на милиони граѓани ширум светот, а Северна Македонија не беше исклучена од негативните ефекти на конфликтот.

На само две недели по отпочнувањето на кризата во Украина, Владата на Северна Македонија донесе пакет од 26 антикризни мерки во вредност од 400 милиони евра со цел олеснување на ценовните притисоци од енергетската криза и растот на цените на храната на светските берзи, кажа министерот за економија Крешник Бектеши во своето обраќање на Делфи економскиот форум, којшто се одржува во градот Делфи во Република Грција.

9:50 Русија: Го уништивме центарот за обука на странски платеници во близина на Одеса

Русија соопшти дека уништила центар за обука на странски платеници во Украина, северно од Одеса. Тврдењето го пренесе руската новинска агенција ТАСС.

Претходно, украинските локални власти објавија дека руски бродови ја гранатираат Одеса и дека има оштетувања на инфраструктурата.

9:13 Денеска се отвораат 10 хуманитарни коридори

Украинската вицепремиерка Ирина Верешчук најави дека денеска ќе бидат отворени 10 коридори за евакуација.

Коридорите вклучуваат рути за цивили кои бегаат од опколениот Мариупол и регионот Луганск, кој е под силно бомбардирање.

9:07 ЕУ воведе ембарго за увоз на јаглен и вотка од Русија

Членките на Европската Унија синоќа одобрија нови санкции против Русија, кои вклучуваат ембарго за увоз на руски јаглен, дрва и вотка.

Санкциите се однесуваат и на замрзнување на средствата на неколку руски банки, продолжување на забраната за извоз на оружје и други видови извоз во вредност од околу десет милијарди евра.

8:50 Руски бродови ја гранатираа Одеса

Во последните часови официјални лица од Одеса изјавија дека градот бил погоден од ракетни напади. Тие велат дека руските сили ја гранатираат Одеса од Црното Море.

„Како резултат инфраструктурни објекти во регионот Одеса се погодени“, напишаа градските власти во Телеграм.

8:40 Авион на НАТО следел српски цивилен авион на лет од Русија, Вучиќ бара објаснување

Српскиот претседател, Александар Вучиќ синоќа на РТС изјави дека авион на НАТО во рускиот воздушен простор следел цивилен лет на српски авион кој летал од Москва за Белград.

Наводниот инцидент се случил завчера, а Вучиќ најави дека ќе побара информации од Русија и НАТО.

8:30 Русија призна дека има значителни загуби

Кир Џилс, висок советник во тинк-тенкот Четам Хаус, ги коментираше за Sky News изјавите на портпаролот на Кремљ, Дмитриј Песков, кој во вчерашното интервју призна дека имало „значителна загуба“ на руски војници по инвазијата на Украина.

8:25 Британското разузнавање: Русија ќе ги врати повлечените сили за една недела

Во својот последен извештај, британската воена разузнавачка служба тврди дека на руските сили кои се целосно повлечени од северна Украина ќе им треба најмалку една недела пред да бидат прераспоредени.

Министерството за одбрана пишува дека многу руски единици мора да ги пополнат своите редови пред да бидат испратени да се борат во Донбас.

Latest Defence Intelligence update on the situation in Ukraine – 8 April 2022

Find out more about the UK government’s response: https://t.co/lrfW1pqwQe

?? #StandWithUkraine ?? pic.twitter.com/WPHtWTQEnp

— Ministry of Defence ?? (@DefenceHQ) April 8, 2022

8:20 Русија воведе санкции за Австралија и Нов Зеланд

Русија воведе санкции за граѓаните на Австралија и Нов Зеланд, вклучително и нивните премиери, соопшти руското Министерство за надворешни работи.

8:00 Урсула фон дер Лајен и Борел пристигнаа во Киев, ќе разговараат со Зеленски

Претседателката на Европската комисија, Урсула фон дер Лајен пристигна во Киев на средба со украинскиот претседател Володимир Зеленски. Таа на Твитер објави фотографија на која излегува од владата во главниот град на Украина.

Во Киев со Фон дер Лајен отиде и високиот претставник на Европската Унија за надворешна политика и безбедност Жозеп Борел. И тој се огласи на Твитер. „На пат кон Киев“, напиша тој.

Looking forward to Kyiv.@JosepBorrellF @eduardheger pic.twitter.com/YFAgGr5Tlc

— Ursula von der Leyen (@vonderleyen) April 8, 2022

7:30 Османи, Рау и Линде на средба со Кулеба на полско-украинската граница

Тројката претседавачи со ОБСЕ, министрите за надворешни работи на Северна Македонија, Бујар Османи, на Полска, Збигњев Рау, и на Шведска, Ан Линде, ќе отпатуваат на полско-украинската граница, информираа од Министерството за надворешни работи.

Според соопштението, за време на нивниот престој ќе остварат средба со министерот за надворешни работи на Украина, Дмитро Кулеба, и ќе го посетат прифатниот центар за бегалци во близина на граничниот премин Корчова.