Свет
Путин му се закани на Западот, ЕУ планира нов моќен удар
Продолжува војната во Украина.
Клучни моменти:
Утринава целосно беше прекинат приливот на руски гас во Полска откако Русија најави прекин на испораките бидејќи Варшава одби да плати во рубљи
Советникот на Зеленски даде свое предвидување за тоа колку долго ќе трае војната
Експлозии во близина на рускиот град Белгород. Гори магацин за муниција, соопштија локалните власти. Пожарот во меѓувреме бил изгаснат
Борис Џонсон не верува дека Путин ќе употреби нуклеарно оружје
Руските вооружени сили погодија четири украински магацини за оружје, соопшти портпаролот на Министерството за одбрана на Русија, генерал-мајор Игор Конашенков.
Бугарија потврди дека Русија од утре ќе ја прекине испораката на гас за земјата
ОН тврдат дека Путин „начелно се согласил“ ОН и Црвениот крст да евакуираат цивили од фабриката за челик Мариупол
Од час во час:
22:10 ЕУ подготвува нов удар за Путин: За следната недела се најавува забрана за увоз на руска нафта
Би-би-си, повикувајќи се на дипломатски извори од ЕУ, наведува дека Унијата следната недела би можела да објави забрана за увоз на руска нафта.
Целта на ЕУ е забраната за увоз на нафта да биде доволно строга за да му нанесе сериозна штета на Путин, но во исто време не толку строга за драматично да ги потресе светските пазари на нафта, посочиле изворите.
21:15 ОН формира тим за евакуација на цивили од Мариупол
Обединетите нации формирале тим за евакуација на цивили од Мариупол, соопшти заменикот официјален претставник на генералниот секретар на ОН, Фархан Хак.
Како што изјави тој, услови за евакуација од фабриката за челик „Азовстал“ засега не се обезбедени, но контактите со Русија и Украина продолжуваат, пренесе агенцијата „Спутник“.
20:25 Ќе смислиме нови санкции против Русија, вели полскиот премиер
Полскиот премиер, Матеуш Моравјецки, денеска изјави дека Русија досега успеала да им одолее на санкциите и затоа Варшава се обидува да смисли нови ограничувања.
На прашањето дали земјата ќе преземе нешто по прекинот на испораката на гас, Моравјецки рече дека властите на земјата ќе направат сè Русија да биде одговорна според договорот, бидејќи нејзините постапки ги прекршуваат законите и тој договор.
19:15 (Видео) Апел на командантот на маринците во „Азовстал“: Имаме 600 ранети, снемува храна и вода
Серхиј Волина, вршител на должноста командант на маринците во „Азовстал“, рече дека има повеќе од 600 ранети борци и цивили во фабриката за челик во Мариупол. Тој вели дека нема лекови или услови за третман на ранетите, додавајќи дека стотици цивили живеат во ужасни услови и дека им снемува храна и вода.
18:30 Украина: Ги нападнавме Русите на Змискиот остров
Украинската војска соопшти дека ги бомбардирала руските позиции на Змискиот остров во Црното Море, симбол на украинскиот отпор од инвазијата на руските сили на 24 февруари.
„Нашите сили ги нападнаа непријателските позиции на Змискиот остров“, објави јужната команда на украинската армија на „Фејсбук“ во вторникот вечерта, тврдејќи дека погодиле контролен пункт и го уништиле противвоздушниот систем.
„Загубите на Русија се утврдуваат“, се наведува во извештајот.
Русија не потврди напад на островот што го окупираше веднаш по почетокот на инвазијата.
17:00 Путин: Ќе му се одмаздиме на секој што ќе се вклучи во конфликтот
Рускиот претседател Владимир Путин денеска пред Советот на законодавци во Санкт Петербург зборуваше за војната во Украина.
Тој испрати предупредување до западните земји, велејќи дека западните планови за економско уништување на Русија пропаднале.
Путин додаде и дека Русија брзо ќе им се одмазди на сите земји кои ќе се обидат да се вмешаат во конфликтот.
16:50 Кремљ: Го исклучуваме гасот поради невиденото непријателство кон Русија
„Поставените услови се дел од новиот начин на плаќање, разработен по невидените непријателски дејствија на економско и финансиско поле, по руската офанзива во Украина“, изјави портпаролот на Кремљ, Дмитриј Песков, по прекинот на испораката на руски гас за Бугарија и Полска.
15:55 Германија предупредува дека ситуацијата во Молдавија е исклучително критична
„Не е јасно кој стои зад нападите што се случија во отцепениот молдавски регион Придњестровје“, изјави германската министерка за надворешни работи Аналена Бербок.
Од прорускиот отцепен регион Придњестровје во Молдавија велат дека од Украина било пукано на село во кое се наоѓа складиште за муниција, а најновиот извештај предизвикува загриженост дека конфликтот во Украина може да ескалира.
14:00 Сепаратистите во Молдавија тврдат дека повторно биле нападнати од Украина
Министерството за внатрешни работи на молдавскиот отцепен регион утринава излезе со соопштение во кое тврди дека самопрогласената република била нападната од Украина.
13:00 Русија: Погодивме складиште за оружје од САД и европските земји со ракети „калибар“
Руското Министерство за одбрана соопшти дека руски ракети „калибар“ погодиле складиште за оружје во областа Запорожје во Украина. Русите тврдат дека е уништено оружје од САД и западните земји.
Шефот на рускиот парламент изјави дека рускиот гигант „Газпром“ донел правилна одлука со целосно прекинување на испораката на гас за Бугарија и Полска.
Вјачеслав Володин, шефот на долниот дом на рускиот парламент, на својот канал Телеграм напиша дека Русија „треба да го стори истото со другите непријателски земји“.
11:40 Петков за одлуката на „Гаспром“: Ова е еднострана уцена на Москва
Бугарскиот премиер Кирил Петков изјави дека одлуката на Русија за прекин на испораката на гас за Бугарија е уцена и дека Софија ги разгледува сите договори со „Гаспром“, вклучително и транзитот на руски гас за Србија и Унгарија.
„ Предупредувањето на Русија да ја прекине испораката на гас за Бугарија поради барање за промена на шемата за плаќање е сериозно кршење на постоечкиот договор и претставува уцена“, рече Петков.
11:30 Нови напади на руските сили на „Азовстал“ – повторно без договор за евакуација на цивили од Мариупол
Руските сили денеска ја нападнаа фабриката за челик „Азовстал“, во која се сместени украински борци и голем број цивили во градот Мариупол, изјави помошник-градоначалник на градот, Петро Андриушченко.
11:28 Бугарија лута на „Газпром“: Плативме, а испораката на гас ни е прекината
Бугарија вели дека веќе целосно ги платила испораките на гас во април и го обвини „Газпром“ за прекршување на договорот.
„Во моментот гасот повеќе се користи како политичко и економско оружје во актуелната војна“, изјави бугарскиот министер за енергетика Александар Николов.
11:20 Лајен за прекин на испораката на рускиот гас: Ова е уцена
Одлуката да се запре снабдувањето со руски гас за клиентите во Европа е инструмент за уцена, вели претседателката на Европската комисија Урсула фон дер Лајен.
„ Потегот е неоправдан и неприфатлив и ја покажува несигурноста на Русија како снабдувач со гас“, рече Фон дер Лајен.
09:15 (Видео) Изгаснат пожарот во складиштето за муниција кај рускиот град Белгород
Пожарот во складиштето за муниција во близина на рускиот град Белгород е изгаснат.
„ Пожарот кај селото Стараја Нелидовка е изгаснат“, напиша регионалниот гувернер Вјачеслав Гладков.
Советникот на украинскиот претседател Олексеј Арестович оцени дека војната со Русија би можела да трае до крајот на оваа година.
„ Оружјето што неодамна го набавија украинските сили може, сепак, „сериозно да влијае“ на борбите кон крајот на мај или почетокот на јуни. Војната најверојатно ќе продолжи уште многу месеци, „мора да бидеме подготвени за долга приказна“ рече Арестович во интервјуто објавено на „Јутјуб“.
09:10 Советникот на Зеленски даде свое предвидување за тоа колку долго ќе трае војната
Советникот на украинскиот претседател Олексеј Арестович оцени дека војната со Русија би можела да трае до крајот на оваа година.
„ Оружјето што неодамна го набавија украинските сили може, сепак, „сериозно да влијае“ на борбите кон крајот на мај или почетокот на јуни. Војната најверојатно ќе продолжи уште многу месеци, „мора да бидеме подготвени за долга приказна“ рече Арестович во интервјуто објавено на „Јутјуб“.
09:05 Шефицата на британската дипломатија: Ако Путин успее, страдањето во Европа ќе биде незамисливо
Земјите кои се противат на руската инвазија на Украина мора да ја удвојат поддршката за Киев, вклучително и снабдувањето со тешко оружје, тенкови и авиони, изјави британската министерка за надворешни работи Лиз Трас.
„ Илјадници луѓе беа убиени во најголемиот напад на европска земја од Втората светска војна и направи хаос низ Украина, принудувајќи го Западот да го преиспита својот пристап кон заштитата и глобалната стабилност“ порача таа.
08:57 Серија експлозии околу рускиот град Белгород, запалено складиште за муниција
Серија експлозии одекнале утрово во рускиот град Белгород, во близина на границата со Украина, изјави гувернерот на регионот Вјачеслав Гладков и додаде дека гори складиште за муниција.
08:53 Зеленски: Зад експлозиите во прорускиот регион Молдавија стојат руски специјални служби
Украинскиот претседател Володимир Зеленски изјави дека руските специјални служби стојат зад серијата експлозии во прорускиот отцепен регион Молдавија.
Во Приднестровје, кое се граничи со Украина, последните денови имаше голем број напади. Уништени се две радиокули, нападната е воена единица, имаше експлозии и во Министерството за државна безбедност, кое наводно било погодено од фрлач на гранати.
08:44 „Гаспром“: Ги прекинавме сите испораки на гас за Полска и Бугарија
Рускиот енергетски гигант „Гаспром“ тврди дека ги прекинал сите испораки на гас и за Бугарија и за Полска, откако двете земји одбија да почнат да плаќаат за испораките во рубли.
Претходно, и полските и бугарските добавувачи на гас соопштија дека добиле официјални известувања од „Гаспром“ дека испораките ќе бидат прекинати.
08:38 Џонсон: Не верувам дека Путин ќе употреби нуклеарно оружје
Британскиот премиер Борис Џонсон изјави дека не очекува рускиот претседател Владимир Путин да употреби тактичко нуклеарно оружје во Украина.
08:30 Конашенков: Погодени четири украински складишта со оружје
Руските вооружени сили со прецизни ракети погодија четири украински магацини за оружје во областа Славјанск и Дружковка (фронтот Донбас), соопшти денеска портпаролот на Министерството за одбрана на Русија, генерал-мајор Игор Конашенков.
„ Ракетните сили и артилерија завршија 100 задачи во текот на денот. Погодени се пет командни центри на украинските сили, 81 позиција на војниците, како и осум артилериски батерии“ изјави Конашенков, пренесува „Спутник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Германија планира брзо проширување на бункерите поради страв од руски напад
Германија изработува планови за брзо проширување на мрежата на бункери и засолништа отпорни на бомби, изјави највисокиот службеник за цивилна заштита во владата, предупредувајќи дека државата мора да биде подготвена за напад од Русија во следните четири години.
Ралф Тислер, шеф на Федералната канцеларија за цивилна заштита и помош при катастрофи, изјави дека најголемата европска економија треба да се разбуди во реалноста на конфликтот и дека во својата сегашна состојба Германија не е адекватно подготвена.
„Долго време во Германија постоеше широко распространето уверување дека војната не е сценарио за кое треба да се подготвуваме. Тоа се промени. Загрижени сме поради ризикот од голема агресивна војна во Европа“, рече тој за „Зидојче цајтунг“.
Потребно засолниште за еден милион луѓе
Тислер повика на национален напор да се претворат тунели, метро станици, подземни гаражи, паркинзи и подруми на јавни згради во заштитни засолништа за „брзо создавање простор за еден милион луѓе“. Тој рече дека неговата агенција ќе претстави сеопфатен план подоцна ова лето.
Додаде дека земјата е во трка со времето, а потпирањето на изградба на нови бункери не е доволно. Таквите засолништа би барале долго време за планирање и изградба и би биле многу скапи, рече Тислер. Како резултат на тоа, постоечките објекти треба веднаш внимателно да се разгледаат.
Отворање нови фронтови
Рускиот напад на Украина предизвика стравувања во други земји, особено во балтичките држави, но и во Полска и Германија, дека Москва може да отвори нови фронтови во Европа.
Во текот на ноќта, руските сили започнаа ракетни и бомбардерски напади врз украинскиот град Харков, при што загинаа три лица, а 22 се повредени. Градоначалникот Игор Терехов во саботата објави на Телеграм дека градот „доживува најсилен напад од почетокот на војната во целост“.
Милионска обнова на бункерите
Од околу 2.000 бункери и засолништа во Германија, останати од Студената војна, само околу 580 се во исправна состојба и повеќето бараат милионска обнова. Тие би можеле да примат околу 480.000 луѓе, што е само половина процент од германското население. За споредба, Финска има 50.000 простории за заштита, што обезбедува простор за 4,8 милиони луѓе, односно 85% од нејзиното население.
Тислер рече дека е потребно да се вложат напори во прецизно прилагодување на информатичките системи, како што се апликациите и патоказите, за јавноста точно да знае каде може да побара засолниште, како и да се надгради системот за сирени за предупредување. Исто така, постојните апликации за предупредување треба да бидат подобро заштитени од хакери, додаде тој.
Го повика кабинетот на Фридрих Мерц да обезбеди финансирање за спроведување на плановите на неговата агенција. Се согласи дека плановите се неопходни, но дека сè уште треба формално да се обезбедат средства.
Се очекува парите да бидат достапни од ослободените милијарди откако парламентот ја суспендираше должничка кочница на Германија во март, дозволувајќи големи износи на трошоци за војската, виталната инфраструктура – како што се мостови и патишта што им овозможуваат транспорт на тенкови и залихи – и цивилната одбрана.
Разузнавачките служби и структурите за кибербезбедност, кои итно имаат потреба од инвестиции, исто така, се борат за средства.
„Направете доволно резерви“
Тислер процени дека ќе бидат потребни најмалку 10 милијарди евра во наредните четири години за покривање на потребите на цивилната заштита, а најмалку 30 милијарди евра во следната деценија.
Тој повика на воспоставување задолжителна или доброволна служба за цивилна заштита и ги повика граѓаните да придонесат за зголемување на отпорноста на земјата со тоа што ќе се снабдат со итни резерви во случај на прекин на струја и вода.
„Нашиот апел е: направете доволно резерви што ќе ви траат 10 дена, ако е можно“, рече тој, одразувајќи слични повици од други европски влади. „Но, дури и снабдување за најмалку 72 часа би било од голема помош“, додаде Тислер.
Свет
(Видео) Украина објави невидена снимка од операцијата „Пајажина“ – руски авион во пламен, штета од 7 милијарди долари
Безбедносната служба на Украина (СБУ) објави нови снимки од операцијата „Пајажина“, на кои се гледа целата траекторија на дрон, од лансирање од камион до погодување на руски стратешки бомбардер Ту-22М3 на аеродромот Белаја во регионот Иркутск.
Видеото го прикажува дронот како патува на значително растојание, непречено влегувајќи во територијата на аеродромот, каде што веќе се крева чад од вториот авион што беше погоден.
Минатата недела, украинското разузнавање нападна четири руски воени аеродроми: Елен во регионот Мурманск, Иваново во Ивановската област, Џагилев во регионот Рјазан и Белаја во регионот Иркутск.
Операцијата ја водеше лично шефот на СБУ, Васил Малјук, по наредба на претседателот на Украина и врховен командант Володимир Зеленски.
Според украинските проценки, вредноста на опремата погодена во специјалната операција надминува 7 милијарди долари.
Украинците тврдат дека непријателот изгубил вкупно 41 авион, вклучувајќи ги А-50, Ту-95, Ту-22, Ту-160, како и транспортни авиони Ан-12 и Ил-78.
Регион
(Фото) Поскапо отколку на Ибица: лежалка на Јадранското море чини 1.300 евра на ден
Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
