Свет
Озлогласениот „рапер на ИСИС“ уапсен во Шпанија
Абдел-Маџид Абдел Бари, поранешен рапер од Велика Британија и борец на терористичката Исламска држава, бил уапсен во Шпанија каде што претходно бил прокриумчарен со брод како недокументиран мигрант, пренесува шпанскиот државен радиодифузер ТВЕ.
Во извештаите се сугерира дека британско-египетскиот џихадист – еден од најбараните странски терористички борци во светот – пристигнал во градот Алмерија пред неколку дена, а бил уапсен од антитерористичката полиција во понеделникот.
Шпанските власти го потврдија апсењето на Бари, но не дадоа информации за тоа како влегол во земјата. Видеоснимката објавена од полицијата покажа тројца мажи кои биле изнесени од еден стан од полицајците со прекриени лица.
Полицијата соопшти денеска дека нивните агенти спровеле антитерористичка операција која кулминирала со апсење на еден од најбараните странски терористи на ИД во Европа.
Полицијата соопшти дека Абдел Бари поминал неколку години во сириско-ирачката конфликтна зона и има и многу необичен каралтер и екстремно насилен криминален профил, што го привлекло вниманието на европската полиција и на разузнавачките служби.
Абдел Бари, Британец со египетско потекло и поранешен рапер од Маида Вејл во Лондон, е син на Адел Абдел Бари кој помогнал во убиството на повеќе од 200 луѓе во исламистички бомбашки напади во Африка во 90-тите години.
Пријателите посочиле дека тој подоцна се претворил во радикален ислам бесен на британските власти поради војните во Ирак и во Авганистан.
Раперот, познат како Лирицист Џин и Ел Џини, ѝ се приклучил на една радикална исламистичка група на Блискиот Исток уште во 2013 година, а потоа и на ИД објавувајќи фотографии од Рака во 2014 година. Според медиумите, тој бил еден од британските припадници на ИД кои ги чуваа, мачеа и обезглавуваа странските заложници во Сирија.
Абдел Бари првично се појави како осомничен во потрагата по Jихади Џон, кој го изведе обезглавување на затворениците на ИД, вклучувајќи го и новинарот Џејмс Фоли. На крај беше откриено дека Џихади Џон е лондончанецот Мохамед Емвази, една од бандата терористи познати како „Битлси“ заради нивниот британски акцент.
До 2015 година Абдел Бари очигледно се разочарал во ИД и откако побегнал од Сирија, по него се трагал во Турција. Истата година неговиот татко бил затворен во САД за неговата улога во бомбашките напади на Ал-Каеда врз амбасадите во Најроби и Танзанија во 1998 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.