Свет
Опасни италијански мафијаши пуштени од затвор во домашен притвор

Мафијашки бос кој издржувал затворска казна од 23 години, според најстрог режим во затворот во Милано, е пуштен во домашен притвор поради здравствен ризик.
Судија од Милано одобрил пуштање во домашен притвор за мафијашкиот бос Франческо Бонура, кој издржувал казна според најстроги затворски мерки, кои предвидуваат целосна изолација и никаков контакт со други затвореници.
Бонура, кој е осуден во 2012 година поради мафијашко здружување и изнуда, пуштен е со образложение дека е изложен на зголемен здравствен ризик од зараза во преполните италијански затвори. Тој бил еден од обвинетите во првото макси судење на Коза ностра.
Вонредната состојба поради пандемијата на коронавирусот ризикува да ги доведе во домашен притвор не само обичните затвореници, туку и големите шефови на мафијата.
Бонура уште утре ќе може да се врати во својот дом во Палермо.
Судијата ја објаснил одлуката за домашен притвор на мафијашот од Палермо со здравствени причини.
„Земајќи ја предвид моменталната вонредна ситуација во здравството и со неа зголемениот ризик од зараза, кој несомнено е поголем во опкружување со голема густина на населеност, како што е затворот, кој повозрасните лица со сериозни болести ги изложува на тешки последици“, рекол судијата.
Тој додал дека Бонура домашниот притров ќе го помине во куќата на неговата сопруга во Палермо, каде нема да може да се сретне со никој од криминалното подземје, но шефот на мафијата и натаму може да ја напушти куќата поради здравствени причини, вклучително и здравјето на членовите на неговото семејство и поради значајни семејни потреби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран: САД мора да ни ја надоместат штетата

САД мора да ја надоместат штетата предизвикана на Иран за време на минатомесечната војна, објави „Фајненшл тајмс“ цитирајќи го министерот за надворешни работи на Иран откога Техеран зазеде построг став и постави нови услови за продолжување на нуклеарните разговори со администрацијата на американскиот претседател, Доналд Трамп.
„Тие треба да објаснат зошто нè нападнаа во средината на преговорите и мора да се осигури дека нема да го сторат тоа повторно (во идните разговори). И мора да ја поправат штетата што ја предизвикаа“, изјави иранскиот министер за надворешни работи, Абас Арагчи, за „Фајненшл тајмс“ во интервју во Техеран.
„Фајненшл тајмс“ објави дека Арагчи и специјалниот американски пратеник Стив Виткоф размениле пораки за време и по војната, при што иранскиот функционер му ја нагласил на својот американски колега потребата од заемно корисно решение за да се стави крај на долготрајниот застој во врска со нуклеарната програма на Иран.
Главниот нуклеарен преговарач на Иран рече дека на Иран му се потребни вистински мерки за градење доверба од своја страна откога Виткоф предложи продолжување на разговорите. Тој рече дека ова треба да вклучува финансиска компензација, без да даде детали, како и гаранции дека Иран нема повторно да биде нападнат за време на разговорите, според „Фајненшл тајмс“.
Соединетите Американски Држави ги нападнаа иранските нуклеарни објекти во јуни за кои Вашингтон вели дека се дел од програмата за нуклеарно оружје. Техеран вели дека неговата нуклеарна програма е само за цивилни цели.
Фото: принтскрин
Свет
Трамп: Пропаднатиот поранешен претседател на Русија треба да биде внимателен што зборува

Американскиот претседател Доналд Трамп објави дека планира да воведе царини од 25 проценти за производи од Индија. Тој ја обвини таа земја за, како што тврди, превисоки царини и блиски односи со Русија.
Тој објасни дека новите царини за индискиот извоз во САД ќе стапат во сила на 1 август заедно со дополнителни казнени мерки поврзани со купувањето руска нафта и оружје.
Сегашната царинска стапка за индиските производи во САД е десет проценти. Трамп ја нарече Индија земја со најсложени и најнезгодни немонетарни трговски бариери во светот. Набргу објави на својата социјална мрежа „Тру соушал“, каде што рече дека не го интересира што прави Индија со Русија и дека САД и Русија речиси никогаш не соработуваат заедно.
„Нивните царини се меѓу највисоките во светот. Ако сакаат да соработуваат со Русија, нека го прават тоа, но нека бидат внимателни бидејќи влегуваат во многу опасна зона“, рече Трамп.
Тој конкретно се осврна на Дмитриј Медведев кого го нарече пропаднат поранешен претседател на Русија велејќи дека мора да внимава што зборува.
Трамп објави дека ќе воведе царини за Москва во рок од десет дена ако Кремљ не се согласи да ја запре војната во Украина дотогаш. Медведев, сегашниот заменик-претседател на Рускиот совет за безбедност, остро реагира на објавата.
„Се игра со ултиматумот со Русија – 50 дена или десет. Треба да запомните две работи – прво, Русија не е Израел, и второ, секоја нова закана е чекор кон војна. И не само со Украина, туку и со САД. Не повторувајте ги грешките на Поспаниот Џо“, напиша Медведев на X.
Фото: принтскрин
Свет
Авион со 288 патници наишол на силни турбуленции над САД: 25 повредени

Авион итно слета на меѓународниот аеродром „Минеаполис-Сент Пол“ кога 25 лица беа повредени поради силна турбуленција, јавуваат светските медиуми.
Летот „56“ за Амстердам полета од аеродромот „Солт Лејк Сити“ во 16.30 часот по локално време во средата. Летот требало да трае девет часа, но авионот бил пренасочен кон Минеаполис поради турбуленција.
Медицински персонал го пречекал „ербасот А330-900“ за да ги проценат патниците и екипажот, кои пристигнале во Минеаполис. 25-те патници биле однесени во локалните болници на лекување. Компанијата соопшти дека работи со патниците за да се задоволат нивните непосредни потреби.
Во авионот имало 275 патници и 13 члена на екипажот. Според официјалните податоци од Националниот одбор за безбедност во сообраќајот, во САД имало 207 сериозни повреди предизвикани од турбуленции од 2009 година, според официјалните податоци од Националниот одбор за безбедност во сообраќајот.
Секоја година во целиот свет има речиси 35 милиони лета, а процените сугерираат дека има приближно 5.000 инциденти на силна турбуленција. Силната турбуленција се дефинира како состојба во која движењето нагоре-надолу на авион што минува низ турбулентен воздух врши сила врз вашето тело, која е доволна за да ве подигне од седиштето ако не носите сигурносен појас.