Европа
Опозиционерката Колесникова го скинала пасошот за да спречи депортација од Белорусија

Приведената белоруска опозиционерка Марија Колесникова спречила присилно протерување од земјата со кинење на нејзиниот пасош на границата со Украина и фрлање на парчињата од прозорецот на автомобилот.
Во понеделникот маскирани лица ја уапсија Колесникова во центарот на Минск и ја однесоа со комбе.
„Таа беше турната на задното седиште (од возилото), викајќи дека не оди никаде“, изјави нејзиниот соработник Антон Родненков. Родненков додаде дека тој и еден колега биле однесени до границата заедно со Колесникова и дека не знаат каде се наоѓа таа сега.
„Кога автомобилот стигна до контролниот пункт меѓу двете земји, Колесникова спречи нејзина депортација со кинење на нејзиниот пасош“, рече тој.
Француската агенција АФП ги пренесува зборовите на граничната полиција дека Колесникова била уапсена на границата, а на нејзините соработници им било дозволено да ја напуштат земјата.
„Колесникова е во притвор“, рече портпаролот на граничната полиција Антон Бијчковски. „Не можам да кажам точно зошто, но таа беше приведена“, изјавил тој за „Ројтерс“, додавајќи: „Таа беше приведена во врска со околностите под кои (групата) ја напушти територијата на Белорусија.
Колесникова е последната од трите жени што учествуваа во претседателската кампања, а се натпреварувaа против сегашниот шеф на државата Александар Лукашенко.
Другите две кандидатки, Светлана Тихановскаја и Вероника Чепкало, побегнаа од земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Работиме на документ за завршување на војната, ќе го испратиме во Украина

Русија продолжува да работи на нацрт-меморандум за принципите за евентуален мировен договор за завршување на војната во Украина, соопшти денес руското Министерство за надворешни работи.
Рускиот претседател Владимир Путин, по телефонскиот разговор со неговиот американски колега Доналд Трамп претходно овој месец, изјави дека Москва е подготвена да соработува со Украина на меморандум за иден мировен договор.
Путин рече дека меморандумот ќе ги дефинира принципите на можно решение, временската рамка за потенцијален мировен договор и деталите за евентуален прекин на огнот.
Портпаролката на Министерството за надворешни работи, Марија Захарова, изјави дека работата на рускиот нацрт-документ сè уште е во тек и дека документот ќе ѝ биде предаден на Украина кога ќе биде готов.
„Русија продолжува да развива нацрт-меморандум за иден мировен договор, кој дефинира голем број позиции, како што се принципите на решавање, временската рамка за можен мировен договор и евентуален прекин на огнот за одреден временски период доколку се постигне соодветен договор“, рече таа.
Европа
Холандија ги испорача последните 24 авиони „Ф-16“ на Украина

Министерството за одбрана на Холандија објави дека последните 24 борбени авиони Ф-16 се испорачани во Украина, со што е завршена испораката на овој вид воена помош од страна на Холандија.
Последните холандски авиони Ф-16 наменети за Украина ја напуштија воздухопловната база Волкел на југот на Холандија во понеделник и се упатија кон Белгија, каде што ќе бидат технички подготвени за конечна испорака. На испраќањето на авионите присуствуваше и претставник на холандското Министерство за одбрана, Рубен Брекелманс.
„Ф-16-се од клучно значење за Украина поради секојдневните руски воздушни напади. Тие ни овозможуваат да ја држиме руската агресија подалеку од нас“, рече Брекелманс.
Покрај испораката на авионите, Холандија помага во одржувањето на нивната борбена готовност и учествува во организирањето на обука на пилоти во Европскиот центар за обука за летање (EFTC) во Романија.
Украина ја прими првата пратка холандски авиони Ф-16 во октомври 2024 година, а втората во февруари 2025 година. Претседателот Володимир Зеленски во март објави дека пристигнала уште една пратка од Холандија.
Европа
(Видео) 50 повредени во Ливерпул, двајца во критична состојба, полицијата: Не е тероризам

Речиси 50 лица се повредени, а 27 се однесени во болници, вклучувајќи двајца во критична состојба, од кои едно е дете, откако 53-годишен маж со автомобил удрил во толпа луѓе што ја гледале победничката парада во Ливерпул, беше објавено на прес-конференција во Ливерпул.
Заменик-началникот на полицијата во Ливерпул, Џени Симс, ги потврди претходните извештаи дека на местото на настанот е уапсен 53-годишен бел маж од областа на Ливерпул, за кого полицијата верува дека го возел возилото во кое беа повредени речиси 50 лица. Таа рече дека истрагата е во тек и дека фактите што довеле до овој инцидент се утврдуваат.
„Инцидентот не се третира како терористички напад“, рече Симс, додавајќи дека станува збор за изолиран случај.
Иако на парадата беа преземени бројни безбедносни мерки, сè уште не е утврдено како автомобилот успеал да се пробие на улицата каде што одеа колоните навивачи на Ливерпул.
Car has ploughed into fans after the Liverpool parade. wtf 🤬 pic.twitter.com/wvOHH1oV30
— Mark (@MTheaugod) May 26, 2025
Дејвид Кичен од службата за брза помош објави детали за повредените на кои им е укажана помош, велејќи дека 27 лица, меѓу кои четири деца, се префрлени во блиските болници. Две лица, од кои едно е дете, се во критична состојба, но никој не починал на местото на настанот.
Кичен додаде дека 20 лица побарале помош на местото на настанот, но повредите не биле доволно сериозни за да бараат болничко лекување.
Шефот на противпожарната служба Ник Серл изјави дека добиле повик во 18:07 часот. по локално време за инцидент за време на парадата. Кога пристигнале на местото на трагичниот инцидент, пожарникарите пронашле четири лица заробени под автомобил.
„Три лица и едно дете беа извлечени од под возилото и веднаш беа однесени во болница со брза помош“, објави Серл.