Европа
Орбан за нападот на детската болница: Одвратно, нашите стравови беа оправдани

Унгарскиот премиер Виктор Орбан се огласи на социјалната платформа Икс во врска со вчерашниот напад на детската болница Охматдит во Киев.
„Вчерашниот трагичен и одвратен напад во Киев докажува дека нашите стравови беа оправдани: како што можеше да се предвиди, бруталноста на руско-украинската војна достигна ново ниво. Токму затоа пред 9 дена отидовме во мировна мисија.
Растечкиот интензитет на војната е повик до глобалните сили да ја напуштат својата воена политика и наместо тоа да создадат мировна политика што ќе ги одведе Русија и Украина во прекин на огнот и мировни преговори. Ова е единствениот начин да се спречи понатамошно крвопролевање“, напиша Орбан.
Yesterday’s tragic and heinous attack in Kyiv proves that our fears were justified: as it was foreseeable, the brutality of the Russia-Ukraine war has reached a new level. This is precisely why we embarked on a peace mission 9 days ago.
The growing intensity of the war is a call…
— Orbán Viktor (@PM_ViktorOrban) July 9, 2024
Во нападот на самата болница две лица загинаа, а 32 се повредени, соопштија локалните власти. Истражителите на Службата за безбедност на Украина (СБУ) тврдат дека болницата била погодена од руски проектил Кх-101. СБУ го прогласи нападот за воено злосторство и поведе кривична постапка во врска со него.
Кремљ одговори дека за нападот е одговорна украинската воздушна одбрана, а не Русија. Портпаролот на Кремљ Дмитриј Песков не даде докази за своето тврдење, но рече: „Инсистирам, ние не напаѓаме цивилни цели“.
Јуриј Ихнат, портпарол на украинските воздухопловни сили, ја отфрли можноста дека украинска ракета за воздушна одбрана ја погодила болницата. Инаку, нападот на болницата се случи за време на масовниот руски напад врз градовите низ Украина. Киев објави дека во нападите загинале најмалку 41 цивил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.