Свет
Орбан оди кај Трамп

Унгарскиот премиер Виктор Орбан утре ќе се сретне со поранешниот американски претседател Доналд Трамп, пишува „Тајм“ повикувајќи се на неименувани, но упатени извори.
Орбан може да отпатува во одморалиштето на Трамп, Мар-а-Лаго, на Флорида по самитот на НАТО во Вашингтон, каде што сојузниците го потврдија неповратниот пат на Украина до членство, како и 43 милијарди долари финансирање за следната година.
Претходно, унгарскиот лидер во својата мировна мисија ги посети Украина, Русија и Кина. Украинскиот претседател Володимир Зеленски за време на посетата на Киев го отфрли предлогот на Орбан за прекин на огнот.
Орбан со години има одлични односи со конзервативците во САД и е единствениот европски лидер кој е отворено пријателски настроен кон Кремљ. Од почетокот на руската инвазија во неколку наврати зборуваше високо за Трамп пофалувајќи го како човек на мирот.
Претседателскиот кандидат на Републиканската партија постојано вели дека може да ја заврши руската војна во рок од 24 часа доколку биде избран за претседател, без да наведе чекори за постигнување мировен договор меѓу Киев и Москва.
Трамп не побарал од Орбан да ја постави основата за мировен договор меѓу Украина и Русија, изјави еден од изворите за „Тајм“ опишувајќи ја утрешната посета како понеформална.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.