Затвореник кој отслужува четири доживотни затворски казни е обвинет за убиство на својата сопруга, која починала за време на ноќна посета во затворот, објави UNILAD.

Американецот од Калифорнија, Дејвид Бринсон (54) беше осуден за четири обвиненија за убиство во 1993 година затоа што убил четворица мажи за време на грабеж. Во ноември минатата година, Бринсон бил посетен во затвор од неговата сопруга, Стефани Дајан Дауелс. Дауелс (62), била фризерка која живеела во Инглвуд, Калифорнија, со својот син и неговото семејство.

Сопругата го посетиле Бринсон вечерта на 13 ноември. Кратко пред 2 часот наутро, тој ги повикал затворските службеници во државниот затвор Мул Крик за да пријави дека неговата сопруга се онесвестила. За жал, и покрај обидите да го спасат нејзиниот живот, Дауелс била прогласена за мртва во 2:51 часот наутро, соопштија затворските службеници.

Откриле дека таа била задавена. Службениците сега го обвинија Бринсон за убиство, изјави окружниот обвинител на округот Амадор, Тод Рибе, за „Пипл“. Адвокатот на семејството, Мајкл Опенхајмер, издаде соопштение за медиумите.

„Иако ништо не може да ја врати Стефани во нејзиното семејство, ова е првиот чекор кон остварување на правдата. Ова беше брутално убиство и му благодариме на окружниот обвинител што го направи правилното. Ова и другите убиства никогаш не требаше да се случат и државата Калифорнија можеше да ги спречи“, рече тој.

Синот на жртвата, Арманд Торес, и неговата сопруга, Натали Хименез, рекоа дека сведоштво на Бринсон за настаните се променило во деновите по смртта на неговата сопруга. „Тој збореше дека таа била во несвест на подот, а потоа била во несвест на креветот“, рече Хименез. Сите обвиненија се засноваат на затворски извештаи и резултати од обдукција. Бринсон треба да биде изведен пред суд на 19 септември и сè уште не се изјаснил за обвиненијата.

Ова не е прв ваков случај
Калифорнискиот затворски систем наведува на својата веб-страница дека некои затвореници имаат право на семејни посети, кои се одржуваат во посебни станови на територијата на затворот. Посетите можат да траат од 30 до 40 часа.

„Семејните посети се привилегија, а затворениците мора да аплицираат и да ги исполнат строгите услови за да им бидат одобрени. Се земаат предвид само затворениците кои континуирано покажуваат добро однесување и ги исполнуваат специфичните барања на програмата“, рече портпаролот на затворот.

Сепак, ова е втора ваква смрт во државниот затвор Мул Крик во 2024 година. Во јули, 47-годишната Тања Томас беше пронајдена во несвест додека го посетуваше својот партнер, Ентони Кари. Кари подоцна беше обвинет за убиство, но се изјасни за невин.

фото: принтскрин

Црногорските противпожарни екипи го изгасија пожарот што избувна на јахта во марината во Будва.

View this post on Instagram

A post shared by Подгорички времеплов (@podgoricki_vremepllov)

Ова за црногорски „Вијести“ го потврди и раководителот на Службата за заштита и спасување на Будва.

Полициската управа соопшти дека околу 20:15 часот во неделата, полицијата во Будва била известена од сопственикот на јахта закотвена во пристаништето во Будва дека избувнал пожар додека сопственикот бил на бродот.

Јахтата е во сопственост на бизнисменот Б. М., а полицијата објави дека сопственикот на јахтата рекол дека пожарот најверојатно се случил поради дефект.

Пловилото било извлечено од пристаништето откако избувна пожарот кратко по 20 часот, заради безбедност на другите бродови. Седум екипи беа ангажирани за гаснење на пожарот.

фото: принтскрин

Руските сили погодија станбена област во Харков со балистичка ракета, при што беа повредени најмалку 11 лица, соопштија украинските власти доцна синоќа.

Едно 13-годишно девојче е меѓу повредените во Харков, вториот по големина град во Украина, изјави регионалниот гувернер Олех Синехубов преку апликацијата за пораки Телеграм.

Харков, кој се наоѓа во североисточна Украина во близина на границата со Русија, е редовна цел на руски напади со беспилотни летала и ракети од почетокот на војната што Москва ја започна во февруари 2022 година.

🇷🇺🇺🇦
🔻Ataque ruso contra Kharkiv

🔻Russian attack against Kharkiv pic.twitter.com/kkcQw67PQY

— Ares, Information Service (@Aresinfoservice) August 18, 2025

„Ударниот бран ги скрши прозорците во блиските станбени згради“, објави државната служба за вонредни состојби на Украина на Телеграм, додавајќи дека некои жители морале да бидат евакуирани.

Одделно, регионалните власти соопштија дека 57-годишна жена е повредена во руски воздушен напад врз североисточниот регион Суми, во кој исто така се оштетени најмалку десетина станбени згради и една образовна институција.

„Непријателот продолжува намерно да ја таргетира цивилната инфраструктура во регионот Суми, подмолно, ноќе“, рече гувернерот Олех Хрихоров на Телеграм. Ројтерс не беше во можност независно да потврди какво оружје користела Русија во нападите. Двете страни негираат дека таргетирале цивили во нивните напади, но илјадници луѓе се убиени, од кои огромното мнозинство се Украинци, соопшти агенцијата.

фото: принтскрин