Свет
Остин: САД ќе ја поддржуваат Украина сè додека е потребно

Американскиот министер за одбрана, Лојд Остин, денеска изјави дека ќе ја поддржува Украина онолку колку што е потребно и го претстави најновиот пакет на воена поддршка, кој го вклучува системот за воздушна одбрана „Патриот“, оклопни транспортери и големо количество муниција, но не и врвниот борбен тенк на американската армија, „М1 Абрамс“.
Остин, на состанокот на министрите за одбрана и началниците на генералштабовите на армиите на членките на НАТО и земјите партнери за понатамошната помош за Украина во воздухопловната база „Рамштајн“ во југозападна Германија, изјави дека „во турбулентно време можете да ги видите решителноста и единството на таа контакт-група“.
„Кога рускиот претседател Владимир Путин ја почна својата непромислена инвазија пред неколку месеци, мислеше дека светот ќе погледне настрана. Тој не сметаше на храброста на украинскиот народ“, рече Остин, пренесува Би-би-си.
Тој рече дека неколку земји од Европската Унија продолжуваат да помагаат во вооружувањето на Украина. Тој изјави дека Германија ќе го обезбеди системот за воздушна одбрана „Патриот“, а помагаат и други земји, меѓу кои Франција, Канада и Полска.
Плановите на Германија да испрати помош во Украина забележаа уште едно забележително отсуство на нивниот главен борбен тенк „Леопард 2“.
Берлин досега одбиваше да даде дозвола, првично укажувајќи дека тоа ќе го стори само доколку САД испратат тенкови „Абрамс“.
„Ова е клучен момент за Украина. Русија се прегрупира и регрутира. Ова не е време за забавување. Украинскиот народ нè гледа, Кремљ нè набљудува и историјата нè набљудува“, рече Остин на отворањето на состанокот, пренесе „Денес.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.
Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.
Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.