Австриецот со албанско потекло, Лоренц К., по две години, повторно планирал терористички напади, но овој пат од затвор. Тој пред две години во Виена бил осуден на девет години затвор за поттикнување Германец да изврши терористички напад на божикниот пазар во Лудвигшафен, кој исто така планирал и самостојни напади во име на Исламската држава.

Лоренц, кој наполни 21 година, имал забранет пристап до мобилен телефон со интернет. Од почетокот на ноември минатата година, според сознанијата на Службата за заштита на уставноста и борба против тероризам (БВТ), под псевдонимот Калид Интиками, имал профил на „Инстаграм“, каде што контактирал со поддржувачи на Исламската држава.

Преку „Инстаграм“, но и на други канали, тој вршел и пропаганда за Исламската држава. Според БВТ, тој се обидел преку социјалните мрежи да поттикне еден Германецот да изврши терористички напад во Германија или Австрија нудејќи му упатства за правење експлозиви.

Државното обвинителство во Грац почна истрага, но не сака да го коментира овој случај.