Свет
Осумгодишно девојче починало, родителите не и давале инсулин: биле припадници на секта во Австралија

Родителите на осумгодишно девојче со дијабетес во Австралија, кое починало откако речиси една недела не и бил даван инсулин, се осудени на 14 години затвор за убиство од небрежност. На Елизабет Струхс ѝ бил дијагностициран дијабетес тип 1 во 2019 година, а семејството било информирано дека на девојчето ќе и требаат дневни инсулински инјекции, пишува Би-Би-Си.
Родителите припаѓале на религиозна секта позната како „Светци“, која се противи на медицинската нега. Девојчето починало од дијабетична кетоацидоза, која предизвикува опасно таложење на кетонски киселини и нагло зголемување на шеќерот во крвта. Таа почина во нејзиниот дом во Тувумба, западно од Бризбејн, пишува медиумот.
Џејсон Струхс и Елизабет Струхс беа осудени за убиство од небрежност заедно со уште дванаесет други. Водачот на култот Брендан Стивенс е осуден на 13 години затвор во Врховниот суд во Квинсленд. На судењето тој беше опишан како опасна и високо манипулативна личност. Единаесет други членови на сектата добија затворски казни од шест до девет години. Сите тие се изјаснија дека не се виновни.
При изрекувањето на својата пресуда од речиси 500 страници минатиот месец, судијата Мартин Барнс рече дека иако е јасно дека родителите го сакаат девојчето, нивните постапки довеле до нејзина смрт. „Поради нивното верување во божествената моќ на исцелување, таа беше лишена од едното нешто што сигурно ќе ја одржеше во живот“, рече тој.
„Елизабет беше принудена да повраќа и да претрпи екстремна поспаност и губење на свеста затоа што ѝ беше одбиена медицинска помош“, рече обвинителката Каролина Марко за време на повеќемесечното судење.
Обвинителите повикале 60 сведоци кои потврдиле дека девојчето ужасно страдало во последните денови од животот. За тоа време групата се молела и пеела за неа додека лежела на душекот и состојбата и се влошила. Верувајќи дека таа може да биде вратена во живот, членовите на сектата не повикале лекар и властите не биле известени дури 36 часа по нејзината смрт, беше кажано на судот.
„Елизабет само спие и ќе ја видам пак“, изјавил нејзиниот татко. Водачот на сектата ги бранеше постапките на групата на судењето и го опиша судењето како чин на верски прогон. Тој рече дека сектата има целосно право да верува во словото божјо.
Сестрата на Елизабет, Џејд Струхс, претходно изјави дека ја напуштила сектата и побегнала од семејната куќа на 16 години, откако признала дека е геј. Таа е отуѓена од семејството. Таа и другите сведоци ја опишаа заедницата како многу строга и потврдија дека забрануваат потпирање на модерната медицина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Токио објави видео од вештачка интелигенција од ерупцијата на вулканот Фуџи за да ги подготви жителите

Вулканот Фуџи не еруптирал од 1707 година. Сепак, за да го одбележат Денот на подготвеност за вулкански катастрофи, властите во Токио објавија вештачки генерирани видеа кои симулираат потенцијална вулканска ерупција.
Видеата, објавени оваа недела, имаат за цел да ги подготват 37-те милиони жители на поширокото метрополитенско подрачје на Токио за потенцијална катастрофа.
Видео од Владата на Токио предупредува дека ерупцијата може да се случи „во секое време, без предупредување“. Видеото покажува вулканска пепел како го обвива центарот на Токио, на околу 100 километри оддалеченост, за неколку часа, парализирајќи го сообраќајот, прекинувајќи го снабдувањето со храна и електрична енергија и предизвикувајќи долгорочни респираторни проблеми.
Видеото завршува со пораката: „Мора да се вооружиме со факти и да се подготвиме за катастрофа во нашиот секојдневен живот“. Еден кадар ја прикажува оставата на семејството полна со конзервирана храна и комплети за прва помош.
Токиските власти соопштија дека во моментов нема знаци за ерупција на вулканот Фуџи. „Симулацијата е дизајнирана да ги опреми жителите со точно знаење и мерки за подготвеност што можат да ги преземат во случај на вонредна состојба“, се вели во соопштението.
Но, видеата предизвикаа вознемиреност и конфузија кај некои жители. „Дали навистина има знаци на ерупција? Зошто сега слушаме работи како „може да падне 10 сантиметри пепел“, дури и во Токио? Се прашувам зошто ова се случува одеднаш“, рече Шиничиро Карија, 57-годишен вработен во болница.
Европа
Кремљ: Тешко е да се замисли дека нашите дронови летаат над Германија

Според „Њујорк тајмс“, беспилотни летала што им припаѓаат на Русија или на нејзините посредници летале над рутите што транспортираат американски воени резерви во Германија.
Повикувајќи се на американски и западни претставници, весникот наведува дека Москва собира разузнавачки информации што би можеле да се искористат за „интензивирање на саботажната кампања на Кремљ“ и „помош на неговите сили во Украина“. Американските и германските претставници „разговараат за руските саботажни напори“, се додава во статијата.
Запрашан за извештајот, портпаролот на Кремљ, Дмитриј Песков, рече дека Москва немала време детално да го проучи. „Но, тешко е да се замисли“, рече тој.
„Затоа што тогаш Германците би го виделе јасно и тешко дека би молчеле. Значи, се разбира, сето ова повеќе личи на уште една измислица на весникот“.
Европа
(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот, соопшти војската.
A Polish F-16 Tiger Demo jet crashed while rehearsing for the Radom Air Show 2025, which is set to take place on August 30 and 31 in Poland.
The pilot didn't manage to eject and died as a result of the crash. pic.twitter.com/zJ5Ao3TRpv
— TabZ (@TabZLIVE) August 28, 2025
„Пилот на полската армија загина во падот на авионот Ф-16 – офицер кој секогаш ѝ служел на својата земја со посветеност и голема храброст. Оддавам почит во негово сеќавање“, напиша министерот за одбрана Владислав Косињак-Камиш на X откако пристигна на местото на несреќата.
We are deeply saddened to hear the news that Major Maciej “SLAB” Krakowian, pilot of the Polish F-16 Tiger Demo Team, lost his life this afternoon during a rehearsal for the Radom Airshow. Our thoughts are with his family, friends and colleagues. pic.twitter.com/4iVUF0oYpm
— RAF Cosford Air Show (@cosfordairshow) August 28, 2025
Високата команда на вооружените сили соопшти дека авионот бил од 31-та тактичка воздухопловна база кај Познањ и дека нема повредени цивили. „Спасувачките операции веднаш беа започнати на местото на настанот“, се вели во соопштението.
Снимките објавени од полските медиуми го покажуваат Ф-16 како изведува ротирачко движење пред да се сруши и да се запали додека се лизга по земјата.
Локалните медиуми јавуваат дека авионот се урнал на пистата околу 19:30 часот, дека пистата е оштетена и дека аеромитингот во Радом е откажан.
фото: принтскрин