Свет
Отворен „Дизниленд“ во Шангај, билетите распродадени за неколку минути

„Дизниленд“ во Шангај ги отвори своите врати за посетителите по повеќе од три месеци од затворањето поради епидемијата на коронавирусот. Забавниот парк е затворен од 25 јануари кога биле регистрирани првите случаи на Ковид-19.
Паркот е преполн со посетители, кои резервирале билети уште минатата недела. Секој што дошол морал да помине проверка пред да влезе. На сите им била измерена температурата и морало да имаат потврда од надлежните дека не се болни.
Насекаде во паркот има редари што ги опоменуваат посетителите да стават маски и да се придржуваат кон пропишаната дистанца.
Во целиот „Дизниленд“ се поставени жолти панделки, така што посетителите знаат каде да чекаат во ред. Во паркот постојано се врши дезинфекција, а доколку е потребно, сe откажуваат одредени ревии ако има премногу луѓе.
Билетите биле распродадени за неколку минути, соопштија од паркот.
„Иако многу делови од паркот сè уште се затворени, ние сме радосни што ‘Дизниленд’ повторно работи“, рече мајката која дошла во паркот со својата петгодишна ќерка.
Повеќето од посетителите рекоа дека дошле во паркот затоа што, по двомесечниот карантин, сакаат да се забавуваат.
Менаџментот на „Дизниленд“ соопшти дека постепено ќе ги отворат сите сегменти на забавниот парк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.
Свет
Ница ја погоди земјотрес со јачина од 4,1 степени

Земјотрес со јачина од 4,1 степени според Рихтер вечерва ја погоди областа во близина на францускиот град Ница, соопшти Европскиот медитерански сеизмолошки центар (EMSC).
Земјотресот се случил на 16 километри северно од Ница, каде живеат околу 340.000 жители, додава EMSC.
Земјотресот се случил на длабочина од десет километри.