Свет
Откриена заднината на инцидентот што ќе предизвикаше директен конфликт помеѓу НАТО и Москва
Пилот на борбениот авион „су-27“ лансирал два проектила на RC-135 Rivet Joint, надгледувчки авион, на 29 септември минатата година, при што првиот проектил го промашил британскиот авион, наместо тоа, дека дошло до дефект, како што тогаш тврдеше Русија. Меѓутоа, сега се покажа дека се случило нешто поинаку.
Во тоа време, британскиот секретар за одбрана, Бен Валас, го призна инцидентот говорејќи пред парламентот дека два руски авиона невнимателно се приближиле на пет метри од британскиот авион – со 30 члена на екипажот – и еден фрлил проектил во близина.
Рускиот министер за одбрана, Сергеј Шојгу, за состојбата обвини дефект, а Валас, по разговорот со други претставници на руската одбрана, го прифати објаснувањето и повлече линија под инцидентот.
Но, сега три високи западни извори од одбраната со знаење за инцидентот за Би-би-си изјавија дека руските комуникации пресретнати од извидувачки авион на британското воено воздухопловство покажале дека еден од руските пилоти мислел дека добил дозвола да го гаѓа британскиот авион.
Тоа беше откога тој добил двосмислена команда од руска копнена станица, велат изворите.
Друг руски пилот мислел поинаку и опцул својот другар кога го лансирал својот прв проектил ,кој опасно се приближил до извидувачки авион на РАФ.
Според член 5 од основачкиот договор на НАТО, земјите членки се согласуваат дека вооружениот напад врз еден или повеќе од нив „се смета за напад врз сите“.
За време на војната во Украина имаше неколку инциденти меѓу авионите на руската армија и НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.