Свет
(Видео) Отсечени градови, куќи во вода: жителите качени на покривите во делови од Австралија

Силно невреме што ги погоди југоисточните делови на Австралија предизвика ненадејни поплави што изолираа неколку градови во внатрешноста на земјата, а некои жители мораа да се засолнат на покривите од своите куќи, соопштија локалните власти.
Руралните заедници во регионите Хантер и Среден Северн Коуст во Нов Јужен Велс беа најизложени на ризик, објави Ројтерс.
Во некои области, во текот на претходните 24 часа наврнале повеќе од количеството на четиримесечни врнежи.
„Се справуваме со огромна количина дожд. Земјата е веќе заситена со вода, реките се прелеваат, а дождот едноставно не престанува“, рече министерот за вонредни ситуации на Нов Јужен Велс, Џихад Диб.
20.05.2025#Australia#Flooding in the Mid North Coast and Hunter Region of #NSW.Thousands of homes without power. More than 270mm of rain fell in several locations in less than 24 hours. SES responded to 1,400 incidents.4,000 homes across the state were left without power. https://t.co/pNzN95p13q pic.twitter.com/tjVG4tM0Wi
— Climate Review (@ClimateRe50366) May 21, 2025
Австралискиот метеоролошки институт предупреди дека во следните 24 часа може да наврнат до 300 милиметри дожд, што е три пати повеќе од просечните врнежи во мај.
Во градовите Тара и Гленторн, на реката Менинг, северно од Сиднеј, луѓето се качуваа на веранди и покриви, додека спасувачките екипи имаа тешкотии да стигнат до нив со брод и од воздух во текот на ноќта.
Комесарот за итни служби, Мајк Весинг, изјави дека приоритет е да се спасат најранливите и оние кои не можат да ги напуштат своите домови.
„Во моментов се фокусираме на луѓе кои се на покривите или на горниот кат од своите куќи“, рече Весинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Абделати: Египет нема да толерира раселување на Палестинците и геноцид

Египет нема да толерира масовно раселување на Палестинците и геноцид, изјави египетскиот министер за надворешни работи Бадр Абделати.
„Раселувањето не е опција и е црвена линија за Египет и ние нема да дозволиме тоа да се случи“, изјави Абделати за новинарите во Никозија.
„Раселувањето значи ликвидација и крај на палестинската кауза и нема правна, морална или етичка основа за иселување на луѓето од нивната татковина“, додаде тој, според Ројтерс.
Повторувајќи го тврдењето на египетското раководство дека во Газа се врши геноцид, тој рече дека ситуацијата таму е незамислива.
„Таму се случува геноцид, масовно убивање на цивили, вештачко гладување создадено од Израелците“, рече Абделати.
Израелските власти не одговорија на барањето за коментар. Сепак, Израел претходно секогаш ги негираше ваквите обвинувања и тврдења дека сите негови дејствија се оправдани и дека тоа е самоодбрана.
Фото: принтскрин
Свет
Вицепремиерката на Велика Британија поднесе оставка поради даночно затајување

Вицепремиерката на Велика Британија, Ангела Рејнер, денес поднесе оставка откако призна дека платила помалку данок на својот нов дом.
Рејнер е осмиот висок функционер кој ја напушта владата на Стармер. Премиерот на Лабуристите претходно ѝ даде целосна поддршка кога беше обвинета дека намерно избегнува плаќање на целосен данок.
„Длабоко жалам за мојата одлука да не барам понатамошни даночни совети. Преземам целосна одговорност за оваа грешка“, напиша 45-годишната жена во писмо до својот шеф.
Стармер одговори дека жали што нејзиниот мандат завршил на овој начин, но дека донела правилна одлука. Британскиот премиер беше потресен од анкетите за популарност во кои неговата партија беше значително надмината од антиимигрантското движење „Реформа на Велика Британија“ на Најџел Фараж и од појавата на нова партија основана од поранешниот лидер на Лабуристите, Џереми Корбин, и поранешната пратеничка на Лабуристите, Зара Султана.
Во време кога Лабуристичката партија беше критикувана дека премногу се оддалечила од своите левичарски корени, загубата на Рејнер е особено штетна бидејќи таа беше политичарка од работничката класа која, како таква, беше посредник помеѓу левиот и центристичкиот дел од партијата, според анализите во написите.
Некои аналитичари веруваа дека таа е потенцијален наследник на Стармер.
Рејнер основа фонд за еден од нејзините синови со попреченост, а потоа го продаде својот удел во семејната куќа на северот од Англија на фондот за да купи стан, верувајќи дека нема да мора да плаќа повисока даночна стапка при купување на друг имот.
Фото: принтскрин
Свет
(Видео) Поранешниот американски претседател Џозеф Бајден опериран од рак на кожа

Поранешниот американски претседател Џозеф Бајден неодамна беше опериран од рак на кожа, потврди неговата портпаролка, пренесуваат медиумите во регионот.
Сега се појавија неговите снимки, за кои се тврди дека се направени по операцијата.
President Biden appeared far more coherent and healthy greeting fans in Delaware over the weekend than Dumpy in today’s speech… pic.twitter.com/Jsa7cdTiHc
— SayMay (@saymaysmith) September 2, 2025
Иако не е познато точно кога е извршена процедурата, на крајот на август, Бајден беше фотографиран како излегува од црква во Делавер со голем лузна на главата.
Неговиот портпарол изјави за NBC News дека 82-годишниот поранешен американски претседател се опоравува добро.
Бајден бил подложен на хируршката техника на Мос, во која слоевите на кожата постепено се отстрануваат и се испитуваат под микроскоп сè додека трагите од канцерогените клетки повеќе не се видливи.
Ова не е прв пат Бајден да се соочи со рак на кожа. Во 2023 година, базалноклеточниот карцином, една од најчестите форми на рак на кожа, беше отстранет од неговите гради. Неговиот лекар потоа потврди дека целото канцерогено ткиво е успешно отстрането.
Оваа вест доаѓа само неколку месеци откако Бајден објави во мај оваа година дека му е дијагностициран рак на простата во четврт стадиум, кој се проширил на неговите коски.
Неговата канцеларија објави дека ракот на простата е откриен откако Бајден посетил лекар поради уринарни симптоми и дека разгледува „повеќе опции за лекување“.
„Иако ова претставува поагресивна форма на болеста, се чини дека ракот е чувствителен на хормони, што овозможува ефикасен третман“, се наведува во соопштението.
Тој како што анализираат медиумите, се повлече од јавноста откако ја напушти Белата куќа во јануари оваа година.
Фото: принтскирн