Свет
Отсуството на спасувачки бродови во Медитеранот, предупредување за зголемена смртност кај мигрантите
Илјадници мигранти ризикуваат да го загубат животот на море поради прекин на бродовите за спасување од невладините организации, предупредуваат агенциите за помош. Се работи за досега најдолг период на нивно отсуство во централниот дел на Медитеранот, откако почнаа да работат на крајот од 2015 година, објави „Гардијан“.
Според информациите, од 26 август, ниту еден НВО спасувачки брод не оперирал на главните миграциски правци меѓу Северна Африка и Јужна Европа.
Антимиграциската политика од страна на владите на Малта и Италија, кои ги затворија своите пристаништа за бродовите, предизвика значително намалување на мисиите за спасување. Луѓето кои бараат азил сè уште се обидуваат преку ризичните премини да стигнат до целта.
Бројот на оние што се удавија како дел од тие што пристигнуваа во Италија значително се зголеми изминатите неколку месеци.
Според бројките на Меѓународната организација за миграција (ИОМ), 2 383 мигранти загинале како резултат на бродолом во 2017 година, во споредба со 100 308 пристигнувања во Италија. Во 2018 година, со невладини бродови под притисок од малцинските и италијанските власти, бројот на жртви веќе достигнал 1 130, во споредба со само 20 319 лица кои пристигнале во земјата.
Од 10-те спасувачки бродови што работеа на Медитеранот, тројца се притворени во пристаништето Валета, Малта, во спорот околу регистрацијата на знамињата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.