Свет
Официјален претставник на СДФ тврди дека САД формирале база во сирискиот град Манбиџ
Американските сили формираа нова база во Манбиџ во северна Сирија пред околу три месеци откако турската војска се закани дека ќе влезе во градот, пренесе официјалниот претставник на силите поддржани од САД.
Турскиот претседател Реџеп Тајип Ердоган во неколку наврати се закани дека ќе испрати војници во Манбиџ откако тие ја протераа сириската курдска ЈПГ сили од западниот регион Африн во март.
Анкара смета дека ЈПГ е фракција на забранетата курдска партија ПКК, која со децении креваше бунтови во Турција. Турција е бесна што нејзиниот НАТО-сојузник САД, ја поддржува оваа партија во Сирија.
Новиот гарнизон е исто така составен од француски војници, пренесе Шарфан Дарвиш, портпарол на воениот совет на Манбиџ на Сириските демократски сили, кој е предводен од ЈПГ.
Американските и француските сили патролираат на фронтот помеѓу СДФ и бунтовниците поддржани од Турција, а базата беше формирана кратко откако Турција го почна нападот врз регионот Африн, изјави Дарвиш.
„По турскиот напад на Африн и зголемувањето на турските закани кон Манбиџ, коалициските сили ја изградија оваа база за следење и заштита на границата“, Дарвиш изјави.
Коалицијата предводена од САД, која се бори против милитантите од Исламска држава во Сирија, заедно со СДФ, одби да даде коментар на изјавата на Дарвиш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Три болници во Либан престанаа да работат поради израелските напади: „Лекарите избегаа“
Три болници во Либан, меѓу кои и една во близина на јужните предградија на Бејрут, објавија денеска прекин на своите активности поради израелските напади врз земјата, пренесува либанската новинска агенција АНИ.
Приватната болница Сент Тереза во близина на јужните предградија, каде што е седиштето на Хезболах, соопшти дека ги прекинува услугите поради блиските бомбашки напади и пријави голема штета во објектот со кој управуваат калуѓерките.
Две јавни болници во јужен Либан исто така најавија прекин на нивните активности. Болницата Маис ал Џабал во близина на границата ги „прекина сите услуги“ поради израелските напади и тешкотиите во снабдувањето и пристапот.
Директорот на болницата Марџајун, трета установа, изјави за АФП дека бил принуден да се евакуира и да ја затвори по израелскиот напад врз спасувачите од организација поврзана со Хезболах која оперирала надвор пред влезот на болницата додека ги транспортирала повредените.
„Во израелскиот напад цел беше амбулантно возило пред главниот влез, што предизвика паника кај персоналот“, изјави д-р Муенес Калакес. Убиени се четворица вработени во Исламскиот здравствен одбор, поврзан со Хезболах, пренесува АНИ.
„Поради недостаток на персонал и бомбардирањата, моравме да ја затвориме болницата“, рече тој, иако неговиот објект е отворен откако израелските напади почнаа да се интензивираат на 23 септември.
„Четири дена немавме анестезиолог или лабораториски експерти затоа што многу луѓе избегаа“, вели Калакеш.
Вчера министерот за здравство Фирас Абијад изјави дека повеќе од 40 спасувачи и пожарникари загинале во израелските напади за три дена. Според него, од почетокот на конфликтот меѓу Израел и Хезболах пред речиси една година загинале 97 спасувачи.
Повеќе од 1.110 луѓе се убиени од 23 септември, според извештајот на АФП заснован на официјални либански податоци. Либанскиот премиер Наџиб Микати денеска ја повика меѓународната заедница да изврши притисок врз Израел „да им дозволи на спасувачите да стигнат до бомбардираните локации за да ги евакуираат“ повредените.
Свет
Бајден: Израел се уште не одлучил што да прави во врска со иранскиот ракетен напад
Американскиот претседател Џо Бајден одржа прес-конференција.
Тој вели дека Израел се уште не одлучил што да прави во врска со иранскиот ракетен напад. За Бенјамин Нетанјаху, Бајден вели дека израелскиот премиер треба да запомни дека ниту една администрација не му помогнала на Израел повеќе од неговата.
Но, тој исто така вели дека Израел има „секое право да одговори“ на нападите на Иранците и другите како Хезболах. „Сепак, факт е дека тие мора да бидат многу повнимателни во справувањето со цивилните жртви“, додава тој.
На прашањето како Израел треба да одговори на иранскиот ракетен напад, Бајден вели дека тоа е меѓу Израел и него. Претседателот беше прашан што би можеле да направат САД за да го запрат избувнувањето на сеопфатна војна, на што тој рече „правиме многу“.
„Главната работа што можеме да ја направиме е да се обидеме да го натераме остатокот од светот и нашите сојузници да учествуваат, за да се стави крај на ова“, вели тој.
„Но, кога имате такви ирационални противници како Хезболах и Хутите, тешко е да се одреди“, рече тој.
Свет
(Видео) Израелски министер: Хезболах добива еден удар по друг
Израелскиот министер за одбрана Јоав Галант вели дека Хезболах страда откако добива удар по удар.
הבוקר, בשיחה עם לוחמי אוגדה 36 שפועלים במרחב לבנון.
חיזבאללה סופג מכות קשות בזו אחר זו – בחיסול מנהיגיו, ביכולות השיגור ובהשמדת נכסיו – אנו נמשיך בפעולתנו עד להסרת האיום והשבת תושבי הצפון לבתיהם בביטחון. pic.twitter.com/jTxjRRNYLm
— יואב גלנט – Yoav Gallant (@yoavgallant) October 4, 2024
„Нападите доаѓаат во форма на напад на лансирните капацитети на Хезболах и уништување на неговите средства и елиминирање на неговите водачи“, им рече Галант на војниците на 36-та дивизија на Израел.
„Ќе продолжиме со нашата акција додека не се отстрани заканата и додека жителите на северот не се вратат безбедно во своите домови“, додаде тој.