Свет
Павел: Невозможно е да се игнорира растот на поддршката за „екстремистите“ во ЕУ

Претседателот на Чешка, Петр Павел, на својот X профил ги коментираше резултатите од изборите за Европскиот парламент, велејќи дека е невозможно да се игнорира растот на поддршката за „екстремистите“ во ЕУ, каде што веројатно десничарските партии ќе имаат мнозинство.
„Сепак, верувам дека главната вредносна ориентација на Европската унија, насочена кон безбедноста или демократијата, нема да се промени по овие избори“, рече Павел, пренесува „Европска правда“.
Тој им честиташе на избраните пратеници во Европскиот парламент и им се заблагодари на сите гласачи кои излегоа на гласање, истакнувајќи дека одѕивот бил 36 отсто, што е највисок од влезот на Чешка во ЕУ.
„И покрај тоа, ние сè уште сме на дното на просечниот одѕив во Европската унија“, истакна чешкиот претседател.
На изборите за Европскиот парламент во земјаta победи партијата на поранешниот премиер на Чешка, Андреј Бабиш, која доби повеќе од 26 отсто од гласовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фон дер Лајен: ЕУ мора да одговори на хибридната војна

Претседателката на Европската комисија, Урсула фон дер Лајен, предупреди во Европскиот парламент дека Европа мора да одговори на хибридните закани, вклучувајќи ги неодамнешните инциденти со беспилотни летала и повреди на воздушниот простор, со мерки што одат подалеку од традиционалната одбрана.
„Ова не е случајно вознемирување. Тоа е кохерентна и ескалирачка кампања насочена кон вознемирување на нашите граѓани, тестирање на нашата решителност, поделба на Унијата и ослабување на поддршката за Украина. Време е да ја наречеме со нејзиното вистинско име: хибридна војна“, рече Фон дер Лајен во Европскиот парламент во Стразбур.
Таа не ја обвини директно Русија за сите инциденти, но нагласи дека целта на Москва може да биде да „сее поделби“ во Европа.
Фон дер Лајен рече дека на руските закани треба да се спротивстави со единство, одвраќање и решителност.
Фото: принтскрин
Европа
(Видео) Зеленски: Русија со дронови ја дестабилизира Европа

Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и немири.
Зеленски, во видео обраќање доцна во вторникот, рече дека Москва ја користи својата таканаречена „флота во сенка“ не само за финансирање на војната со транспорт на нафта со танкери, туку и за саботажи и разни напори за поткопување на стабилноста низ целиот континент.
„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.
The Head of Foreign Intelligence reported in detail on how the Russians are utilizing tankers of their “shadow fleet” – not only to finance the war, but also for sabotage and various destabilization attempts in Europe. Recent launches of drones from tankers are one such example.… pic.twitter.com/B09UQo9EZK
— Volodymyr Zelenskyy / Володимир Зеленський (@ZelenskyyUa) October 7, 2025
Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.
Русија негираше каква било вмешаност.
Дмитриј Медведев, заменик-шеф на Советот за национална безбедност на Русија, посочи дека самите украински сили би можеле провокативно да користат вакви беспилотни летала за да ја вовлечат Европа во војна против Русија.
Украина, исто така, произведува беспилотни летала со долг дострел.
фото: принтскрин
Регион
(Видео/Фото) Србите и Унгарците одржаа заедничка воена вежба

Србија и Унгарија одржаа заедничка воена вежба „Соседи 25“ со цел зголемување на нивото на соработка меѓу армиите на двете земји и размена на борбени искуства, соопшти српското Министерство за одбрана.
Вежбата се одржа на воениот полигон Пасуљанске ливаде со учество на припадници на Првата бригада на српската армија и 30-та механизирана бригада на Унгарија.
За време на повеќедневната вежба, војниците заедно ги вежбаа дејствата на единиците во тактички операции, вклучително и употребата на современи борбени возила, комуникациски системи и опрема за собирање и обработка на разузнавачки информации.
Ова е десетта заедничка вежба наречена „Соседи“ што ја спроведуваат вооружените сили на Србија и Унгарија.