Свет
Пакистанскиот премиер ги поддржува жителите на индискиот дел од Кашмир

Пакистанскиот премиер Имран Кан денес им порача на жителите на делот од Кашмир под контрола на Индија дека ја поддржува нивната борба за самоопределување.
Во изјавата за Денот на независноста на Пакистан тој ја осуди одлуката на Њу Делхи да ја укине автономијата за својот дел од Кашмир.
Кан го одбележува празникот во пакистанскиот дел од Кашмир за да изрази солидарност со луѓето од тој немирен регион на индиската страна.
Како што беше најавено, во говорот пред парламетот тој ќе го осуди кршењето на човековите права од другата страна на границата.
Индија се стекна со независност од Велика Британија во 1947 година, а под притисок од муслиманската лига беше решено да се создадат две држави: Индија и Пакистан.
Следната година се случи првата од двете војни меѓу двете држави за контрола на Кашмир.
Војната заврши со поделбата на тој регион, иако обете страни полагаат право на целата територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Чудо е што Трамп и Венс се воздржаа да не го удрат гадот Зеленски

Портпаролката на руското МНР Марија Захарова ја коментираше средбата меѓу Трамп и Зеленски, која ненадејно беше прекината по расправија.
Захарова рече дека е чудо што Трамп и потпретседателот Џеј Ди Венс успеале да се воздржат од удирање на Зеленски за време на дебатата.
Захарова оцени дека американскиот претседател и потпретседател покажале „воздржаност“ во лицето на „гадот“ Зеленски за време на нивната вербална пресметка во Белата куќа.
„Мислам дека најголемата лага на Зеленски, од сите негови лаги, е неговата изјава во Белата куќа дека во режимот во Киев бил сам во 2022 година, без поддршка. Начинот на кој Трамп и Венс се воздржале и не му удриле шамар н покажува неверојатна воздржаност“, напиша таа.
Свет
Пристигна првата реакција на Зеленски: Ти благодарам Америка, ти благодарам Трамп

Украинскиот претседател Володимир Зеленски се вклучи на мрежата Х откако неговата посета на американскиот претседател Доналд Трамп се претвори во фијаско.
„Ви благодариме Америка, ви благодарам за поддршката, ви благодарам за оваа посета. Му благодариме на претседателот на Соединетите држави, Конгресот и американскиот народ.
„На Украина и треба праведен и траен мир и ние работиме на тоа во моментов“, рече Зеленски.
Посетата на украинскиот претседател Володимир Зеленски на американскиот претседател Доналд Трамп во Белата куќа беше прекината.
Свет
Здравствената состојба на папата е влошена

Папата Франциско, кој повеќе од две недели е во болница на лекување од билатерална пневмонија, имаше „изолирана респираторна криза“ и доби „неинвазивна механичка вентилација“ за да му помогне да дише, соопшти Ватикан.
„Папата „попладнево“ доживеал „изолирана криза на бронхоспазам што доведе до повраќање и аспирација со нагло влошување на неговата респираторна состојба“, објави Франс прес.
Тој е се уште е „буден“ и свесен и продолжува со медицинските третмани.
Последната изјава беше објавена по три дена позитивни информации за подобрување на здравствената состојба на водачот на Католичката црква.
Официјален Ватикан, кој сакаше да остане анонимен, рече дека проблемот со дишењето на папата не трае долго.
Неговите лекари очекуваат дека ќе бидат потребни меѓу 24 и 48 часа за да проценат колку новите тешкотии ќе влијаат на неговата севкупна клиничка слика, рече официјалниот претставник.
Осумдесет и осумгодишниот Френсис ги помина последните две недели во римската болница Гемели, каде што беше примен на 14 февруари со сериозна респираторна инфекција која предизвика дополнителни компликации.
Ватикан претходно пред последното влошување, објави дека здравствената состојба на папата покажува знаци на подобрување, но дека тој нема да ја предводи мисата во среда на 5 март.