Палестинската самоуправа изрази задоволство од заклучоците донесени на неделната блискоисточна мировна конференција во Париз, кои изразуваат поддршка за решението со две држави, додека Израел повторно жестоко критикуваше.

Блискоисточната мировна конференција во француската престолнина се одржа во неделата без присуство на Палестинците и на Израелците, а присуствуваа претставници на 70 земји и организации. Во завршната изјава учесниците на конференцијата во Париз бараат од Израелците и од Палестинците да ги докажат своите заложби за решението со две држави, да се воздржат од еднострани акции кои би го загрозиле резултатот од преговорите, особено за границите, за судбината на Ерусалим и за бегалците.

Вториот човек на Палестинската ослободителна организација (PLО) којашто владее во палестинската енклава Западен брег (на реката Јордан), Саеб Ерекат, изјави дека конференцијата создала елан за отфрлање на израелската окупација и населувањето на териториите кои меѓународната заедница ги смета за окупирани палестинска од Израел во војната од 1967 година.

„Тоа е порака за Израел да ги прифати меѓународните закони и да ја прекине воената окупација на Палестина, за да се отвори пат за мир и стабилност во регионот… Време е да се престане да се постапува со Израел како со земја којашто е над законите и дека се прогласи за одговорна за системското кршење на меѓународните конвенции и правата на нашиот народ, истана Ерекат.

Палестинската ослободителна организација (PLО), инаку, е меѓународно признаена како единствен претставник на Палестинците.

Ерекат, исто така, ја повика Франција веднаш да ја признае Палестина во границите од 1967 година со источен Ерусалим како главен град и бара од другите учесници на конференцијата да ја признаат Палестина, како што го признале Израел.

Израел остро се спротиставува на секој мултилатерален пристап на ова прашање и израелскиот премиер Бенјамин Нетанјаху остро го критикуваше и пред конференцијата и оцени дека станува збор за палестинска измама под покровителство на Франција, за дополнително да бидат заземени антиизраелски ставови.

Израел тврди дека споменатата меѓународна конференција и неодамнешната резолуција на Советот за безбедност на ОН, за што ја обвини администрацијата на американскиот претседател на заминување Барак Обама, „за оддалечување од мирот, бидејќи ги поттикнуваат Палестинците на одбивање на директни преговори со Израел“, соопшти министерството за надворешни работи во Ерусалим.

Се додава дека доколку земјите кои беа застапени во Париз навистина сакаат напредување на мировниот процес, би требало да извршат врз палестинскиот челник Махмуд Абас да ги прифати повикот на премиерот Бенјамин Нетанјаху на директни преговори.

„Конференцијата во Париз беше вештачки обид на лица надвор од Блискиот исток да им диктираат решенија на луѓето на Блискиот исток кои мора да живеат со нивните последици“, се заклучува во изјавата на израелското министерство за надворешни работи./крај/мф/сн