Свет
Палестинците треба да кажат каде сакаат да исцртаaт линија, но израелските населби ќе останат
Вишиот советник на американскиот претседател Доналд Трамп, Џеред Кушнер, изјави дека Палестинците се добредојдени да предложат измени во границите во предложениот мировен план. Сепак, постојните израелски населби не одат никаде, додаде тој, пренесува РТ.
„Палестинското раководство треба да се вклучи во мировниот план на Трамп. Ако има работи што сакаат да ги променат, ако не им се допаѓа каде ги исцртавме линиите, треба да дојдат и да ни кажат каде сакаат да ги повлечат линиите“, рече Кушнер.
Тој истакна дека Палестинците треба да го прифатат предложениот план како основа за понатамошни разговори ако сакаат да бидат реални.
Во исто време Кушнер – еден од главните архитекти на мировниот план на Трамп и зет на претседателот – повтори дека израелските населби во окупираниот Западен Брег, кои се нелегални според меѓународното право и кои беа наречени од Советот за безбедност на ОН голема пречка за траен мир, ќе останат каде што се. Една од целите на планот е да му се даде на Израел земјата што тој секако никогаш нема да ја напушти, рече Кушнер.
Планот повикува на создавање независна палестинска држава со главен град во предградието на источен Ерусалим, кој сега е под контрола на Израел. Сепак, тој нуди само четиригодишно замрзнување на новите израелски населби на Западниот Брег, а постојните остануваат непроменети. Планот исто така ја исклучува можноста за враќање на сите палестински бегалци, што е едно од клучните барања на палестинските власти.
Планот очекувано беше одобрен од Израел, а беше отфрлен од Палестинската самоуправа (ПА), како и од Арапската лига, чии земји членки сметаат дека планот е во корист на Тел Авив. Непосредно по изложувањето на планот, израелскиот премиер Бенјамин Нетанјаху изјави дека Израел ќе ја анектира Јорданската Долина заедно со населбите во Западниот Брег. ПА, пак, официјално ги прекина сите врски со Израел и со САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Рама: Планирам да се кандидирам за четврти мандат, има уште работа
Албанскиот премиер Еди Рама изјави дека планира да се кандидира за четврти мандат, бидејќи, како што рече, „има уште работа“, пренесува А2.
„Планот е да се кандидирам за функцијата. Но, дотогаш има уште време. Верувам дека морам да се кандидирам, бидејќи има уште работа“, рече Рама и додаде дека во текот на неговите три мандати како шеф на албанската влада се направени големи работи, пренесува „Косово онлајн“.
Според него, Албанија не била ниту на картата, а земјата се спомнувала во лош контекст.
„Ја надминавме бројката од 10 милиони туристи во земја во која туризмот беше идеја и сон, но не и реалност. Има борба против корупцијата која мора да стане неповратна. А, со цел да се вее нашето знаме во Брисел во текот на оваа деценија, вреди да се кандидираме за уште еден мандат. Тогаш граѓаните ќе одлучат“, рече Рама.
Свет
Арагчи: Иран ги прекина индиректните преговори со САД поради растечките регионални тензии
Иранскиот министер за надворешни работи Абас Арагчи изјави дека индиректните разговори меѓу Иран и САД, со посредство на Оман, се прекинати поради ескалација на тензиите во регионот.
Говорејќи за време на посетата на главниот град на Оман, Мускат, Арагчи рече дека преговорите, познати како „Процесот Мускат“, биле прекинати „поради специфичните околности во регионот“.
„Оман секогаш играше значајна улога во решавањето на регионалните прашања и активно го олеснуваше дијалогот меѓу Иран и САД“, истакна Арагчи.
Сепак, тој нагласи дека сегашните регионални превирања засега ги оневозможуваат понатамошните разговори.
„Не гледаме никаква основа за овие разговори додека не ја надминеме сегашната криза“, рече тој, оставајќи ја вратата отворена за продолжување на процесот во подоцнежна фаза.
Запрашан дали била пренесена порака до САД за време на неговата посета, Арагчи рече: „Ниту една порака не беше испратена до други земји за време на ова патување“.
Арагчи рече дека американските и европските нации, како и регионалните актери, мора да ја препознаат позицијата на Иран за неодамнешните случувања.
„Нашиот став е кристално јасен“, рече Арагчи.
„Ние не бараме војна или конфликт, но сме целосно подготвени за тоа. Сметаме дека дипломатијата мора да се искористи за да се спречи ескалација“.
Прекинот на разговорите дојде во време на зголемени тензии откако Иран лансираше низа проектили кон Израел на 1 октомври, како одмазда за убиството на водачот на Хезболах, Хасан Насрала и командантот на иранскиот корпус на гардата на исламската револуција во Бејрут, анализираат медиумите. Израел го нападна лидерот на Хамас Исмаил Ханије во нападот врз Техеран два месеци претходно.
Додека Израел ветува дека ќе одговори, загриженоста за поширок регионален конфликт се зголемува, заклучува Си-Ен-Ен.
Свет
Британец се качил на мост за да се слика, па трагично го загубил животот
26-годишен Британец загинал откако паднал додека се качувал на мостот Кастиља-Ла Манка во градот Талавера де ла Реина во централна Шпанија, јавува Sky News.
Макарена Муњоз, советник за безбедност во кабинетот на градоначалникот на Талавера де ла Реина, рече дека Британецот бил придружуван од 24-годишен маж, исто така од Велика Британија, и дека двајцата отпатувале во градот за да снимаат содржина за социјалните мрежи на мостот.
– Дознавме дека дошле во Талавера за да се искачат на мостот и да создадат содржина за социјалните мрежи, што доведе до овој несреќен и тажен исход – рече Муњоз.
Таа додаде дека искачувањето на мостот не е дозволено, а тоа градските власти го споменале неколку пати.
Мостот Кастилја-Ла Манка се наоѓа на реката Тагус и е отворен во 2011 година. Висок е 192 метри и содржи 152 јажиња.