Свет
Паника во Киев, огромен метеж на бензински пумпи и банкоматите: Луѓето го напуштаат градот
Потресни сцени пристигнуваат од Киев, каде по првите детонации забележани се колони возила на бензинските пумпи и на улиците. Исплашените луѓе бегаат во засолништа.
Автомобилите одат на запад во Киев, далеку од експлозиите на исток.
Се гледа и дека на бензинските пумпи има големи редици, а хаос и на банкоматите.
Би-би-си јавува дека многу граѓани на Киев нашле засолниште во метростаниците, додека други побрзале да се качат во автобуси за да го напуштат градот.
Руската армија започна напад врз Украина, по ненадејната најава на Владимир Путин, кој во директен ТВ-пренос објави дека Русија тргнува во воена операција.
Претседателот на Русија најави почеток на воени операции за време на седницата на Советот за безбедност на ОН.
Светските медиуми јавуваат дека експлозии се слушаат низ цела Украина, дури и во Киев и Харков, најголемите градови во земјата.
Украина веднаш го затвори воздушниот простор на земјата за цивилни летови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.