Европа
Папата лично им се извини на жртвите кои биле сексуално злоупотребени од чилеански свештеник
Мажи кои биле сексуално злоупотребени од свештеник во Чиле одржаа состанок со поглаварот на Римокатоличката црква, папата Франциско. Папата мажите ги прими во Ватикан за лично да им се извини за претрпените трауми.
Еден од тројцата мажи, кои папата ги пречека во ватиканскиот хотел во кој живее, на Твитер објавил дека разговорот со папата Франциско бил исклучително конструктивен.
Жозе Андрес Муриљо на Твитер објавил дека за време на разговорите со папата, фокусот бил ставен на важноста на разбирање на сексуалната злоупотреба како злоупотреба на моќта.
Папата денеска треба да се сретне и со Чилеанецот Хуан Карлос Круз, кој бил сулуван од најпознатиот чилеански свештеник-предатор, Фернандо Карадима. Круз неодамна изјави дека на папата ќе му раскаже за хоророт на сексуална злоупотреба и прикривање, кои црковните лица го спроведуваат со децении, како и клеветите што ги трпат жртвите кои јавно ќе проговорат за тоа.
Тројцата мажи се меѓу најзаслужните за откривање на скандалот поврзан со сексуална злоупотреба во чилеанската црква. Меѓутоа, кога го посети Чиле во јануари, папата ги отфрли нивните тврдења дека епископот Хуан Барос ги прикривал случаите на злоупотреба. Подоцна, папата призна дека направил грешка и ги повика тројцата во Ватикан за да им се извини лично.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.