Свет
Папата: Морам да го најдам вистинскиот момент кога да ја посетам Украина
Папата Франциск денеска најави дека наскоро ќе се сретне со украинските претставници за да разговара за можноста за посета на Украина.
Својата намера Папата ја објави за време на сесијата за прашања и одговори со децата одржана во Ватикан.
Сахар, момче од Украина, го праша папата дали може да дојде во Украина „да ги спаси сите деца кои сега страдаат таму“, пишува „Ројтерс“.
Папата (85), кој користел инвалидска количка поради болки во коленото, одговорил дека често мисли на украинските деца и дека сака да ја посети нивната земја, но дека мора да го избере вистинското време.
„ Не е лесно да се донесе одлука која може да му нанесе повеќе штета отколку корист на остатокот од светот. Морам да го најдам вистинскиот момент да го направам тоа“, изјавил поглаварот на Римокатоличката црква.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција истражува криминална шема со учество на Бугарија за увоз на половни автомобили
Независната агенција за јавни приходи откри даночна измама поврзана со увоз на половни автомобили во Грција преку бугарска компанија. Грчките трговци увезувале преку бугарска фиктивна компанија со лажни документи и избегнале даноци наметнати при увоз меѓу земјите во Европската Унија.
Бугарската компанија ги купила автомобилите од Германија според вообичаениот даночен систем. Потоа ги препродала на грчки дилери со лажни фактури и ја прикрила шемата за оданочување на маржа во Европската Унија, пренесе бнр.бг
Врз основа на лажните бугарски документи, грчките трговци не го платиле увозниот данок на царина.
Според Независната агенција за јавни приходи, досега се откриени прекршоци кај 19 луксузни автомобили во вкупна вредност од 890 илјади евра. Избегнати се даноци во вредност од 212 илјади евра.
Истрагата за активностите на автомобилите увезени од Бугарија продолжува веќе неколку години. Се користи дигитално следење и вкрстена проверка, известуваат царинските службеници. Увозниците на автомобили кои го прекршиле законот ќе бидат гонети и ќе ги платат износите во буџетот, известуваат инспекциските тимови.
Свет
Изненадувачка порака од Русија: Подготвени сме за разговори со Украина
Русија е подготвена да ги продолжи мировните преговори со Украина во Истанбул, објави руската новинска агенција ТАСС, повикувајќи се на функционер на Министерството за надворешни работи.
Немало никакви средби лице в лице меѓу двете земји од состанокот во најголемиот град во Турција на 23 јули.
ТАСС објави дека функционерот на министерството Алексеј Полшчук изјавил дека турската страна ги повторува повиците за продолжување на мировните преговори.
„Рускиот тим е подготвен за тоа. Топката е во дворот на Украина“, рече тој.
Украина, сепак, ги отфрла обвинувањата на Кремљ дека е виновна за застојот во мировниот процес.
На состанокот кон крајот на јули, кој траеше само 40 минути, украинската страна предложи состанок во август меѓу нејзиниот претседател Володимир Зеленски и рускиот претседател Владимир Путин.
Кремљ потоа објави дека Путин е подготвен за таков состанок, но само ако тој се одржи во Москва, што Киев го отфрли.
Свет
Анкара потврди: 20 турски војници загинаа во падoт на авионот, објавени имињата и фотографиите на жртвите, причините сè уште непознати
Анкара денес ја потврди смртта на 20 турски војници во воен товарен авион што се урна вчера во источна Грузија.
Турското Министерство за одбрана ги објави имињата и фотографиите на жртвите, но сè уште не ги објави можните причини за падот на авионот Ц-130.
„Нашите херојски соборци станаа маченици на 11 ноември 2025 година“, се вели во соопштението издадено во име на министерот за национална одбрана Јашар Ѓулер, кое го емитуваше државната телевизија ТРТ.
Türkiyəyə məxsus təyyarənin Gürcüstan-Azərbaycan sərhəddində qəzaya uğradığı bildirilir #Uçak #Türkiye #sondakika #Turkey #Georgia #Gürcistan pic.twitter.com/qOjyfZx6C8
— Ismayil Jabiyev (@ismayiljabiyev) November 11, 2025
Турските власти, исто така, објавија дека турскиот тим започнал истрага за остатоците од воениот авион во 6:30 часот наутро по локално време, во координација со грузиските власти.
Сите 20 членови на екипажот на турскиот воен транспортен авион Ц-130 загинале кога авионот се урна на границата меѓу Грузија и Азербејџан.
Авионот Ц-130 полетал од Азербејџан и се враќал во Турција кога се урна, соопшти претходно турското Министерство за одбрана.
Турскиот претседател Реџеп Таип Ердоган изрази длабока тага и сочувство до семејствата на жртвите. Азербејџанскиот претседател Илхам Алиев, исто така, му упати сочувство на Ердоган, нарекувајќи ја несреќата трагична загуба и изразувајќи солидарност во овој момент на болка.
Грузиското Министерство за внатрешни работи објави дека авионот се урнал во општината Сигнаги, во близина на границата со Азербејџан, и дека е започната истрага.
Покрената е операција за пребарување и спасување во координација со азербејџанските и грузиските власти.
C-130 Херкулес, произведен од американската компанија „Локид Мартин“, има четири мотори и е наменет за воени транспортни задачи.
Авионот е дизајниран за слетување и полетување од неподготвени или полуподготвени писти, а се користи за транспорт на воен товар, војници и евакуација.

