Свет
Папата Франциско повика на почитување на режимот на ограничено движење
Папата Франциско денеска повика на послушност кон мерките за ограничено движење само 36 часа откако италијанските епископи ја укорија владата поради одбивањето да дозволи црковни миси со верници, пренесува „Брејтбарт“.
„Во ова време кога се појавуваат индикации за излез од карантинот, се молиме Господ да ни ја даде благодатта на внимателност и послушност кон овие индикации за да не се врати пандемијата“, рече понтифот во дневниот твит.
Доцна во неделата Конференцијата на италијанските бискупи му упати строг прекор на премиерот Џузепе Конте за произволната одлука да се исклучи одењето во црква од активностите дозволени според новите правила за ограничено движење поради Ковид-19.
На прес-конференцијата во неделата Конте рече дека според неговите нови правила, кои ќе стапат во сила на 4 мај, дозволени се само погреби со малку присутни, но не и црковни миси со верници или други литургиски служби.
Во своето коминике епископите употребија невообичаено остра реторика тврдејќи дека указот на премиерот произволно ја исклучува можноста за држење миса со верници, истовремено изјавувајќи дека Црквата бара да може да продолжи со својата пастирска работа.
Епископите навидум дури и се заканија со непослушност кон правилата на владата, кои ја газат верската слобода, и ја потсетија владата на својата должност да прави разлика помеѓу нејзината надлежност и онаа на Црквата истакнувајќи дека Црквата го организира животот на христијанската заедница во целост во рамките на сопствената автономија.
Епископите тврдат дека не може да прифатат нарушување на слободата на верско обожавање додавајќи дека верниците мора да добијат можност да се негуваат духовно, особено преку Црквата.
Одговорот на бискупите беше прифатен од многу католици, кои беа иритирани поради инертноста на своите пастори за време на мерките за ограничено движење. Кога италијанската влада минатиот месец донесе одлука дека светите тајни на причестувањето и исповедта ќе бидат третирани како несуштински, епископите останаа без коментар, што доведе до критики од католиците и петиција за враќање на мисата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Северна Кореја и испрати балони полни со измет на Јужна Кореја, стаса и предупредување: „Останете во затворено“
Северна Кореја испрати балони полни со ѓубре и измет во Јужна Кореја, јавуваат светските медиуми.
Северна Кореја пуштила 90 балони со пропагандни летоци и ѓубре над две гранични провинции на југ, што ги навело властите да ги предупредат жителите да останат во затворено и да не ги допираат балоните и пластичните кеси затоа што содржат „валкан отпад и ѓубре“ , пишува на Би-Би-Си.
Северна и Јужна Кореја користеле балони во нивните пропагандни кампањи од Корејската војна од 1950 -тите. Неодамнешниот инцидент се случи неколку дена откако Северна Кореја рече дека ќе се возврати на „честото ширење на летоци и ѓубре“ во граничните области од активисти на Југот.
„Еден куп стара хартија и нечистотија наскоро ќе бидат расфрлани низ граничните области и внатре во Јужна Кореја“, рече заменик министерот за одбрана на Северна Кореја, Ким Канг Ил во изјава за државните медиуми.
Јужнокорејската новинска агенција објави дека „се чинеше дека некои од паднатите балони носат измет, судејќи според темната боја и мирисот“ “
Јужнокорејската армија го осуди делото како „очигледно кршење на меѓународното право“.
„Ова сериозно ја загрозува безбедноста на нашиот народ. Северна Кореја е целосно одговорна за она што се случува заради балоните и силно ја предупредуваме Северна Кореја веднаш да ја прекине оваа нехумана и груба акција“, рече армијата.
Свет
Стејт департментот: САД жалат за трагичната загуба во Рафа, но Израел има право да го нападне Хамас
Администрацијата на претседателот на Соединетите Американски Држави „длабоко жали за трагичната загуба”, што е резултат на израелскиот напад врз кампот Опегро во градот Рафа во јужна Газа, во која загинаа најмалку 45 луѓе, изјави Метју Милер, но додаде дека „Израел има право да тргне по терористите на Хамас одговорни за ладнокрвното убиство на цивили“.
„Како што рековме порано, Израел има право да тргне по терористите на Хамас одговорни за студеното убиство на цивили, а Хамас треба да престане да се крие зад цивилите во Газа. Но, Израел, исто така, има обврска да стори сé што е можно за да се минимизира штетата на цивилите додека ги извршува своите операции “, заклучи Милер.
Истакна дека сега се во контакт со израелските власти од нападите во неделата, додавајќи дека Вашингтон нема да ја прави понатамошна проценка по ова прашањње сè додека израелската армија не ја заврши истрагата, стои во извештаите на „Тајмс оф Израел“.
Тој истакна дека израелските операции во Рафа сè уште не преминале „во она што сега го дефинираат како голема офанзива“.
„Ние продолжуваме да ги поддржуваме нивните сили додека го прогонуваме легитимниот терорист Хамас, и секако ова вклучува употреба на оружје обезбедено од Америка, но очекуваме тие да го сторат на начин што ја минимизира штетата на цивилите“, заклучи Милер.
„Спротивно на настапите од последните неколку часа, ИДФ не погоди хуманитарна зона“, изјави израелската армија.
Свет
Макрон: Франција е подготвена да ја признае Палестина во корисен момент
Францускиот претседател Емануел Макрон изјави за време на посетата на Германија дека признанието на палестинската држава не е „табу тема“, туку дека тоа мора да дојде во корисен момент, не под влијание на емоциите.
„Нема табуа за Франција и јас сум целосно подготвен да ја признаам палестинската држава, но мислам дека ова признание мора да дојде во корисно време. Јас нема да направам признание под емоции “, рече тој на заедничката прес -конференција со германскиот канцелар Олаф Солц, објави „Фигаро“.
Државата Палестина досега е признаена од 145 од 193 -те земји -членки на ООН, според палестинските власти, но ниту една земја на Г7 не спречила таков чекор.
Претходно, Ирска, Шпанија и Норвешка, соопштија дека официјално ја признаваат независната Палестина, пренесува Танјуг.