Свет
Патник на лет од Токио до Хјустон се обидел да ја отвори вратата од авионот

Авион на „Ол Нипон Ервејс“ од Токио до Хјустон бил пренасочен кон Сиетл во саботата откако еден патник се обидел да отвори две излезни врати за време на летот, потврдија ФБИ. Патникот бил совладан од членовите на екипажот и другите патници, а по слетувањето бил префрлен во болница на медицински преглед, соопшти ФБИ.
Летот АНА 114 полета од аеродромот Ханеда во Јапонија кон меѓународниот аеродром „Џорџ Буш“ во Хјустон, но беше пренасочен поради – според авиокомпанијата – „непослушен патник“.
Боингот 787-9 Дримлајнер бил во воздух приближно десет часа кога слетал на аеродромот Сиетл-Такома околу 4 часот наутро по локално време.
„Полицијата на аеродромот во Сиетл беше повикана поради пријава дека еден патник се обидувал да отвори излезна врата за време на летот“, изјави портпаролот Крис Гизло за Си-ен-ен.
Никој од другите патници и членови на екипажот не е повреден, додаде Гуизло. „Извештајот покажува дека пренасочувањето се случило поради инцидент со патник“, изјави портпарол на Федералната администрација за воздухопловство за Си-ен-ен.
По слетувањето во Сиетл, друг патник почнал да се однесува несоодветно, објави компанијата АНА. Според ФБИ, тој бил фрустриран поради пренасочувањето на летот и ја треснал вратата од тоалетот. „Лицето беше отстрането од авионот поради неприфатливо однесување пред летот да продолжи кон Хјустон“, рече Гизло. „Инцидентот не беше поврзан со претходниот, а патникот го напушти авионот без никакви проблеми.“
ФБИ додаде дека досега не се поднесени обвиненија во врска со инцидентот. Летот потоа продолжил кон Хјустон без никакви проблеми и слетал кратко пред 13:00 часот по локално време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Снимен моментот на нападот на Израел врз Катар, Макрон го нарече неприфатлив

Францускиот претседател Емануел Макрон го критикуваше израелскиот напад врз Катар и го нарече неприфатлив, „без оглед на причината зад него“.
„Под никакви околности војната не треба да се прошири на целиот регион“, рече Макрон.
Претходно, израелскиот претседател Исак Херцог зборуваше за нападот врз Катар.
„Одлуката на премиерот и министерот за одбрана, заедно со врвот на ИДФ и Шин Бет, да удрат врз врвот на Хамас е важна и правилна. Да не заборавиме – Халил ал-Хаја е крволочен терорист со крвта на илјадници луѓе на рацете, еден од архитектите на масакрот на 7 октомври, како и многу негови колеги“, напиша Херцог.
CCTV footage captured the moment of the Israeli airstrikes earlier against the Qatari capital of Doha. pic.twitter.com/iG7khL3ETs
— OSINTdefender (@sentdefender) September 9, 2025
Во заедничката изјава на премиерот Бенјамин Нетанјаху и министерот за одбрана Израел Кац, се наведува дека, по нападите во Ерусалим и Газа, премиерот им наредил на безбедносните служби да подготват операција насочена кон раководството на Хамас.
Се додава дека попладнево се појавила оперативна можност и дека, со целосна поддршка од израелските воени лидери, Нетанјаху и Кац заедно одлучиле да го одобрат нападот. Израелската армија (ИДФ) и Шин Бет биле информирани за плановите синоќа.
Footage from Doha at the scene of the attack targeting senior Hamas leadership pic.twitter.com/hwnx7FanLw
— Emily Schrader – אמילי שריידר امیلی شریدر (@emilykschrader) September 9, 2025
Во соопштението за медиумите се истакнува дека двајцата претставници го сметаат нападот за оправдан бидејќи раководството на Хамас е одговорно за нападот на 7 октомври 2023 година и за вчерашното пукање во Ерусалим.
Порано денес, Хамас ја презеде одговорноста за пукањето во кое загинаа шест Израелци, а неколку други беа ранети.
Свет
Стотици избегаа од непалските затвори, демонстрантите повикани на дијалог откако упаднаа и во парламентот

Во ден обележан со насилни протести, вклучувајќи палење и вандализирање на владини канцеларии, официјалните лица потврдија две бегства од затвори во западен Непал.
Полицијата во округот Каски објави дека 773 затвореници избегале попладнево откако демонстранти влегле во затворските простории.
Одделно, полицијата во градот Тулсипур во непалската покраина Данг објави дека 127 затвореници избегале од тамошниот затвор.
Локалните медиуми известуваат и за други случаи на бегство, но тие сè уште не се потврдени.
Началникот на Генералштабот на Непал ги повика демонстрантите да се вклучат во дијалог со цел да се најде решение за моменталната политичка криза во земјата.
Во видео објавено на социјалните медиуми, генералот Ашок Раџ Сигдел рече дека армијата е посветена на зачувување на националното единство и територијалниот интегритет.
Тој рече дека протестите досега предизвикале голема штета и загуба на човечки животи и ги повика демонстрантите да покажат воздржаност.
„Наша заедничка одговорност е да го одржуваме законот и редот, да обезбедиме национално единство и да спречиме понатамошни загуби на животи и имот“, рече Сигдел.
Тој ја опиша моменталната ситуација во Непал како „непријатна“ и повика на смирување на тензиите.
Тој, исто така, изрази сочувство до семејствата на загинатите за време на протестот.
Протестите започнаа откако владата минатата недела забрани 26 социјални мрежи, вклучувајќи ги „Ватс ап“, „Инстаграм“ и „Фејсбук“, поради тоа што не се регистрирале до крајниот рок.
Критичарите ја обвинија владата дека се обидува да ја задуши кампањата против корупцијата со забраната. Забраната беше укината во понеделникот вечерта, но демонстрантите продолжија да го изразуваат своето длабоко незадоволство од властите.
Ова се протести што никогаш не се видени во Непал. Движењето е предводено од Генерацијата „З“, а терминот стана симбол на собирање.
Студентите на колеџи и универзитети од најголемите градови во Непал – Катманду, Похара и Итахари – се поканети да се приклучат.
Постојат две клучни барања: укинување на забраната за социјалните мрежи, што веќе се случи, и крај на она што демонстрантите го нарекуваат „коруптивни практики“ од страна на владата.
Протестите против корупцијата станаа насилни во Катманду и други градови. Полицијата во главниот град употреби сила, додека демонстрантите ја нападнаа зградата на парламентот и домовите на неколку високи политичари. Според извештаите, најмалку три лица беа убиени само денес, со што бројот на жртви се искачи на 22 од почетокот на немирите.
Свет
(Видео) Демонстранти упаднаа во парламентот во Непал, премиерот поднесе оставка, расте бројот на жртви

Стотици демонстранти упаднаа во зградата на непалскиот парламент во Катманду, а чад сè издигна од едното крило на зградата.
Мотоцикли кружеа попладнево околу парламентарниот комплекс, а некои од нив носеа искорнати растенија од градината/
Демонстрантите танцуваа и скандираа слогани околу огнот на влезот во зградата, многумина од нив држејќи непалски знамиња.
Nepal’s burning parliament is a lesson for all rulers: when people hold their oppressors accountable, even the grandest palaces are reduced to ruins. There is still time—give Punjab its rightful due#Nepal pic.twitter.com/srfQkONOwF
— Pallvai sinha (@SPullvi) September 9, 2025
Дел од демонстрантите влегоа во самата зграда, каде што сите прозорци беа скршени. На надворешните ѕидови покриени со графити беа напишани антивладини пораки.
Една од пораките гласи: „Влеговте во погрешна борба“, објавува Би-Би-Си.
Кризата кулминираше со оставката на непалскиот премиер Шарма Оли, кој поднесе оставка како одговор на протестите што се проширија низ целата земја.
Во своето обраќање, тој изјави дека го сторил ова за да „го отвори патот за уставно решение на кризата“. Во бранот насилство, беа нападнати и вандализирани резиденциите на неколку истакнати политичари, вклучувајќи ја и онаа на самиот Оли и поранешниот премиер Шер Бахадур Деуба, а цел беа и седиштата на политичките партии.
За време на денешните протести во Непал, беше убиено уште едно лице, со што вкупниот број на жртви се искачи на 22. Меѓу нив, 19 лица беа убиени синоќа.
Директорот на Државната болница изјави за Би-Би-Си дека 209 лица биле примени. Раководителот на Националниот центар за траума, д-р Бадри Риџал, рече дека речиси 40 повредени лица биле донесени во таа болница.