Свет
Пензионер oд Италија избегнал плаќање патарина од 4.000 евра, полицијата ја откри измамата
Италијански државјанин (80) кој живее во дом за стари лица, ризикува да оди на суд, бидејќи вешто избегнал да плати патарина вредна 4.000 евра, користејќи специјална техника која, според локалните медиуми, почесто е резервирана за превоз во метро.
Марио, две години патувал со својот автомобил „фиат пунто“ по италијанските автопати, а не платил ниту евро, тврдејќи дека трошоците за патарините се прескапи и не вредат да се платат, бидејќи услугите се лоши.
Марио успеал да избегне да ја плати патарината возејќи блиску до возилото пред него. Тој буквално се „лепел“ до возилото кое стоело на наплатната рампа и на тој начин ќе поминел истовремено со него, пред таа да се спушти.
По извесно време работниците на автопатот во Италија ги зеле снимките од сите надзорни камери на патарините каде што поминувал мажот и на овој начин успеале да му влезат во трага и да го идентификуваат.
Компанијата откри дека Марио бил на места како Рим и Неапол за време на неговите патувања и сега се соочува со судење за обвинение за измама, освен ако не ги плати 4.000 евра што и ги должи. Сепак, тој одбива да го стори тоа.
Откако италијанскиот пензионер бил фатен и се соочил со сумата што ја должи, наводно на својот адвокат му рекол дека не сака да го плати долгот.
„Не плаќам! Автопатот е јавна услуга, не можат да наплатат патарина, а да не зборуваме дека цените се превисоки за услугата што се нуди“, наводно му рекол Марио на својот адвокат.
Според италијанските медиуми, Марио на својот адвокат му рекол дека вози ноќе поради досада во старечкиот дом каде што престојува.
„Другите жители легнуваат во одредено време, а потоа што да правам? Не можев да седам цел ден во таа соба“ му објаснил Марио на својот адвокат и додал:
„Патувањето отсекогаш било моја страст, ми го отвора срцето, сакам да одам на нови места, и ќе одам додека можам!“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.