Свет
Пентагон нема да може да ги одбрани Полска и Балтикот ако Русија ги нападне
Американската армија не може да ја спречи Русија, во случај на војна, да ги заземе балтичките земји и Полска, тврди американски Пентагон. Станува збор за заклучок донесен по завршувањето на симулацијата на воен судир на земјите на Западна Европа и Русија, а „Вашингтон Пост“ објаснува дека САД спровеле барем една таква воена вежба досега.
Споменатиот медиум тврди дека Русите успеале да ги заземат балтичките земји уште додека штабот на американската војска ги пополнувал 17-те формулари потребни за префрлање на претходницата на НАТО од територијата на Германија во Полска.
Уште еден проблем за американската армија претставуваат тесните патишта и слабата транспортна инфраструктура. Најголем проблем биле премногу слабите мостови кои што не можат да ја издржат тежината на американските тенкови.
Голем проблем за американските војници може да претставува и европската бирократија. Проаѓањето на војската би можело да биде забавено и од страна на „досадните пасошки контролори и тврдоглавите железнички компании“, пишува„Вашингтон Пост“.
Проценето било дека силите на САД се соочувале со слични проблеми и во текот на симулацијата во текот на минатата година.
Американската команда во изминатите четири месеци се обидувала во постојаната воена база во Германија да ги врати оклопните транспортери кои што биле користени за време на воените вежби во Грузија. Симулациите и активноста на НАТО силите во своите земји членки од источниот блок се интензивираа во последните неколку години по барање на властите на Летонија, Естонија и Литванија, кои што стравуваат од руска агресија, откако се случи агресијата на Москва врз Украина и Грузија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.