Свет
Песков: Дронот над Црното Море ја докажува вмешаноста на САД во конфликтот против Русија
Американските беспилотни летала над Црното Море не беа ангажирани за обезбедување на бродови, но ја докажуваат вмешаноста на Вашингтон во конфликтот против Москва, изјави портпаролот на Кремљ, Дмитриј Песков.
– Сосема е очигледно што прават овие дронови. Нивната мисија воопшто не е мирна, да обезбедат пловидба во меѓународни води. Добро ни е познато тоа. А, всушност, зборуваме за директно вклучување на тој што ги контролира овие беспилотни летала во конфликтот против нас“, рече Песков, пренесува ТАСС.
Дрон на американските воздухопловни сили се урна на 14 март во меѓународните води на Црното Море.
САД и Русија издадоа различни изјави за тоа што се случи на небото над Црното Море.
Американската војска тврди дека рускиот авион при пресретнувањето го погодил пропелерот на дронот, по што дронот се урнал.
Руското Министерство за одбрана соопшти дека дронот летал во правец на руската граница со исклучени транспондери и влегол во зоната за забранети летови што Москва ја воспоставила во областа во близина на Крим за време на борбите во Украина.
Министерството за одбрана на Русија тврди дека рускиот авион немал контакт со дронот, дека не користел оружје и дека дронот се урнал поради „острото маневрирање“ на американскиот оператор кој управувал со него,пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ препорачува авиокомпаниите да го избегнуваат либанскиот и израелскиот воздушен простор во наредниот месец
Авиокомпаниите да го избегнуваат либанскиот и израелскиот воздушен простор во наредниот месец, препорача Европската Унија, во услови на ескалација на воздушните напади и ракетните напади меѓу Израел и Хезболах.
Европската комисија и Агенцијата за воздухопловна безбедност на Европската унија (ЕАСА) во соопштението предупредија на „севкупно интензивирање на воздушните напади и деградација на безбедносната ситуација“.
Тие издадоа официјална препорака „да не се оперира во воздушните простори на Либан и Израел на сите нивоа на летови“.
Оваа препорака привремено трае до 31 октомври.
„Може да се прегледа порано и да се адаптира или повлече“, се додава во соопштението.
„ЕАСА ќе продолжи внимателно да ја следи ситуацијата, со цел да процени дали има зголемување или намалување на ризиците за операторите на авиони на ЕУ како резултат на еволуцијата на заканата“, е наведено во билтенот за информации за конфликтната зона (CZIB).
Свет
(Видео) Пожар избувна во индиската фабрика за производство на Ајфони
Пожар избувна во фабриката за производство на Тата Електроникс, каде што се произведуваат iPhone, во градот Кришнагири, во индиската држава Тамил Наду. Пожарот започнал во одделот за бојадисување на додатоци за мобилни телефони околу 5:30 часот по локално време, принудувајќи ги вработените веднаш да ја напуштат областа.
На местото на настанот пристигнале седум противпожарни возила за да го изгаснат пожарот и да ги евакуираат сите вработени од објектот. Агенцијата IANS извести за значителна материјална штета, а противпожарните единици се уште работат на гаснење на пожарот. Локалните медиуми јавуваат дека се верува дека пожарот избувнал во одделот за бојадисување додатоци за мобилни телефони.
Густ чад брзо го покри областа, предизвикувајќи паника меѓу работниците и локалните жители. Според локалните медиуми, засега нема информации за повредени. Tata Electronics е еден од главните производители на iPhone во Индија, заедно со Foxconn. Компанијата соопшти дека ја истражува причината за пожарот и дека ќе ги преземе неопходните чекори за да ги заштити вработените и другите засегнати страни.
„Се случи несреќен инцидент“, рече портпаролот на Тата Електроникс во соопштението. „Нашите протоколи за итни случаи во фабриката гарантираа дека сите вработени се безбедни“, додаде тој.
Fire breaks out at Tata Electronics manufacturing unit in Hosur, Tamil Nadu. It is learnt that around 1,500 workers were on duty. A company spokesperson said: “There has been an unfortunate incident of fire at our plant in Hosur, Tamil Nadu. Our emergency protocols at the plant… pic.twitter.com/099tak7AgP
— Sangeetha Kandavel (@sang1983) September 28, 2024
Свет
Сите „сили на отпорот“ во регионот стојат покрај Хезболах, вели иранскиот врховен лидер
Врховниот лидер на Иран, ајатолахот Али Хамнеи, ја даде првата изјава откако израелската армија соопшти дека го убила лидерот на Хезболах Хасан Насрала.
Во изјавата, тој ги повика муслиманите „да застанат покрај народот на Либан и гордиот Хезболах со какви било средства што ги имаат и да им помогнат во соочувањето со злобниот режим на Израел“.
„Судбината на овој регион ќе ја одредат силите на отпорот, со Хезболах во првите редови“, изјави Хамнеи, цитиран од државните медиуми.
Хамнеи во својата изјава воопшто не го спомна Насралах.
Тој го осуди убиството на „неодбранливите“ цивили во Либан, велејќи дека тоа ја покажува „краткогледноста и глупавата политика на водачите“ на Израел.
Израелските „криминалци мора да знаат дека се премногу мали за да предизвикаат значителна штета на упориштата на Хезболах во Либан“, рече тој и додаде: „Сите сили на отпорот во регионот го поддржуваат и стојат покрај Хезболах“.