Свет
Песков: ЕУ на секој начин ја покажува својата намера да го продолжи конфликтот во Украина

Европските земји ја покажуваат својата намера да ја поддржат Украина во нејзината желба да ја продолжат војната на секој начин, изјави денес прес-секретарот на рускиот претседател, Дмитриј Песков.
„И Европа на секој начин ги изјавува своите намери да продолжи да ги поддржува Украина и режимот во Киев во нивната желба да ја продолжат војната. Исто така, многу е важно да се биде свесен за ова во оваа ситуација“, изјави Песков за новинарите, пренесува „РИА новости“.
Тој посочи дека сè уште нема јасни контури за договор за решавање на конфликтот во Украина, но постои политичка волја да се движиме во таа насока.
„И уште еднаш повторувам, ние многу, многу позитивно ги оценуваме конструктивните и значајни контакти што се случија“, рече Песков.
Според него, Русија и Вашингтон работат напорно поради мирот, а Европа работи напорно поради војната.
„Исто така, мора јасно да разбереме дека во овој момент се одвива интензивна работа меѓу Москва и Вашингтон. Покрај тоа, таа се одвива во име на мирот. И во овој контекст европските земји продолжуваат да работат во име на војната“, рече Песков.
Како што изјави тој, Украина секојдневно напаѓа руски енергетски инфраструктурни објекти. „Украинските вооружени сили не го почитуваат привремениот мораториум. Секојдневно гледаме напади врз објектите на енергетската инфраструктура во Руската Федерација. Важно е сите да го знаат ова“, рече Песков, пренесува „Танјуг“.
Тој додаде дека Кремљ ќе го провери датумот на истекување на привремениот мораториум за напади врз енергетските објекти во Украина во Министерството за одбрана на Русија, но, како што истакна, сè зависи од наредбата на рускиот претседател Владимир Путин. Песков истакна дека економската соработка меѓу Русија и САД може да игра стабилизирачка улога за светот.
„Контактите се одржаа зад затворени врати и не би сакале да ги објавиме предвреме. Но, фактот дека постои огромен потенцијал за заемно корисна економска соработка меѓу Русија и Соединетите Американски Држави и дека оваа економска соработка може да игра сериозна стабилизирачка улога за целиот свет е несомнено“, одговори Песков.
Тој изјави дека во следните неколку дена не се планирани разговори меѓу Путин и американскиот претседател Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ирански генерал: Во текот на ноќта уништивме стратешки цели во Израел

Иран објави дека во текот на ноќта уништил стратешки цели во Израел со помош на беспилотни летала, пренесува агенцијата „Франс прес“.
„Разни видови деструктивни беспилотни летала, со можност за прецизно таргетирање, ги уништија стратешките позиции на ционистичкиот режим во Тел Авив и Хаифа“, изјави генерал Киумарс Хеидари, командант на иранските копнени сили.
Израелски воен претставник изјави дека 20-ина проектили биле лансирани во последниот бран ирански напади, од кои повеќето биле пресретнати. Сепак, како што изјави израелски воен претставник за Би-би-си, некои проектили поминале низ противвоздушната одбрана и погодиле отворени области.
Свет
Иран најави нов напад со дронови

Иран предупреди дека бран беспилотни летала ќе го погоди Израел во наредните часови.
Висок воен командант најави дека нападите ќе се интензивираат.
Иран и синоќа изврши напад, кој траеше четири часа. Овој напад беше комбиниран, со беспилотни летала и проектили на многубројни цели во Израел, со што почна деветтиот бран ирански напади.
Свет
Русите тврдат дека синоќа уништиле 51 украински дрон

Руските единици за воздушна одбрана уништија 51 украинско беспилотно летало над регионот Белгород, соопшти вчера вечерта руското Министерство за одбрана.
Во последните недели и Русија и Украина користат напади со беспилотни летала на голем број прекугранични цели, па руските сили вчера вечерта извршија таков напад врз Киев и неговата поширока област. Лидерите на Киев досега објавија дека при нападот се повредени најмалку 11 лица, како и дека е уништена инфраструктурата.
Руското Министерство за одбрана соопшти дека споменатото уништување на украински беспилотни летала се случило вчера, меѓу 20 и 23 часот.
Американскиот претседател Доналд Трамп уште еднаш се осврна на конфликтот меѓу Русија и Украина.
„Убеден сум дека може да се постигне договор со Москва во врска со крајот на конфликтот во Украина. Сè уште чекам да видам дали договорот ќе биде потпишан или не“, изјави американскиот претседател за новинарите.
Фото: илустрација