Свет
Песков: Русија ќе одговори со принципот на реципроцитет
Русија нема да дозволи непријателските акции на другите земји да останат без одговор, изјави денеска портпаролот на Кремљ, Дмитриј Песков.
„Русија ќе одговори во согласност со принципот на реципроцитет“, нагласи Песков.
Зборувајќи за ограничувањата за користење на банкарските сметки на финската амбасада и генералниот конзулат во Русија, Песков на новинарите им рече дека тоа не е иницијатива на руската страна.
„Ние само одговараме на ситуацијата што ја создадоа властите на голем број западни земји, вклучително, на наше жалење, и Финска“, рече Песков.
Портпаролката на руското Министерство за надворешни работи, Марија Захарова, вчера изјави дека се воведени ограничувања за користење на банкарските сметки на финската амбасада и генералниот конзулат во Русија.
Захарова истакна дека овие акции се одговор на слични ограничувања наметнати на руската дипломатска мисија во Финска, која е ограничена само на користење сметка во финска банка. Таа истакна дека Русија постојано го иницирала прашањето за укинување на ограничувањата за руските дипломатски претставништва пред финската страна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.