Свет
Песков: Секој што вооружен ќе нападне наш војник станува мета
Украинскиот претседател Володимир Зеленски потпиша закон со кој им се дозволува на сите граѓани на Украина да користат оружје за време на војната, а од Москва стигна предупредување дека секој што ќе ги нападне нивните војници ќе стане мета.
„Ако некој нападне војник на Руската Федерација, а тој има оружје во рацете, тој станува мета“ – изјави портпаролот на Кремљ, Дмитриј Песков.
Песков го коментираше и повлекувањето на Русија од Советот на Европа и рече дека тоа значи и повлекување од сите нејзини институции.
Зборувајќи за средбата меѓу Сергеј Лавров и Дмитриј Кулеба во Турција, Песков рече дека Киев постојано предлага средба меѓу Путин и Зеленски.
Прашањето сега го разгледуваат министрите за надворешни работи на Русија и Украина – рече Песков.
Портпаролот на Кремљ исто така истакна дека ваква економска војна досега не била водена против Русија.
„Ситуацијата е без преседан, не вреди да се даваат прогнози, потребни се мерки“ – рече Песков.
Зборувајќи за бомбардирањето на породилиштето во Мариупол, Песков рече дека Кремљ сè уште нема информации што точно се случило и дека чекаат воен извештај.
„ Ќе ја прашаме нашата армија, бидејќи, се разбира, немаме точни информации што се случило таму, а нашата армија секако ќе ги даде тие информации“ – рече Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.