Свет
Песков: Украинските неонацисти ќе бидат казнети за воените злосторства
Руските власти ќе ги казнат украинските неонацисти за воени злосторства и ќе ги ликвидираат националистичките баталјони, објави денеска портпаролот на Кремљ, Дмитриј Песков.
„Знаете дека таму дејствуваат огромен број националистички воени формации. ‘Бандерас’, обични националисти, баталјони и така натаму. Секако, мораме да се ослободиме од нив“, одговори Песков на прашањето на новинарите што треба да направат украинските власти за да се обезбеди денацификација, што ја бараат руските власти.
Според него, станува збор за вистински неонацисти, кои мачеле и пукале во луѓе во југоисточна Украина, но не добиле соодветна осуда ниту од Украина ниту од европските земји.
„За жал, тогаш не видовме такво единство на Западот. Никој не го виде. Поради некоја причина, на пратениците во Европскиот парламент не им падна на памет да се кренат во знак на протест против убиствата на овие луѓе на југоистокот од земјата. Но, за жал, некој мора да ги казни тие луѓе“, рече Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.