Свет
Пилот со две деца паднал во замрзнато езеро во САД: чекале помош на крилата на авионот

Пилот и две деца се спасени кога мал авион се урна во замрзнато езеро на Алјаска, соопштија властите по целоноќна потрага.
„Пајпер ПА-12 супер крузер“ исчезна во неделата околу 22.30 часот по локално време во областа на езерото Тустумена и во планините Кенаи откога не се врати како што беше планирано.
Околу 12 часа откако авионот бил прогласен за исчезнат, пилот го забележал леталото на замрзнатата површина на езерото, што овозможило спасување на патниците.
„Рано утринава цивилен авион ги пронајде остатоците на источната страна на езерото Тустумена“, се вели во соопштението на државната полиција на Алјаска.
Локалните медиуми објавија фотографија од делумно потопен авион со три лица на крилата. Спасувачите ги бараа во текот на ноќта на температури под нулата, покажуваат локалните метеоролошки податоци.
Мажот и двете деца се пренесени во болница со повреди што не се опасни за животот, се додава во соопштението.
Дејл Ајчер, еден од неколкуте локални пилоти вклучени во потрагата, рече дека патниците имале неверојатна среќа што преживеале.
„Не очекував да ги најдам, а камоли да бидат живи“, изјави тој за локалната телевизија КТУУ.
„Бев вклучен во неколку операции за пребарување и спасување, но тие не секогаш завршуваат вака добро“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Подготвен сум за трилатерален состанок

Претседателите на САД и Украина, Доналд Трамп и Володимир Зеленски, сè уште одговараат на прашањата на новинарите во Белата куќа.
„Ќе имаме состанок. Ако сè оди добро денес, ќе имаме трилатерален состанок и мислам дека постои разумна шанса тогаш да ја завршиме војната.“, рече Трамп.
Претседателот на САД, исто така се осврна на можна трилатерална средба меѓу него, Зеленски и Владимир Путин.
Тој додаде дека никогаш не може однапред да каже дали таа средба ќе значи крај на војната.
Зеленски рече дека е подготвен за трилатерален состанок и додаде дека би било многу добро да се одржи.
Свет
Tрамп на состанок со Зеленски: Украна ќе добие безбедносни гаранции

Претседателот на САД, Доналд Трамп за време на состанокот во Овалната соба со украинскиот претседател, Володимир Зеленски, рече дека Украина ќе добие некаков вид безбедносни гаранции, но не прецизираше дали тоа ги вклучува и американските сили.
Зборувајќи во Белата куќа, американскиот претседател изјави:
„Ќе има многу помош кога станува збор за безбедноста. Ќе има многу помош. Ќе биде добро. Тие се првата линија на одбрана затоа што се таму, но и ние ќе им помогнеме. Ќе бидеме вклучени кога ќе дојде вистинското време.“
На Трамп му беше поставено и прашањеѕп дали денешниот самит е „договор или ништо“.
„Не можам да го кажам тоа“, одговори Трамп.
„Никогаш не е крај на патот. Луѓе умираат и ние сакаме да го спречиме тоа. Затоа не би рекол дека е крај. Мислам дека сега имаме добра шанса.“
Трамп додаде дека верува оти и Владимир Путин сака крај на војната.
Слетете ВО ЖИВО.
Свет
(Во живо) Eвропските лидери стигнаа во Вашингтон, почнува средбата меѓу Трамп и Зеленски

Претседателите на Украина и САД, Володимир Зеленски и Доналд Трамп повторно се сретнаa лице в лице во Вашингтон.
Тоа e нивна четврта средба во живо оваа година, и секоја од нив досега беше посебна на свој начин.
Претходно челниците на ЕУ и НАТО стигнаа во Белата куќа. Се очекува сите да се состанат по средбата меѓу Трамп и Зеленски.
Во Вашингтон стигнаа претседателката на ЕК, Урсула Фон дер Лајен, првиот човек на НАТО, Марк Руте, претседателот на Фрација, Емануел Макрон, канцеларот на Германија, Фридрих Мерц, британскиот премиер Кир Стамер, како и премиерката на Италија, Џорџа Мелони.