Свет
Пијан човек во Србија искршил сообраќајни знаци и удрил полицаец
![](https://makfax.com.mk/wp-content/uploads/2023/10/ѕ.jpg)
Полициски службеници на улица во Лазаревац го пронашле Ѓ. Б.(22) како кршел сообраќајни знаци, а потоа од знаци преминал со агресија на полицајци.
Полицијата во Лазаревац во соработка со ОЈТ во Лазаревац го уапсила Ѓ.Б. (22) и му одредиле мерка притвор до 48 часа, пишува Телеграф.рс. Тој бил обвинет и за напад на службено лице при вршење на службена должност.
Ѓ.Б. пијан кршел сообраќајни знаци на улицата, при што бил фатен од полициски службеници, по што го нападнал и со глава го удрил полицискиот службеник М.Ј. (36) во пределот на главата и лицето и со тоа го повредил.
Во Здравствен дом му биле констатирани полесни физички повреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Пожари на грчките острови Крит, Кос и Хиос
![](https://makfax.com.mk/wp-content/uploads/2024/07/bb.jpg)
Се уште горат три пожари кои избувнаа на грчките острови Крит, Кос и Хиос, иако пожарникарите делумно успеаја да ги локализираат.
Пожар избувна на островот Кос во понеделникот и излезе од контрола бидејќи силните ветрови го шират кон Кардамаина, популарно туристичко одморалиште на источниот брег на островот, пренесува Екатимерини.
Петмина пожарникари се полесно повредени во операциите за гаснење, а околу 10.000 туристи и жители се евакуирани од областа и сместени во училишта, спортски стадиони и хотели во Антимакија, Мастичари и Мармари.
Регион
На Златарско езеро во Србија се преврте гумен чамец со човек, нуркачи трагаат по него
![](https://makfax.com.mk/wp-content/uploads/2024/07/gfd.jpg)
На Златарско езеро дошло до несреќа кога чамецот во кој се наоѓал човек се превртел среде водната површина, паднал во езерото и исчезнал без трага.
„Човекот бил на гумен чамец. Припадниците на нуркачкиот тим на полицијата денеска цел ден ја пребаруваат областа во потрага по исчезнатото лице“, беше потврдено за агенцијата РИНА.
Според првите неофицијални информации од терен се работи за средовечен маж.
Иако важи за едно од најубавите во Србија, Златарското езеро често одзема човечки живот. Затоа се повикуваат граѓаните да внимаваат и внимателно да влезат во водата и никогаш, доколку немаат искуство, да не се качуваат сами на возење со чамец.
Свет
Русија собори седум украински авиони Су-27 при нападот на аеродромот Миргород
![](https://makfax.com.mk/wp-content/uploads/2024/07/df.jpg)
Руските војници соборија седум украински авиони Су-27 за време на ракетен напад на аеродромот Миргород во областа Полтава, соопшти денеска руското Министерство за одбрана.
Беше прецизирано дека нападот во кој, според тврдењата на руското Министерство, биле уништени пет оперативни повеќенаменски ловци Су-27, а оштетени уште два, кои биле на ремонт, бил извршен со „Искандер-М“ проектили.
831-та тактичка авијациска бригада на Украина се наоѓа на воениот аеродром во Миргород, а се користи и како база за напади на Запорожје и правецот на Крим, наведува агенцијата РИА Новости.