Свет
Плотников: Нема конфликт меѓу Украина и Русија, тоа е војна на колективниот Запад против Русија

Нема конфликт меѓу Украина и Русија. Се одвива војна на колективниот Запад против Русија. Украина и Украинците се само инструмент во рацете на САД, нивните сојузници во НАТО и сојузниците од Азиско-пацифичкиот Регион.
Се очекуваше нова експлозија на насилство, особено по формирањето на новата израелска влада на Бенјамин Нетанјаху. Во новиот министерски кабинет беа вклучени и такви скандалозни радикални политичари, како Итамар Бен-Гвир и Безалел Смотрич, вели Николај Плотников, раководител на Научноаналитичкиот информативен центар на Институтот за ориентални студии на Руската академија на науките во интервју за „Политика“ коментирајќи ги последните настани во Газа по нападот на Хамас врз Израел и објавите за војна од страна на официјален Тел Авив.
„Израелците почнаа да спроведуваат агресивна политика за населување на Западниот Брег на реката Јордан. Благодарение на нивните напори, огромната територија на Палестина беше исчистена од Арапите. Палестинците почнаа да возвраќаат. Всушност, на овие територии од пролетта оваа година трае третата интифада.
Не знам по што се водеа раководството на Хамас и Исламскиот џихад во моментот. Според сите пресметки, според Хегеловата дијалектика, функционирал законот за премин на квантитетот во квалитет. Палестинците имаат исто право на живот како и другите народи“, вели тој.
„Да, Израел е против спроведувањето на одлуката на ОН за создавање две држави од првиот ден. Тој се согласува со зборови, но во реалноста не прави ништо.
Единствениот начин е да се спроведе одлуката на ОН за создавање две држави за два народа. Друго нема. Мора да се формира независна држава Палестина. Ако Израел не се согласи со ова, тогаш насилството ќе продолжи. Палестинците нема да ја прифатат политиката на Израел за освојување на нивните земји“, нагласува аналитичарот.
Додава дека треба да се претпостави дека преговарачкиот процес ќе биде прекинат. Според него, малку е веројатно дека Саудиска Арабија ќе ги предаде интересите на Палестинците.
„Сега ја гледаме консолидацијата на арапскиот свет. И нивното мислење за овој проблем не смее да се игнорира“, нагласува Плотников.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија: Го задржуваме правото да одговориме со нуклеарно оружје ако Западот нè нападне

Русија го задржува правото да користи нуклеарно оружје во случај на агресија од западните земји, изјави денеска високиот безбедносен функционер на Москва, Сергеј Шојгу во интервју за државната новинска агенција ТАСС.
Шојгу го кажа ова откако американскиот претседател Доналд Трамп и потпретседателот Џеј Ди Венс предупредија дека Вашингтон може да се откаже од обидот да преговара за мировно решение во Украина доколку наскоро нема напредок во договорот.
Откако ја презеде функцијата во јануари, Трамп ја смени американската политика кон тригодишната војна, вршејќи притисок врз Украина да се согласи на прекин на огнот, а истовремено го намали притисокот врз Русија.
Шојгу, кој беше министер за одбрана на Русија повеќе од десет години додека не стана шеф на моќниот совет за безбедност со реконструкција на владата минатата година, ги наведе амандманите на нуклеарната доктрина на Москва, одобрени од претседателот Владимир Путин во ноември минатата година.
Според новите услови, Русија би можела да размисли за нуклеарен напад како одговор на конвенционален напад врз неа или нејзиниот сојузник Белорусија што ќе создаде критична закана за нивниот суверенитет и (или) нивниот територијален интегритет.
„Во случај странските земји да извршат непријателски дејствија што претставуваат закана за суверенитетот и територијалниот интегритет на Руската Федерација, нашата земја смета дека е легитимно да преземе симетрични и асиметрични мерки неопходни за да се потиснат таквите акции и да се спречи нивното повторување“, рече Шојгу.
Свет
Трамп: Русија е подготвена за мир, но Украина не е

Американскиот претседател Доналд Трамп изјави дека Русија е подготвена да потпише мировен договор, но дека убедувањето на Украина да се согласи со договорот е „потешко отколку што очекуваше“, пренесува Анадолија.
„Мислам дека имаме договор со Русија. Мораме да се договориме со Зеленски и се надевам дека ќе направиме. Мислев дека ќе биде полесно да се договориме со Зеленски. Досега беше потешко. Но, добро, тоа е во ред“, им рече Трамп на новинарите во Белата куќа.
Тој додаде дека верува оти има „договор од двете страни“ и изрази надеж дека тој ќе се реализира.
„Сакам да спасувам животи. Трошиме многу пари, но тука се работи за хуманост“, рече Трамп.
Претходно истиот ден, Трамп го критикуваше украинскиот претседател Володимир Зеленски за изјавата на прес-конференција во вторникот на која тој ја отфрли можноста за признавање на руската окупација на Крим.
„Таа изјава е многу штетна за мировните преговори со Русија, имајќи предвид дека Крим беше изгубен пред многу години, кога претседател беше Барак Обама, и веќе не е ниту тема на разговор“, напиша Трамп на социјалните мрежи.
„Никој не бара Зеленски да го признае Крим како руска територија, но ако тој го сака тоа, зошто не се бореа за него пред единаесет години кога и беше предаден на Русија без ниту еден истрел?“
На прашањето дали договорот, кој, според него, Русија го прифаќа, вклучува и признавање на рускиот суверенитет над Крим, Трамп нејасно одговори:
„Се е во ред. Видете, јас само сакам војната да заврши. Не ми е гајле. Ако двете страни се среќни и го потпишат договорот, тоа е најважно. Немам фаворити. Сакам само договор. Сакам да се спасат животи“.
Трамп најави дека постои можност за средба со Владимир Путин кон средината на мај, за време на планираната посета на Саудиска Арабија, но додаде дека средбата „најверојатно нема да се случи тогаш“.
„Мислам дека ќе се сретнеме наскоро потоа“, рече тој.
Свет
Универзитетите да примаат студенти врз основа на успехот, а не на малцинствата, нареди Трамп

Претседателот на САД, Доналд Трамп, потпиша указ за обврска за откривање на изворите на странско финансирање на високообразовните институции во земјата.
Еден член на персоналот на Трамп покрена сомнеж дека најпрестижните американски универзитети, како што е Харвард, ги прекршуваат законите за откривање на такви донации.
Наредбата има за цел да ги принуди институциите за високо образование да пријават значајни извори на странско финансирање „за да се стави крај на тајноста околу странското финансирање на американските образовни институции… и да се заштитат американските студенти и истражувања од странска експлоатација“.
Трамп потпиша вкупно седум извршни наредби.
Целта на другите е да бараат од универзитетите да примаат студенти врз основа на нивниот успех, а не критериуми врз основа на застапеноста на малцинствата.
„Мојата администрација ќе го реформира нашиот нефункционален систем за акредитација, така што колеџите и универзитетите ќе се фокусираат на обезбедување висококвалитетни академски програми“, се вели во извршната наредба.
Трамп ги обвини Харвард и другите елитни американски универзитети дека следат левичарска идеологија и дозволуваат антисемитизам.
За разлика од другите универзитети кои беа под притисок, Харвард досега одбиваше да ги спроведе промените за вработувањат и приемот.
Претседателот, исто така, сака да ја прекине програмата Различност, еднаквост и вклучување (DEI).
Како одговор на ставот на Харвард, администрацијата на Трамп замрзна милијарди финансирање, што универзитетот го оспорува на суд.