Петицијата за забрана на лов на делфини и на китови за културни и едукативни цели собра повеќе од 100.000 потписи на веб-страницата на Руската јавна иницијатива и сега ќе биде разгледана од експертска група на федерално ниво, пренесува ТАСС.

Според roi.ru, веб-страница дизајнирана за популарни иницијативи што ги доставува до рускиот парламент, петицијата ја потпишале 100.154 лица.

„Во 17:24 часот во Москва на 23 декември 2019 година, ја сменивме историјата. Денес, петицијата за забрана на ловот на китови за културни и едукативни цели ги собра потребните 100.000 гласови“, рече коалицијата на невладини организации „Слобода за бели китови и орки“ на својата официјална страница на руската социјална мрежа ВКонтакте.

Претходно, активистите за заштита на животната средина објавија дека собрале 125.000 потписи на две други петиции за забрана на заробеништвоот китовите белуга и орка за океанариуми, за да се избегне повторување на неодамнешниот скандал „китовски затвор“ во регионот Приморски.Петицијата на „Гринпис Русија“ собра над 76.000 потписи, додека документот на платформата Change.org собра над 49.000 потписнички.

Деведесет китови белуга и 11 орки уловени за продажба во Кина биле чувани во заливот Средњаја во регионот Приморски од летото 2018 година, но подоцна три кита белуга и една орка се изгубиле. Според истражителите, откриени се прекршувања во ловот на китовите и покрената е кривична постапка за незаконскао заплена на биоизвори.

Во јуни почна постепениот превоз на морските цицачи на северот од регионот Кабаровск за нивно пуштање во дивината во групи. Првата група, која се состои од две орки и шест китови белуга, беше ослободена во морето на 27 јуни. Последната група животни беше ослободена од регионот Приморски во ноември годинава.