Свет
Повеќе од 120 руски дипломати протерани од ЕУ за два дена
Италија, Данска и Шведска им се придружија на сојузниците од ЕУ кои протераа руски дипломати поради војната во Украина, протерувајќи повеќе од 120 луѓе во изминатите 48 часа.
Протерувањето доаѓа во време на меѓународниот гнев поради убиствата во градот Буча, во близина на Киев.
„Протеравме 30 руски дипломати поради закана за националната безбедност“, изјави италијанскиот министер за надворешни работи Луиџи ди Мајо.
Претходно, Данска соопшти дека протерува 15 руски „шпиони“ обвинети за шпионирање на нејзина територија. Владата ја осуди, како што ја нарече, „руската бруталност против украинските цивили во Буча“.
„Намерните напади врз цивили се воено злосторство“, се вели во извештајот.
Данскиот министер за надворешни работи Јепе Кофод рече дека дипломатските односи со Москва ќе се задржат и „затоа рускиот амбасадор и остатокот од амбасадата во Копенхаген не се вклучени во протерувањето“.
Набргу потоа, шведското Министерство за надворешни работи објави дека протерува тројца руски дипломати кои таму вршеле „незаконски операции“.
„Министерството за надворешни работи денеска одлучи да протера тројца руски дипломати кои не работат во Шведска во согласност со Виенската конвенција за дипломатски односи“, рече министерот за надворешни работи Ан Линде.
Извештаите следеа по слични чекори на сојузниците од ЕУ. Франција протера 35 руски дипломати во понеделникот, и Германија, каде што официјалните лица соопштија дека 40 дипломати биле испратени дома. Исто така во понеделникот Литванија соопшти дека го протерува рускиот амбасадор како одговор на „руската воена агресија“ и како што го нарече „ужасен масакр во Буча“.
Според агенцијата АФП, земјите од Европската Унија протерале повеќе од 230 руски дипломати откако Москва ја нападна Украина на 24 февруари.
На 29 март Русија соопшти дека како одговор протерува 10 дипломати од Летонија, Литванија и Естонија. Рускиот заменик-министер за надворешни работи Александар Грушко денеска изјави дека „јасно е дека се работи за претходно координирана кампања“ и дека Москва „се разбира, ќе преземе одмазднички мерки“.
„Ова е удар за билатералните односи, за каналите за дипломатски разговори“, рече тој, додавајќи дека „последиците ќе се чувствуваат уште долго време“.
Украинскиот претседател Володимир Зеленски го повика светот да воведе нови остри санкции кон Москва поради убиствата во Буча, кои тој ги опиша како „воени злосторства“ и „геноцид“.
Кремљ ги отфрли западните обвинувања дека руските сили се одговорни. Москва тврди дека фотографиите биле лажирани и дека руските сили се повлекле од областа пред да бидат објавени снимките.
Европската Унија понуди да испрати истражители да соберат докази, а американскиот претседател Џо Бајден повика на „судење за воени злосторства“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.