Свет
Повеќе од 2.000 азиланти во Британија лажеле за возраста за да го измамат системот
Најновите податоци од британскиот „Хоум офис“ откриваат дека повеќе од 2.000 баратели на азил ги лажеле службениците за имиграција за својата возраст преправајќи се дека се деца за да ги подобрат шансите да останат во земјата, пренесува „Дејли мејл“.
Од 2015 година владата испитувала 3.755 случаи на имиграција во кои возраста на мигрантот била во прашање. Од тие истраги утврдено е дека околу 2.203 баратели на азил се на возраст над 18 години иако претходно тврделе дека се малолетни.
Реалниот број на измамнички побарувања од мигранти може да биде поголем бидејќи случаите против „децата“ не се отвораат ако се чини дека тие не се значително постари од 18 години по што возраста им ја проценуваат локалните социјални работници.
Портпаролот на Министерството за внатрешни работи изјави за „Дејли мејл“:
„Го поправаме нашиот расипан систем за азил за да го направиме цврст и фер. Ќе се обидеме да престанеме со злоупотреба на системот, истовремено грижејќи се тој да биде сочувствителен кон оние на кои им е потребна наша помош пречекувајќи ги луѓето преку безбедни и легални патишта“.
Според сегашниот систем во Велика Британија, на децата бегалци, што бегаат од војна, хуманитарни кризи или од тероризам, им се обезбедува финансиска помош до 25. година од животот. На оние што имаат над 18 години сè уште им се дава помош од владата, но плаќањата се многу пониски.
Asylum seeker pupil who 'looks 40 and has thinning hair' pictured after joining Coventry school as 15-year-old https://t.co/ZSsmYgRyXo
— The Sun (@TheSun) October 23, 2020
Проблемот со барателите на азил што се претставуваат како деца беше нагласен во октомври кога родителите се пожалија дека „дете“ мигрант, кое изгледа како да има 40 години, се запишало во училиште во Ковентри, Англија. Владата допрва треба да ја открие возраста на мигрантот, но фотографиите што беа споделени на интернет покажуваат јасни знаци на старост.
Проблемот не е нова појава. Во 2018 година ученик беше отпишан од средното училиште „Стоук“ кога се утврди дека има 30 години, а не 15, како што тврдел тој.
Среде рекордните мигрантски бранови со бродови што го преминуваат Ла Манш од Франција, Советот на округот Кент (ККЦ) во август рече дека поради повеќемесечните вонредни барања, веќе не може безбедно да сместат повеќе мигранти што тврдат дека се деца.
Подоцна ККЦ откри дека околу 25 отсто од илегалните мигранти со бродови што тврдат дека се деца се всушност постари од 18 години.
Во октомври истрагата спроведена од „Дејли мејл“ откри дека Советот исплатил над 300.000 фунти од британските даночни обврзници за правни случаи против 25 мигранти обвинети дека лажеле за својата возраст. Истрагата утврди дека 13 од правните случаи се во тек, а другите случаи се отфрлени, повлечени или решени вон судски.
Натали Елфике, пратеничка од Довер, рече:
„Ниту едно дете или младо лице не смее да тргне на пат со опасните мали бродови преку Ла Манш. Оние што намерно лажат за својата возраст за да може да го измамат системот, треба да се соочат со законски последици“, рече таа додавајќи дека Французите мора да сторат повеќе со десетиците милиони фунти што ги плаќа британскиот даночен обврзник за да ги заштити напуштените деца мигранти и да ги чува подалеку од рацете на бандите за трговија со луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Колумбискиот претседател: Трамп не размислува за демократизација на Венецуела, туку за нафта
Колумбискиот претседател Густаво Петро во интервју за „Си-Ен-Ен“ изјави дека нафтата е во сржта на притисокот кој администрацијата на Доналд Трамп го врши врз Венецуела, а не борбата против трговијата со дрога.
Тој нагласи дека Венецуела не е значаен производител на дрога и дека преку земјата минува мал дел од глобалната трговија.
„Значи, станува збор за преговори за нафта. Верувам дека тоа е логиката на претседателот Трамп. Тој не размислува за демократизација на Венецуела, а уште помалку за пазарот на дрога“, продолжил тој.
Петро ги обвини САД за империјализам и анкциите воведени од администрацијата на Трамп ги оцени како политички мотивирани. И покрај тензии меѓу двајцата лидери, американските власти истакнуваат дека односите со колумбиските институции остануваат стабилни.
Свет
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што, според него, може да се смета за чекор напред кон решавање на конфликтот.
Во разговор со новинарите во „Ер Форс Уан“, Трамп рече дека не се согласува со тврдењата дека неговиот предложен договор е поповолен за Русија и дека Москва не прави никакви отстапки.
🚨OH – MY – GOD!!!
REPORTER: What kinds of concessions are the Russians going to have to make?
TRUMP: They're making concessions; their big concession is they stop fighting and they don't take any more land.
After blaming Biden, he cruelly blabbers, "It's too bad." Wtf. pic.twitter.com/kmsS8vj1l7
— CALL TO ACTIVISM (@CalltoActivism) November 26, 2025
Трамп: Руската отстапка е да престане да се бори
„Па, тие прават отстапки. Голема отстапка е да престане да се бори и да не се зазема повеќе територија“, рече Трамп кога го праша новинарка.
Белата куќа вчера изрази голем оптимизам дека е можно да се постигне договор по неколкудневните разговори во Европа и Заливот, на кои учествуваа американскиот државен секретар Марко Рубио, американскиот секретар на армијата Даниел Дрискол и други високи функционери.
фото: принтскрин
Свет
„Донецк и размена на територии“: Целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и Јури Ушаков, главен советник за надворешна политика на рускиот претседател Владимир Путин.
Разговорот се одржал на 14 октомври, траел малку повеќе од пет минути, а транскриптот е составен откако Блумберг ја слушнал снимката од повикот.
Подолу е целосната содржина на разговорот, во форма на транскрипт.
(телефонот ѕвони)
Стив Виткоф: Здраво, Јури.
Јури Ушаков: Да, Стив, здраво, како си?
СВ: Добро, Јури. Како си?
ЈУ: Добро сум. Честитки, пријателе.
СВ: Ви благодарам.
ЈУ: Одлично си ја завршил работата. Навистина одлична работа. Ви благодарам многу. Ви благодарам, ви благодарам.
СВ: Ви благодарам, Јури, и ви благодарам за вашата поддршка. Знам дека вашата земја ја поддржа и сум благодарен.
ЈУ: Да, да, да. Да. Знаете, затоа ја суспендиравме организацијата на првиот руско-арапски самит.
СВ: Да.
ЈУ: Да, затоа што мислиме дека правите вистинска работа таму во регионот.
СВ: Слушајте, ќе ви кажам нешто. Мислам, мислам дека ако можеме да ја средиме оваа работа со Русија и Украина, сите ќе скокаат од радост.
ЈУ: Да, да, да. Да, треба да решите само еден проблем. (смеа)
СВ: Кој?
ЈУ: Руско-украинска војна.
СВ: Знам! Како да ја решиме?
ЈУ: Пријателе, само сакам твој совет. Дали мислиш дека би било корисно нашите шефови да разговараат по телефон?
СВ: Да, мислам дека би било.
ЈУ: Мислиш дека би било. И кога мислиш дека тоа би можело да биде можно?
СВ: Мислам дека штом ќе предложиш, мојот човек е подготвен да го стори тоа.
ЈУ: Во ред, во ред.
СВ: Јури, Јури, би сакал овака. Мој предлог.
ЈУ: Да, ве молам.
СВ: Би се јавил и само би повторил дека му честитате на претседателот за ова достигнување, дека го поддржавте, дека го поддржавте, дека го почитувате тоа што тој е човек на мирот и дека навистина сте задоволни што го гледате тоа. Би рекол тоа. Мислам дека затоа овој повик ќе биде многу добар.
Затоа што – ќе ви кажам што му кажав на претседателот. Му кажав на претседателот дека Руската Федерација отсекогаш сакала мировен договор. Тоа е моето верување. Му кажав на претседателот дека верувам во тоа. И мислам дека прашањето е – проблемот е што имаме две земји кои тешко се согласуваат за компромис и кога ќе го постигнеме тоа, ќе имаме мировен договор. Дури размислувам дека можеби можеме да излеземе со некаков мировен предлог од 20 точки, како што направивме во Газа. Излеговме со мировниот план на Трамп од 20 точки и мислам дека можеме да го сториме истото со вас. Поентата е следнава…
ЈУ: Добро, добро, пријателе мој. Мислам дека тоа е точка за која нашите лидери можат да разговараат. Стив, се согласувам со тебе дека ќе честита, дека ќе каже дека Трамп е вистински човек на мирот и така натаму. Тоа е она што ќе го каже.
СВ: Но, еве што мислам дека би било одлично.
ЈУ: Во ред, во ред.
СВ: Што ако, што ако… само послушај ме…
ЈУ: Ќе разговарам со мојот шеф за тоа и ќе ти се јавам. Во ред?
СВ: Да, затоа што слушај ме што зборувам. Само сакам можеби да му кажеш на претседателот Путин, затоа што знаеш дека имам најголема почит кон претседателот Путин.
ЈУ: Да, да.
СВ: Можеби треба да му каже на претседателот Трамп: знаеш, Стив и Јури разговараа за многу сличен план од 20 точки за мир и тоа може да биде нешто што мислиме дека би можело малку да ги помести работите, отворени сме за такво нешто – да истражиме што би било потребно за да се постигне мировен договор. Сега, меѓу нас двајцата, знам што е потребно за да се постигне договор: Донецк и можеби некаква територијална размена некаде. Но, велам, наместо да зборуваме така, ајде да разговараме повеќе со надеж затоа што мислам дека ќе постигнеме договор. И мислам, Јури, претседателот ќе ми даде многу простор и слобода да постигнам договор.
ЈУ: Разбирам…
СВ: …па ако можеме да ја создадеме таа можност да кажеме потоа – разговарав со Јури и имавме разговор што мислам дека би можел да доведе до одлични работи.
ЈУ: Во ред, тоа звучи добро. Тоа звучи добро.
СВ: И уште нешто: Зеленски доаѓа во Белата куќа во петок.
ЈУ: Знам. (смеа)
СВ: И ќе одам на тој состанок затоа што сакаат да бидам таму, но мислам, ако е можно, треба да разговараме со вашиот шеф пред тој состанок во петок.
ЈУ: Пред, пред – да?
СВ: Точно така.
ЈУ: Во ред, во ред. Го послушав твојот совет. Ќе разговарам со мојот шеф за тоа и ќе ти се јавам, во ред?
СВ: Во ред, Јури, се слушаме наскоро.
ЈУ: Одлично, одлично. Ви благодарам многу. Ви благодарам.
СВ: Поздрав, поздрав.
ЈУ: Поздрав.
(повикот завршува)
фото: принтскрин
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размена на територии“: Целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата околу Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
